ചോദ്യം ചെയ്യൽ നോട്ടീസ്​ സ്​റ്റേ ചെയ്യണമെന്ന സി.എം രവീന്ദ്രൻെറ ഹരജി തള്ളി

കൊച്ചി: ഇ.ഡിയുടെ ചോദ്യം ചെയ്യൽ നോട്ടീസ്​ സ്​റ്റേ ചെയ്യണമെന്ന സി.എം രവീന്ദ്രൻെറ ഹരജി തള്ളി. ഹൈകോടതിയാണ്​ ഹരജി തള്ളിയത്​. ഹരജിയിൽ വിധി വരുന്നതിന്​ മുമ്പ്​ തന്നെ സി.എം രവീന്ദ്രൻ ഇ.ഡിക്ക്​ മുമ്പാകെ ഹാജരായിരുന്നു.

താൻ ​േകസിലെ സാക്ഷി മാത്രമാണെന്നും പ്രതിയല്ലെന്നും കോവിഡാനന്തര അസുഖങ്ങളുണ്ടെന്നും രവീന്ദ്രൻ വാദിച്ചിരുന്നു. എന്നാൽ, നോട്ടീസ്​ സ്​റ്റേ ചെയ്യണം എന്ന്​ പറയാൻ ഹരജിക്കാരന്​ അവകാശമില്ലെന്നായിരുന്നു ഇ.ഡി വാദം. ചോദ്യം ചെയ്യലിന്​ ഹാജരാവു​േമ്പാൾ അഭിഭാഷകനെ അനുവദിക്കണമെന്ന രവീന്ദ്രൻെറ വാദവും തള്ളിയിട്ടുണ്ട്​.

ഡിസംബർ 17ന്​ ഹാജരാകാൻ നിർദേശിച്ച്​ 12ന്​ സമൻസ്​ ലഭിച്ചതോടെയാണ് ഇത്​ സ്​റ്റേ ചെയ്യണമെന്ന ഇടക്കാല ആവശ്യം ഉന്നയിച്ച്​​ രവീന്ദ്രൻ ഹൈകോടതിയെ സമീപിച്ചത്. രോഗിയായ തന്നെ ചോദ്യം ചെയ്യാൻ ഇ.ഡി തുടർച്ചയായി സമൻസ്​ അയക്കുന്നുവെന്നാണ്​ ഹരജിയിലെ പ്രധാന ആരോപണം.