സി.എം.പി, സി.പി.എമ്മിൽ ലയിച്ചിട്ടില്ല- എം.വി.രാജേഷ്​

കൊല്ലം: സി.എം.പി, സി.പി.എമ്മിൽ ലയിച്ചുവെന്ന റിപ്പോർട്ടുകൾ ശരിയല്ലെന്ന്​ സംസ്​ഥാന ജനറൽ സെക്രട്ടറി എം.വി.രാജേഷ്​. കഴിഞ്ഞ തെരഞ്ഞെടുപ്പിൽ ചവറ മണ്ഡലത്തിൽ നിന്ന്​ വിജയിച്ച എൻ.വിജയൻ പിള്ള അദ്ദേഹത്തി​െൻറ മരണംവരെയും സി.എം.പി അംഗമായിത്തന്നെയാണ്​ പ്രവർത്തിച്ചതെന്ന്​​ നിയമസഭാ രേഖകൾ വ്യക്തമാക്കുന്നുണ്ടെന്നും അദ്ദേഹം വാർത്ത സമ്മേളനത്തിൽ പറഞ്ഞു.

ചവറ ഉപതെരഞ്ഞെടുപ്പുമായി ബന്ധപ്പെട്ട്​ സി.പി.എം നേതാക്കളും മാധ്യമങ്ങളും സി.എം.പി,സി.പി.എമ്മിൽ ലയിച്ചിരുന്നുവെന്ന രീതിയിൽ പ്രചരിപ്പിക്കുയാണ്​.അത്തരമൊരു ലയനം നടന്നിട്ടില്ല. എന്നാൽ, ചില നേതാക്കൾ സി.എം.പിയിൽ നിന്ന്​ സി.പി.എമ്മിലേക്ക്​ പോയിട്ടുണ്ട്​.

അവർ സി.പി.എമ്മിൽ ചേർന്ന യോഗത്തിൽ ലയനസമ്മേളനം എന്ന്​ വച്ചിരുന്നുമില്ല. ചവറയിൽ സി.പി.എം സ്​ഥാനാർഥിയെ നിർത്തുന്നത്​ സംബന്ധിച്ച്​ അവരാണ്​ തീരുമാനം എടുക്കേണ്ടത്​. അതിൽ തങ്ങൾക്ക്​ അഭിപ്രായമൊന്നുമില്ല.

എടുക്കാത്ത ലയനതീരുമാനത്തി​െൻറ പേരിൽ ലയന സമ്മേളനം നടത്താനുള്ള തീരുമാനത്തിനെതിരെ കോടതിയെ സമീപിക്കുയും അനുകൂലമായ കോടതി വിധി സമ്പാദിക്കുയും ചെയ്​തിട്ടുണ്ട്​. ആ വിധി ഇപ്പോഴും നിലനിൽക്കുയാണ്​. ചവറ ഉപതെരഞ്ഞെടുപ്പിൽ സ്വീകരിക്കേണ്ട നിലപാട്​ സംബന്ധിച്ച്​ ഉടൻ തീരുമാനം എടുക്കുമെന്നും അദ്ദേഹം അറിയിച്ചു.