കോവിഡ്: മുഖ്യമന്ത്രിയുടെ ആരോഗ്യനില തൃപ്തികരമെന്ന് ആശുപത്രി അധികൃതർ
text_fieldsകോഴിക്കോട്: മെഡിക്കൽ കോളജ് ആശുപത്രിയിൽ കോവിഡ് ചികിത്സയിൽ കഴിയുന്ന മുഖ്യമന്ത്രി പിണറായി വിജയെൻറ ആരോഗ്യനില തൃപ്തികരമായി തുടരുന്നുവെന്ന് ആശുപത്രി അധികൃതർ അറിയിച്ചു. മുഖ്യമന്ത്രിയുടെ മകൾ വീണ, മരുമകൻ മുഹമ്മദ് റിയാസ്, ചെറുമകൻ ഇഷാൻ എന്നിവരും കോവിഡ് ബാധിച്ച് മെഡിക്കൽ കോളജിൽ ചികിത്സയിലുണ്ട്. ആർക്കും പ്രശ്നങ്ങളൊന്നുമില്ല.
കോവിഡ് സ്ഥിരീകരിച്ച മുഖ്യമന്ത്രിയെ ഏപ്രിൽ എട്ടിനാണ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ഒപ്പം ഭാര്യയും ചെറുമകനും ഉണ്ടായിരുന്നു. ഭാര്യ കമലക്ക് കോവിഡ് ഇല്ലെങ്കിലും ചെറുമകന് കൂട്ടിരിക്കുന്നതിനാണ് ആശുപത്രിയിൽ എത്തിയത്. മകൾ വീണക്കാണ് ആദ്യം രോഗം സ്ഥിരീകരിച്ചത്. വീണയും ഭർത്താവ് റിയാസും നേരത്തെതന്നെ മെഡിക്കൽ കോളജിൽ ചികിത്സയിലായിരുന്നു.
മെഡിക്കൽ കോളജ് പേവാർഡ് ഒന്നാം നിലയിലെ കോവിഡ് വി.െഎ.പി റൂമിലാണ് മുഖ്യമന്ത്രിക്കും കുടുംബത്തിനും ചികിത്സാസൗകര്യമൊരുക്കിയത്. ഡോ. മുബാറക്കിെൻറ നേതൃത്വത്തിലുള്ള പത്തംഗ പ്രത്യേക മെഡിക്കൽ സംഘമാണ് ചികിത്സാകാര്യങ്ങൾ ഏകോപിപ്പിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.