Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമാഹി ബൈപാസ്​...

മാഹി ബൈപാസ്​ നേട്ടമെന്ന്​ പറഞ്ഞ മുഖ്യമന്ത്രി പാലം തകർന്നപ്പോൾ കൈകഴുകുന്നു -ചെന്നിത്തല

text_fields
bookmark_border
മാഹി ബൈപാസ്​ നേട്ടമെന്ന്​ പറഞ്ഞ മുഖ്യമന്ത്രി പാലം തകർന്നപ്പോൾ കൈകഴുകുന്നു -ചെന്നിത്തല
cancel

തിരുവനന്തപുരം: മുഴപ്പിലങ്ങാട്​ മാഹി ബൈപാസ്​ ഭരണനേട്ടമായി ഉയർത്തിക്കാട്ടിയ മുഖ്യമന്ത്രി പിണറായി വിജയൻ, ബെപാസിലെ പാലം തകർന്നപ്പോൾ തങ്ങൾക്ക്​ പങ്കില്ലെന്ന്​ പറഞ്ഞ്​ കൈകഴുകുകയാണെന്ന്​ പ്രതിപക്ഷനേതാവ്​ രമേശ്​ ചെന്നിത്തല.

സംസ്​ഥാന ചരിത്രത്തിലെ ഏറ്റവും വലിയ നേട്ടമാാണ്​ മുഖ്യമന്ത്രി മാഹിയിലെ ബൈപാസിനെ ചൂണ്ടിക്കാണിച്ചത്​​. എന്നാൽ, അതിൻെറ പാലത്തിലെ നാല്​ ഗർഡറുകൾ തകർന്ന്​ താഴെ വീണപ്പോൾ തനിക്കോ തൻെറ ഓഫിസിനോ ഒരു പങ്കുമില്ലെന്നാണ്​ അദ്ദേഹം പറയുന്നത്​. നിയമസഭയ്​ക്കകത്തും പുറത്തും ബൈപാസ്​ നിർമാണത്തെ തങ്ങളുടെ മഹാനേട്ടമായാണ്​ മുഖ്യമന്ത്രി ചൂണ്ടിക്കാണിച്ചതെന്നത്​ സൗകര്യപൂർവം മറക്കുകയാണ്​ -ചെന്നിത്തല വാർത്താസമ്മേളനത്തിൽ പറഞ്ഞു.

സ്വർണക്കടത്ത്​ കേസിൽ മുഖ്യമന്ത്രിയുടെ പ്രിൻസിപ്പൽ സെക്രട്ടറിയുടെ പങ്ക്​ വെളിപ്പെട്ടപ്പോൾ തനിക്കോ തൻെറ ഓഫിസിനോ ഒരു ബന്ധവുമില്ലെന്നാണ്​ മുഖ്യമന്ത്രി പറഞ്ഞത്​. സർക്കാറിൻെറ ഫ്ലാഗ്​ഷിപ്പ്​ പ്രോഗ്രാമായ ലൈഫ്​ പദ്ധതിയിൽ കമ്മീഷൻ തട്ടിയത്​ ശ്രദ്ധയിൽപെടുത്തിയപ്പോഴും ഇതുതന്നെയായിരുന്നു മറുപടി. തൻെറ മന്ത്രിസഭാംഗം നിയമംലംഘിച്ച്​ പാർസലുകളിറക്കി സർക്കാർ വാഹനത്തിൽ കൊണ്ടുപോയത്​ പുറത്തുവന്നപ്പോഴും മുഖ്യമന്ത്രി പറയുന്നത്​ തനിക്കോ തൻെറ ഓഫിസിനോ ഒരു ബന്ധവുമില്ലെന്നാണ്​ മുഖ്യമന്ത്രി പറയുന്നത്​. സെക്രട്ടറിയേറ്റിൽ നിർണായകരേഖകൾ കത്തി നശിച്ചപ്പോഴും ഇതുതന്നെയാണ്​ പറഞ്ഞത്​. എല്ലാകാര്യത്തിലും ഇങ്ങനെ പറഞ്ഞ്​ കൈകഴുകാനാണ്​ മുഖ്യമന്ത്രിയുടെ ശ്രമം -ചെന്നിത്തല പറഞ്ഞു.

ശിവശങ്കരൻ കഴിഞ്ഞ ജന്മത്തിലാണ്​ തൻെറ ഒാഫിസിൽ ഉണ്ടായിരുന്നതെന്നും അദ്ദേഹത്തെ പുറത്താക്കിയതോടെ എല്ലാം അവസാനിച്ചുവെന്നുമാണ്​ മുഖ്യമന്ത്രി പറയുന്നത്​. മന്ത്രിസഭയോ, ഇടതുമുന്നണിയോ, സി.പി.എമ്മോ പോലുമറിയാതെ എല്ലാ ഇടപാടും നടത്തിയത്​ മുഖ്യമന്ത്രിയും ഈ പ്രിൻസിപ്പൽ സെക്രട്ടറിയും ചേർന്നാണ്​. മന്ത്രിമാർ ശിവശങ്കരനെ ഒറ്റ തിരിഞ്ഞ്​ അക്രമിക്കുന്നു. ആ നിലപാട്​ പോലും മുഖ്യമന്ത്രിക്കില്ല -അദ്ദേഹം പറഞ്ഞു.

Show Full Article
TAGS:mahe bypass bridge collapse bridge collapse mahe bypass chennithala pinarayi 
Next Story