തീരദേശപാത വികസനം; പൊഴിയൂർ മുതൽ കോവളം വരെ 916 കുടുംബങ്ങളെ ബാധിക്കും

തി​രു​വ​ന​ന്ത​പു​രം: സം​സ്ഥാ​ന​ത്തെ തീ​ര​​ദേ​ശ​പാ​ത 14 മീ​റ്റ​ർ വീ​തി​യി​ൽ വി​ക​സി​പ്പി​ക്കു​ന്ന പ​ദ്ധ​തി​യു​ടെ ഭാ​ഗ​മാ​യി പൊ​ഴി​യൂ​ർ മു​ത​ൽ കോ​വ​ളം വ​രെ​യു​ള്ള ഭൂ​മി ഏ​റ്റെ​ടു​ക്കു​ന്ന​ത്​ 916 കു​ടും​ബ​ങ്ങ​ളെ ബാ​ധി​ക്കും. 221 വീ​ടു​ക​ൾ പൂ​ർ​ണ​മാ​യും 27 വീ​ടു​ക​ൾ ഭാ​ഗി​മാ​യും പൊ​ളി​​ക്കേ​ണ്ടി​വ​രു​മെ​ന്നാ​ണ്​ ഇ​തു സം​ബ​ന്ധി​ച്ച്​ പ​ഠ​നം ന​ട​ത്തി​യ ഏ​ജ​ൻസി​യു​ടെ ക​ര​ട്​ റി​പ്പോ​ർ​ട്ട്.

പൂ​വാ​ർ, കു​ള​ത്തൂ​ർ, ക​രി​ങ്കു​ളം, കോ​ട്ടു​കാ​ൽ, വി​ഴി​ഞ്ഞം, വെ​ങ്ങാ​നൂ​ർ വി​ല്ലേ​ജ്​ പ​രി​ധി​യി​ലാ​യി 11.47 ഹെ​ക്ട​ർ ഭൂ​മി​യാ​ണ്​ ഏ​​റ്റെ​ടു​ക്കേ​ണ്ട​ത്. 27 വ്യാ​പാ​ര സ്ഥാ​പ​ന​ങ്ങ​ൾ പൂ​ർ​ണ​മാ​യി പൊ​ളി​ച്ചു​നീ​ക്കേ​ണ്ടി​വ​രു​മ്പോ​ൾ റോ​ഡ്​ വി​ക​സ​നം ഭാ​ഗി​ക​മാ​യി ബാ​ധി​ക്കു​ന്ന​വ 175 എ​ണ്ണ​മാ​ണ്. ഭാ​ഗി​ക​മാ​യി പൊ​ളി​ക്കേ​ണ്ടി​വ​രു​ന്ന​വ​യി​ൽ ശേ​ഷി​ക്കു​ന്ന ഭാ​ഗം നി​ല​നി​ർ​ത്തി ഉ​പ​യോ​ഗി​ക്കാ​ൻ ക​ഴി​യാ​ത്ത 90​ കെ​ട്ടി​ട​ങ്ങ​ളും 112 ക​ച്ച​വ​ട, സ്വ​യം​തൊ​ഴി​ൽ സം​രം​ഭ​ങ്ങ​ളു​മു​ണ്ട്.

63 ക​ച്ച​വ​ട സ്ഥാ​പ​ന​ങ്ങ​ൾ​ക്ക്​ പ​രി​മി​ത​മാ​യ സ്ഥ​ല​സൗ​ക​ര്യ​​ത്തോ​ടെ പ്ര​വ​ർ​ത്തി​ക്കാ​നാ​വും. 131 വീ​ടു​ക​ൾ​ക്ക്​ തു​ട​രു​പ​യോ​ഗം സാ​ധ്യ​മാ​ണ്. ഏ​റ്റെ​ടു​ക്കു​ന്ന സ്ഥ​ല​ങ്ങ​ളി​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, പൊ​ലീ​സ്​ സ്​​റ്റേ​ഷ​ൻ, പെ​​ട്രോ​ൾ പ​മ്പ്, ആ​ര​ധാ​നാ​ല​യ​ങ്ങ​ൾ തു​ട​ങ്ങി​യ​വ​യു​മു​ണ്ട്. തീ​​ര​പ്ര​​ദേ​ശ​ത്തെ ഏ​ഴ്​ ക​ളി​സ്ഥ​ല​ങ്ങ​ൾ, സെ​മി​ത്തേ​രി എ​ന്നി​വ​യും അ​ലൈ​ൻ​മെ​ന്‍റി​ൽ ഉ​ൾ​പ്പെ​ടു​ന്നു.

പൊ​ഴി​യൂ​ർ മു​ത​ൽ കോ​വ​ളം വ​രെ​യു​ള്ള റീ​ച്ചി​ൽ 18.9 കി​ലോ​മീ​റ്റ​റാ​ണ്​ റോ​ഡി​ന്‍റെ ദൈ​ർ​ഘ്യം. ആ​റു മു​ത​ൽ എ​ട്ടു​​വ​രെ മീ​റ്റ​ർ വീ​തി​യി​ലാ​ണ്​ നി​ല​വി​ലെ തീ​ര​​ദേ​ശ​പാ​ത. ഇ​ത്​ ​14 മീ​റ്റ​ർ വീ​തി​യി​ലാ​ണ്​ വി​ക​സി​പ്പി​ക്കു​ക. ഒ​രു വ​​ശ​ത്തു​നി​ന്നോ അ​ല്ലെ​ങ്കി​ൽ ഇ​രു​വ​​ശ​ത്തു​നി​ന്നോ ആ​വ​ശ്യ​മാ​യ ഭൂ​മി ഏ​റ്റെ​ടു​ക്കാ​നാ​ണ്​ നി​ർ​ദേ​ശം.

ഏ​ഴ്​ മീ​റ്റ​ർ വീ​തി​യി​ൽ വാ​ഹ​ന​ങ്ങ​ൾ​ക്കു​ള്ള പാ​ത, ര​ണ്ട്​ വ​ശ​ങ്ങ​ളി​ലും 0.75 മീ​റ്റ​ർ വീ​തി​യി​ൽ ഷോ​ൾ​ഡ​ർ, 2.5 മീ​റ്റ​ർ വീ​തി​യി​ൽ സൈ​ക്കി​ൾ ട്രാ​ക്ക്​ എ​ന്നി​വ​യാ​ണ്​ പാ​ത​യി​ൽ വി​ഭാ​വ​നം ചെ​യ്യു​ന്ന​ത്. ഇ​രു​വ​ശ​ങ്ങ​ളി​ലും 1.5 മീ​റ്റ​ർ വീ​തി​യി​ൽ ഡ്രെ​യി​നേ​ജ്​ സൗ​ക​ര്യ​വും ഉ​ണ്ടാ​വും.

അ​തേ​സ​മ​യം, ഇ​തി​ൽ 5.5 കി​ലോ​മീ​റ്റ​ർ ഭാ​ഗ​ത്ത്​ ഏ​റ്റെ​ടു​ക്കു​ന്ന സ്വ​കാ​ര്യ ഭൂ​മി​യു​ടെ അ​ലൈ​ൻ​മെ​ന്‍റ് സൂ​ചി​പ്പി​ക്കു​ന്ന ത​ര​ത്തി​ൽ ക​ല്ലു​ക​ളോ അ​ട​യാ​ള​ങ്ങ​ളോ സ്ഥാ​പി​ക്കാ​ത്ത​ത്​ വി​വ​ര​ശേ​ഖ​ര​ണ​ത്തി​ന്​ ത​ട​സ​മാ​വു​ന്നു​വെ​ന്നും പ്ര​ദേ​ശ​വാ​സി​ക​ളു​ടെ എ​തി​ർ​പ്പു​മൂ​ല​മാ​ണെ​ന്നും റി​പ്പോ​ർ​ട്ടി​ൽ പ​റ​യു​ന്നു.

തി​രു​വ​ന​ന്ത​പു​രം പാ​ങ്ങോ​ട്​ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന സെ​ന്‍റ​റ​ർ ഫോ​ർ ലാ​ൻ​ഡ്​ ആ​ൻ​ഡ്​ സോ​ഷ്യ​ൽ സ്റ്റ​ഡീ​സാ​ണ്​ പ​ഠ​നം ന​ട​ത്തി​യ​ത്. ഭൂ​മി ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട്​ ജ​ന​പ്ര​തി​നി​ധി​ക​ളു​ടെ സാ​ന്നി​ധ്യ​ത്തി​ലു​ള്ള പൊ​തു​ച​ർ​ച്ച ന​ട​ത്താ​നും തീ​രു​മാ​നി​ച്ചി​ട്ടു​ണ്ട്.

16ന്​ ​രാ​വി​ലെ 10.30നും ​ഉ​ച്ച​ക്ക്​ 2.30നും ​വി​ഴി​ഞ്ഞം ഗ​വ. എ​ൽ.​പി സ്കൂ​ളി​ലും 18ന്​ ​രാ​വി​ലെ 10.30ന്​ ​മു​ല്ലൂ​ർ പ​ന​വി​ള ഗ​വ. യു.​പി സ്​​കൂ​ളി​ലു​മാ​ണ്​ ച​ർ​ച്ച തീ​രു​മാ​നി​ച്ചി​ട്ടു​ള്ള​ത്. റ​വ​ന്യൂ അ​ധി​കൃ​ത​രും കേ​ര​ള റോ​ഡ്​ ഫ​ണ്ട്​ ബോ​ർ​ഡ്​ അ​ധി​കൃ​ത​രു​മ​ട​ക്കം പ​​ങ്കെ​ടു​ക്കും. പ​ഠ​ന റി​പ്പോ​ർ​ട്ടി​ന്‍റെ ക​ര​ട്​ ബ​ന്ധ​പ്പെ​ട്ട ത​​ദ്ദേ​ശ​സ്​​ഥ​പ​ന​ങ്ങ​ളി​ല​ട​ക്കം പ്ര​സി​ദ്ധീ​ക​രി​ച്ചി​ട്ടു​ണ്ട്.