'സി.എം അറ്റ്​ കാമ്പസ്​': കിടിലൻ നിർദേശങ്ങൾ; കൃത്യമായ മറുപടി

കോഴിക്കോട്​: മുഖ്യമന്ത്രി പിണറായി വിജയനു മുന്നിൽ കിടിലൻ നിർദേശങ്ങളുമായി കാമ്പസ്​ യുവത്വം. കൃത്യമായ മറുപടിയുമായി മുഖ്യമന്ത്രിയും കളംനിറഞ്ഞതോടെ 'സി.എം അറ്റ്​ കാമ്പസ്​' പരിപാടിയുടെ അഞ്ചാമത്തെയും അവസാനത്തെയും അധ്യായം സജീവമായി. 14 വിദ്യാർഥികളാണ്​ വിവിധ നിർദേശങ്ങൾ സമർപ്പിച്ചത്​. എല്ലാം നിർദേശങ്ങളും സശ്രദ്ധം കേട്ട്​ കടലാസിൽ കുറിച്ചെടുത്താണ്​ മുഖ്യമ​ന്ത്രി മറുപടി നൽകിയത്​.

സാമ്പത്തിക സംവരണം നടപ്പാക്കു​േമ്പാൾ മെറിറ്റും സാമൂഹിക നീതിയും അട്ടിമറിക്കാതിരിക്കാൻ നടപടി വേണമെന്ന്​ തൃശൂർ ഗവ. ട്രെയിനിങ്​ കോളജിലെ എം.എഡ്​ വിദ്യാർഥിയും എസ്​.എഫ്​.ഐ നേതാവും മുൻ സർവകലാശാല യൂനിയൻ ചെയർമാനുമായ വി.പി. ശരത്​ പ്രസാദ്​ ആവശ്യപ്പെട്ടു. എന്നാൽ, സാമ്പത്തിക സംവരണം മെറിറ്റും സാമൂഹിക നീതിയും അട്ടിമറിക്കുന്നില്ലെന്നായിരുന്നു മുഖ്യമന്ത്രിയുടെ മറുപടി. മുന്നാക്ക വിഭാഗങ്ങളിലെ പാവപ്പെട്ടവർക്ക്​ സഹായം നൽകണമെന്ന്​ മു​േമ്പ അഭിപ്രായമുയർന്നിരുന്നു. ഭരണഘടന ഭേദഗതി വന്നതോടെ സാമ്പത്തിക സംവരണം യാഥാർഥ്യമായി. സംവരണ വിഭാഗത്തിന്​ ആനുകൂല്യങ്ങളിൽ ദശാംശത്തി​‍െൻറ കുറവ്​ പോലുമുണ്ടാകില്ലെന്ന്​ പിണറായി പറഞ്ഞു. വിസ അടക്കമുള്ള പ്രശ്​നങ്ങളിൽ വിദേശ വിദ്യാർഥികളുടെ പ്രയാസങ്ങൾ പരിഹരിക്കാൻ ശ്രമിക്കു​െമന്ന്​ സർവകലാശാല കാമ്പസിലെ എം.ബി.എ വിദ്യാർഥിനിയും മംഗോളിയക്കാരിയുമായ നിക്​സി ഗോരിയുടെ നിർദേശത്തിന്​ മറുപടിയായി മുഖ്യമന്ത്രി വ്യക്തമാക്കി.

റാഗിങ്ങിനെതിരെ കർശന നടപടിയുണ്ടാകു​െമന്നും പുതുതായി കോളജിൽ വരേണ്ടവർ പീഡിപ്പിക്കപ്പെട്ട്​ കൂടായെന്ന്​ എം.സി.ജെ വിദ്യാർഥി ശ്രീഹരിക്ക്​ മറുപടിയായി മുഖ്യമന്ത്രി വ്യക്തമാക്കി. ​എൽഎൽ.ബി കഴിഞ്ഞ്​ സീനിയർ അഭിഭാഷകർക്ക്​ കീഴിൽ ജോലിചെയ്യുന്ന ജൂനിയർ അഭിഭാഷകർക്ക്​ ആറു​ വർഷം വരെ വേതനം ലഭിക്കാത്ത അവസ്​ഥയുണ്ടെന്ന്​ കോഴിക്കോട്​ മർകസ്​ ലോ കോളജിലെ അവസാന വർഷ എൽഎൽ.ബി വിദ്യാർഥിനി മരിയ ജോസഫ്​ പരിഭവപ്പെട്ടു. അഭിഭാഷകർക്കായി സഹായ പദ്ധതിയു​​ണ്ടെന്ന്​ പറഞ്ഞ പിണറായി, നല്ല സീനിയേഴ്​സിനെ തെരഞ്ഞെടുക്കാൻ ഉപദേശിച്ചു.