തിങ്കളാഴ്​ച വീണ്ടും മുഖ്യമന്ത്രിയുടെ വാർത്താസമ്മേളനം

തിരുവനന്തപുരം: തിങ്കളാഴ്​ച മുതൽ മുഖ്യമന്ത്രി പിണറായി വിജയ​​െൻറ വാർത്താ സമ്മേളനം വീണ്ടും തുടങ്ങുന്നു. ഒന്നിട വിട്ട ദിവസങ്ങളിൽ ഇനി മുഖ്യമന്ത്രി മാധ്യമ പ്രവർത്തകരെ കാണും. വാർത്താ സമ്മേളനം ഒഴിവാക്കിയത്​ അപവാദപ്രചാരണങ്ങൾക്ക്​ കാരണമായതിനെ തുടർന്നാണ്​ തീരുമാനമെന്ന്​ റിപ്പോർട്ട്​.

നേരത്തെ കോവിഡ്​ നിയന്ത്രണമായതിനെ തുടർന്ന്​ വാർത്താ സമ്മേളനം നിർത്തുകയാണെന്ന്​ മുഖ്യമന്ത്രി അറിയിച്ചിരുന്നു. എന്നാൽ, കെ.എം ഷാജിയുമായി ബന്ധപ്പെട്ടും സ്​പ്രിംഗ്​ളർ കരാറുമായി ബന്ധപ്പെട്ടും മാധ്യമ പ്രവർത്തകർ ചോദ്യം ഉന്നയിച്ചതാണ്​ വാർത്താ സമ്മേളനം നിർത്താൻ കാരണമെന്നായിരുന്നു പ്രചാരണങ്ങൾ.