ചവറയിൽ ആർ.എസ്.പിയെ കുറ്റപ്പെടുത്തി സി.എം.പിയും

ചവറ: നിയമസഭ തെരഞ്ഞെടുപ്പിനെതുടർന്ന് ചവറയിൽ യു.ഡി.എഫിലുണ്ടായ പിണക്കങ്ങൾക്ക് കോൺഗ്രസിനെ ന്യായീകരിച്ചും പേരെടുത്തുപറയാതെ ആർ.എസ്.പിയെ കുറ്റപ്പെടുത്തിയും ഘടകകക്ഷിയായ സി.എം.പിയും രംഗത്തെത്തി.

മുന്നണിയുടെ ഒത്തൊരുമ തകര്‍ക്കാര്‍ ആരും ശ്രമിക്കരുതെന്നും കോണ്‍ഗ്രസ് എക്കാലത്തും കരുത്തുറ്റ പാര്‍ട്ടിയാ​െണന്നും സി.എം.പി ജില്ല കമ്മിറ്റി ചൂണ്ടിക്കാട്ടി.

പരാജയകാരണം വസ്തുതകള്‍ വെച്ച് ചര്‍ച്ച ചെയ്യാതെ കോണ്‍ഗ്രസി​െൻറ മെക്കിട്ടുകയറുന്നത് ശരിയല്ല. കരുനാഗപ്പള്ളി, കുണ്ടറ എന്നിവിടങ്ങളില്‍ യു.ഡി.എഫി​െൻറ വിജയം കണ്ടി​െല്ലന്ന് നടിക്കാനാകില്ല. ചവറ അടക്കമുള്ള മണ്ഡലങ്ങളില്‍ പരാജയപ്പെട്ട സ്ഥാനാര്‍ഥികളും അവരുടെ പാര്‍ട്ടികളും ആത്മപരിശോധന നടത്തണം. മുന്നണി പ്രവര്‍ത്തകരുടെ മനോവീര്യം തകര്‍ക്കുന്നതരത്തില്‍, യു.ഡി.എഫ് നടത്തുന്ന സമരത്തില്‍നിന്ന്​ വിട്ടുനിന്ന് മുന്നണിമാറ്റം അടക്കമുള്ള തരത്തില്‍ മാധ്യമങ്ങളിലും സമൂഹമാധ്യമങ്ങളിലും പ്രചാരണങ്ങള്‍ നടത്തുന്നത് ശരിയല്ലെന്ന്​ യോഗം അഭിപ്രായപ്പെട്ടു. സംസ്ഥാന സെക്ര​ട്ടേറിയറ്റംഗം സി.എസ്. മോഹന്‍കുമാര്‍ യോഗം ഉദ്ഘാടനം ചെയ്തു. ജില്ല സെക്രട്ടറി സി.കെ. രാധാകൃഷ്ണന്‍ അധ്യക്ഷതവഹിച്ചു. കൊച്ചുകൃഷ്ണപിള്ള, ജയകുമാര്‍, ഡി. ഉണ്ണികൃഷ്ണന്‍ എന്നിവര്‍ സംസാരിച്ചു.