ഒത്തുതീർപ്പും അനുരഞ്ജനവും പാളി; നിയമന കണക്ക്​ നിരത്തി പൊലീസ്​ ആസ്ഥാനം, തെറ്റെന്ന്​ ഉദ്യോഗാർഥികൾ

തി​രു​വ​ന​ന്ത​പു​രം: ഒ​ത്തു​തീ​ർ​പ്പ്​ ച​ർ​ച്ച​ക​ളും അ​നു​ര​ഞ്ജ​ന​ങ്ങ​ളും പാ​ളി​യ​തോ​ടെ സി​വി​ൽ പൊ​ലീ​സ്​ ഓ​ഫി​സ​ർ (സി.​പി.​ഒ) ത​സ്തി​ക​യി​ലേ​ക്ക്​ ഇ​തു​വ​രെ റി​പ്പോ​ർ​ട്ട്​ ചെ​യ്​​ത ഒ​ഴി​വു​ക​ൾ നി​ര​ത്തി പൊ​ലീ​സ്​ ആ​സ്ഥാ​നം. എ​ന്നാ​ൽ, അ​തെ​ല്ലാം ശു​ദ്ധ​തെ​റ്റെ​ന്ന്​ വാ​ദ​മു​യ​ർ​ത്തി സി.​പി.​ഒ റാ​ങ്ക്​ ഹോ​ൾ​ഡേ​ഴ്​​സ്. സി.​പി.​ഒ റാ​ങ്ക്​ പ​ട്ടി​ക​യി​ൽ​നി​ന്ന്​ നി​യ​മ​ന​ത്തി​നാ​യി എ​ൻ.​ജെ.​ഡി ഒ​ഴി​വു​ക​ൾ അ​ട​ക്കം ഇ​തു​വ​രെ 5,038 ഒ​ഴി​വു​ക​ൾ റി​പ്പോ​ർ​ട്ട് ചെ​യ്തു​വെ​ന്നാ​ണ്​ പൊ​ലീ​സ്​ ആ​സ്ഥാ​നം അ​റി​യി​ച്ച​ത്. എ​ന്നാ​ൽ, 13,975 പേ​ർ ഉ​ൾ​പ്പെ​ട്ട കേ​ര​ള​ത്തി​ലെ ഏ​ഴ്​ ബെ​റ്റാ​ലി​യ​നി​ലേ​ക്കു​ള്ള റാ​ങ്ക്​ പ​ട്ടി​ക​യി​ൽ​നി​ന്ന്​ ആ​കെ നി​യ​മ​നം ല​ഭി​ച്ച​ത്​ 3326 പേ​ർ​ക്കെ​ന്നും ഇ​നി നി​യ​മ​നം ല​ഭി​ക്കാ​നു​ള്ള​ത്​ 9651 പേ​ർ​ക്കെ​ന്നും സി.​പി.​ഒ റാ​ങ്ക്​ ഹോ​ൾ​ഡേ​ഴ്​​സ്​ അ​റി​യി​ച്ചു. അ​തി​നാ​ൽ ക​ഴി​ഞ്ഞ​മാ​സം 12 മു​ത​ൽ ആ​രം​ഭി​ച്ച സെ​ക്ര​ട്ടേ​റി​യ​റ്റ്​ സ​മ​രം തി​ങ്ക​ളാ​ഴ്ച മു​ത​ൽ ശ​ക്ത​മാ​ക്കാ​നാ​ണ്​ തീ​രു​മാ​ന​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.

പൊ​ലീ​സ്​ ആ​സ്ഥാ​ന​ത്തു​നി​ന്ന്​ പ​റ​യു​ന്ന 5,038 എ​ന്ന ക​ണ​ക്കി​ൽ ഉ​ൾ​പ്പെ​ട്ടി​രി​ക്കു​ന്ന​ത്​ സി.​പി.​ഒ​ക്ക്​ പു​റ​മേ വ​നി​ത പൊ​ലീ​സ്​ കോ​ൺ​സ്റ്റ​ബി​ൾ, പൊ​ലീ​സ്​ ഡ്രൈ​വ​ർ, സ്​​പെ​ഷ​ൽ റി​ക്രൂ​ട്ട്​​മെ​ന്‍റു​ക​ൾ, പൊ​ലീ​സി​ലെ ടെ​ലി​ക​മ്യൂ​ണി​ക്കേ​ഷ​ൻ വി​ഭാ​ഗ​ത്തി​ലെ ഒ​ഴി​വു​ക​ൾ എ​ന്നി​വ​യെ​ന്നും റാ​ങ്ക് ഹോ​ൾ​ഡേ​ഴ്​​സ്​ അ​റി​യി​പ്പി​ൽ വ്യ​ക്​​ത​മാ​ക്കി.

റാ​ങ്ക്​ പ​ട്ടി​ക അ​വ​സാ​നി​ക്കാ​ൻ 40 ദി​വ​സം മാ​ത്രം അ​വ​ശേ​ഷി​ക്കെ അ​ടി​യ​ന്ത​ര​മാ​യി ഇ​ക്കാ​ര്യ​ത്തി​ൽ സ​ർ​ക്കാ​ർ ന​ട​പ​ടി ഉ​ണ്ടാ​ക​ണ​മെ​ന്നാ​ണ്​ ഉ​ദ്യോ​ഗാ​ർ​ഥി​ക​ൾ ആ​വ​ശ്യ​പ്പെ​ടു​ന്ന​ത്. സ​മ​രം ശ​ക്ത​മാ​ക്കു​ന്ന​തി​ന്‍റെ ഭാ​ഗ​മാ​യി ശ​നി​യാ​ഴ്ച രാ​വി​ലെ മു​ത​ൽ സെ​ക്ര​ട്ടേ​റി​യ​റ്റി​ന്​ മു​ന്നി​ൽ റോ​ഡ്​ ഉ​പ​രോ​ധ​വും ആ​ത്​​മ​ഹ​ത്യാ ശ്ര​മം​വ​രെ​യും ന​ട​ന്നി​രു​ന്നു. ഉ​ദ്യോ​ഗാ​ർ​ഥി​ക​ളു​ടെ കു​ടും​ബാം​ഗ​ങ്ങ​ൾ, സു​ഹൃ​ത്തു​ക്ക​ൾ, സാ​മൂ​ഹി​ക രാ​ഷ്ട്രീ​യ നേ​താ​ക്ക​ൾ തു​ട​ങ്ങി​യ​വ​ർ ഐ​ക്യ​ദാ​ർ​ഢ്യം പ്ര​ക​ടി​പ്പി​ക്കാ​ൻ എ​ത്തി​യി​രു​ന്നു.

തു​ട​ർ​ന്ന്​ ശ​നി​യാ​ഴ്ച വൈ​കി ഉ​ദ്യോ​ഗാ​ർ​ഥി​ക​ളു​മാ​യി ഡി.​ജി.​പി നേ​തൃ​ത്വ​ത്തി​ൽ ച​ർ​ച്ച ന​ട​ത്തി​യി​രു​ന്നു.സം​സ്ഥാ​ന​ത്തെ എ​ല്ലാ പൊ​ലീ​സ്​ സ്​​റ്റേ​ഷ​നു​ക​ളി​ൽ​നി​ന്നും നി​ല​വി​ലെ ഒ​ഴി​വു​ക​ൾ ശേ​ഖ​രി​ക്കു​മെ​ന്നും അ​ത്​ സ​ർ​ക്കാ​ർ അ​നു​മ​തി​യോ​ടെ പി.​എ​സ്.​സി​ക്ക്​ റി​പ്പോ​ർ​ട്ട്​ ചെ​യ്യു​മെ​ന്നും അ​റി​യി​ച്ചെ​ങ്കി​ലും അ​ത്​ അം​ഗീ​ക​രി​ക്കാ​ൻ ഉ​ദ്യോ​ഗാ​ർ​ഥി​ക​ൾ ത​യാ​റാ​യി​ല്ല. തു​ട​ർ​ന്നാ​ണ്​ സ​മ​രം ശ​ക്ത​മാ​ക്കു​ക​യാ​ണെ​ന്ന​ തീ​രു​മാ​നം അ​വ​ർ അ​റി​യി​ച്ച​ത്.