കുട്ടികളുടെ മൊബൈലുകളിലെ മരണക്കളികൾ: തടയാൻ​ സേവനദാതാക്കളുമായി ചർച്ച ചെയ്യുമെന്ന്​ മുഖ്യമന്ത്രി

തിരുവനന്തപുരം: കുട്ടികൾ ഉപയോഗിക്കുന്ന മൊബൈലുകളിലും കമ്പ്യൂട്ടറുകളിലും ഒാൺലൈൻ കളികൾ തടയുന്ന കാര്യം സേവനദാതാക്കളുമായി ചർച്ച ചെയ്യുമെന്ന്​ മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു. ഒാൺലൈൻ കളികളിൽ ബോധപൂർവം ചില ക്ഷുദ്രശക്തികൾ പ്രവർത്തിക്കുന്നു. കുട്ടികളെ മാനസികമായി അടിമകളാക്കുന്നു. ശക്തമായ നടപടി ഇക്കാര്യത്തിൽ വേണം. ലൈംഗിക ചൂഷണം പോലും നടക്കുന്നു. ഇവ തടയാൻ സൈബർ ഡോം ഇടപെടുന്നുണ്ടെന്ന്​ വാഴൂർ സോമൻ, ഇ. ചന്ദ്രശേഖരൻ, ജി.എസ്​. ജയലാൽ, ഇ.കെ. വിജയൻ എന്നിവരുടെ ചോദ്യങ്ങൾക്ക്​ മുഖ്യമന്ത്രി മറുപടി നൽകി.

ഡാർക്ക്​ നെറ്റ്​ പോലെയുള്ള പ്ലാറ്റ്​​േഫാമുകൾ കുട്ടികളെ ഉപയോക്താക്കളാക്കാൻ ബോധപൂർവ ശ്രമം നടത്തുന്നു. പ്രത്യേക ഘട്ടത്തിലെത്തു​േമ്പാൾ ആത്മഹത്യയിലെത്തുന്നു. പടിപടിയായുള്ള അടിമപ്പെടുത്തൽ നടക്കുന്നു. സൈബർ കുറ്റകൃത്യങ്ങൾ തടയാൻ ശക്തമായ നടപടി സ്വീകരിച്ചുവരുന്നതായും മുഖ്യമന്ത്രി പറഞ്ഞു.

19 സൈബർ പൊലീസ്​ സ്​റ്റേഷനുകൾ, മൂന്ന്​ സൈബർ ഡോമുകൾ, ഹൈടെക്​ സൈബർ ക്രൈം എൻക്വയറി സെൽ എന്നിവ സംയോജിപ്പിച്ച്​ സൈബർ ക്രൈം ഇൻ​െവസ്​റ്റിഗേഷൻ ഡിവിഷൻ ആരംഭിക്കും.

* തൊഴിലിടങ്ങളിലേക്ക്​ തിരിച്ചുപോകാൻ കഴിയാത്ത പ്രവാസികളു​െട പ്രശ്​നപരിഹാരം ആവശ്യപ്പെട്ട്​ കേന്ദ്ര വിദേശകാര്യ സെക്രട്ടറിക്കും കുടുംബാരോഗ്യ ക്ഷേമ സെക്രട്ടറിക്കും കത്തയച്ചെന്നും മറുപടി കിട്ടിയിട്ടി​െല്ലന്നും മുഖ്യമന്ത്രി അറിയിച്ചു.