സിവിൽ എക്സൈസ് ഓഫിസർ റാങ്ക് പട്ടിക: നിയമന ശിപാർശ ലഭിച്ചത് 452 പേർക്ക് മാത്രം

തി​രു​വ​ന​ന്ത​പു​രം: ഒ​ഴി​വു​ക​ൾ പൂ​ഴ്ത്തി​വെ​ക്കാ​ൻ സ​ർ​ക്കാ​റും റാ​ങ്ക് ലി​സ്​​റ്റു​ക​ൾ കൂ​ട്ട​ത്തോ​ടെ റ​ദ്ദാ​ക്കാ​ൻ പി.​എ​സ്.​സി​യും മ​ത്സ​രി​ച്ച​തോ​ടെ അ​നു ഉ​ൾ​പ്പെ​ട്ട സി​വി​ൽ എ​ക്സൈ​സ് ഓ​ഫി​സ​ർ റാ​ങ്ക് പ​ട്ടി​ക​യി​ൽ​നി​ന്ന് നി​യ​മ​ന ശിപാർശ ല​ഭി​ച്ച​ത് വെ​റും 14 ശ​ത​മാ​നം ഉ​ദ്യോ​ഗാ​ർ​ഥി​ക​ൾ​ക്ക്.

14 ജി​ല്ല​ക​ളി​ലു​മാ​യി 3205 പേ​ർ റാ​ങ്ക് പ​ട്ടി​ക​ക​ളി​ൽ ഇ​ടം​പി​ടി​ച്ചെ​ങ്കി​ലും 452 പേ​ര്‍ക്കാ​ണ് നി​യ​മ​ന ശി​പാ​ർ​ശ ല​ഭി​ച്ച​ത്. എ​ൻ.​ജെ.​ഡി ഉ​ൾ​പ്പെ​ടെ ഒ​ഴി​വു​ക​ൾ റി​പ്പോ​ർ​ട്ട് ചെ​യ്ത​തിനാലാണ്​ ഇത്​. മു​ൻ റാ​ങ്ക് ലി​സ്​​റ്റി​ൽ​നി​ന്ന് 1293 പേ​ര്‍ക്ക് നി​യ​മ​നം കി​ട്ടി​യ സ്ഥാ​ന​ത്താ​ണ് അ​തിെൻറ പ​കു​തി​പോ​ലും നി​യ​മ​നം ന​ട​ത്താ​തെ ജൂ​ൺ 19ന് ​സി​വി​ൽ എ​ക്സൈ​സ് ഓ​ഫി​സ​ർ റാ​ങ്ക് ലി​സ്​​റ്റി​ന് പി.​എ​സ്.​സി​യും സ​ർ​ക്കാ​റും ചേ​ർ​ന്ന് ച​ര​മ​ക്കു​റി​പ്പെ​ഴു​തി​യ​ത്.

2016ലാ​ണ് ബ​ന്ധ​പ്പെ​ട്ട ത​സ്തി​ക​യി​ലേ​ക്ക് വി​ജ്ഞാ​പ​നം പ്ര​സി​ദ്ധീ​ക​രി​ച്ച​ത്. 2017 ഏ​പ്രി​ല്‍ ഒ​ന്നി​ന് പ​രീ​ക്ഷ ന​ട​ത്തി. ഒ.​എം.​ആ​ര്‍ പ​രീ​ക്ഷ വി​ജ​യി​ച്ച​വ​ര്‍ക്ക് ശാ​രീ​രി​ക ക്ഷ​മ​താ പ​രീ​ക്ഷ​യും കാ​യി​ക​പ​രീ​ക്ഷ​യും ന​ട​ത്തി​യാ​ണ് 2019 ഏ​പ്രി​ല്‍ എ​ട്ടി​ന് റാ​ങ്ക് പ​ട്ടി​ക പ്ര​സി​ദ്ധീ​ക​രി​ച്ച​ത്. അ​നു ഉ​ള്‍പ്പെ​ട്ട തി​രു​വ​ന​ന്ത​പു​രം ജി​ല്ല റാ​ങ്ക് പ​ട്ടി​ക​യി​ല്‍ 208 പേ​രാ​ണു​ണ്ടാ​യി​രു​ന്ന​ത്. മു​ഖ്യ​വി​ഭാ​ഗ​ത്തി​ല്‍ 162 പേ​രും സം​വ​ര​ണ​ക്കാ​ര്‍ക്കു​ള്ള ഉ​പ​വി​ഭാ​ഗ​ത്തി​ല്‍ 46 പേ​രും.

ഇ​വ​രി​ല്‍ 72 പേ​ര്‍ക്കാ​ണ് നി​യ​മ​ന ശി​പാ​ര്‍ശ ല​ഭി​ച്ച​ത്. പൊ​തു​വി​ഭാ​ഗ​ത്തി​ല്‍ 68ാം റാ​ങ്ക് വ​രെ​യു​ള്ള​വ​ര്‍ക്ക് നി​യ​മ​നം ല​ഭി​ച്ചു. മു​ൻ ലി​സ്​​റ്റി​ൽ​നി​ന്ന് 1293 പേ​ർ​ക്ക് നി​യ​മ​ന ശിപാർശ ല​ഭി​ച്ച​തി​നാ​ൽ 77ാം റാ​ങ്കു​കാ​ര​നാ​യി​രു​ന്ന അ​നു ഏ​റെ പ്ര​തീ​ക്ഷ​യി​ലാ​യി​രു​ന്നു.എ​ന്നാ​ൽ, ക​ഴി​ഞ്ഞ പ്ര​ള​യ​ത്തെ തു​ട​ർ​ന്ന് ര​ണ്ട​ര മാ​സ​ത്തോ​ളം ഒ​ഴി​വു​ക​ള്‍ കാ​ര്യ​മാ​യി റി​പ്പോ​ര്‍ട്ട് ചെ​യ്തി​ല്ല.

ലോ​ക്ഡൗ​ണി​നെ തു​ട​ർ​ന്ന് റാ​ങ്ക് പ​ട്ടി​ക​ക്ക് ഒ​രു വ​ര്‍ഷ​മെ​ങ്കി​ലും അ​ധി​ക കാ​ലാ​വ​ധി ആ​വ​ശ്യ​പ്പെ​ട്ട് അ​നു അ​ട​ക്ക​മു​ള്ള​വ​ർ സ​ര്‍ക്കാ​റി​ന് നി​വേ​ദ​നം ന​ല്‍കി​യെ​ങ്കി​ലും മൂ​ന്നു മാ​സ​ത്തേ​ക്ക് മാ​ത്ര​മാ​ണ് പ​ട്ടി​ക നീ​ട്ടി​യ​ത്. പു​തി​യ റാ​ങ്ക് പ​ട്ടി​ക നി​ല​വി​ല്‍ വ​രാ​ത്ത സാ​ഹ​ച​ര്യ​ത്തി​ല്‍ കൂ​ടു​ത​ല്‍ കാ​ലാ​വ​ധി അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് ഉ​ദ്യോ​ഗാ​ര്‍ഥി​ക​ള്‍ നി​ര​ന്ത​രം സ​ര്‍ക്കാ​റി​നെ​യും പി.​എ​സ്.​സി​യെ​യും സ​മീ​പി​ച്ചെ​ങ്കി​ലും അ​ധി​കാ​രി​ക​ൾ മു​ഖം തി​രി​ച്ചു.

സം​സ്ഥാ​ന​ത്ത് അ​ബ്കാ​രി​ക്കേ​സു​ക​ളു​ടെ എ​ണ്ണ​ത്തി​ൽ ര​ണ്ടി​ര​ട്ടി​യോ​ളം വ​ർ​ധ​ന​യു​ണ്ടാ​യി​ട്ടും 52 വ​ര്‍ഷം മു​മ്പ​ത്തെ ജ​ന​സം​ഖ്യ​യ​നു​സ​രി​ച്ച് നി​ര്‍ണ​യി​ച്ച ത​സ്തി​ക​ക​ളാ​ണ് ഇ​പ്പോ​ഴും എ​ക്സൈ​സി​ലു​ള്ള​ത്. ആ​റാ​യി​ര​ത്തോ​ളം പേ​ർ വേ​ണ്ടി​ട​ത്ത് ജോ​ലി​ചെ​യ്യാ​ൻ നാ​ലാ​യി​ര​ത്തോ​ളം പേ​ർ മാ​ത്രം. ലോ​ക്ഡൗ​ൺ കാ​ല​ത്ത് സം​സ്ഥാ​ന​ത്ത് വ്യാ​ജ​മ​ദ്യം വി​ൽ​പ​ന ത​കൃ​തി​യാ​യി​ട്ടു​പോ​ലും ഒ​ഴി​വു​ക​ൾ കൃ​ത്യ​മാ​യി പി.​എ​സ്.​സി​ക്ക് റി​പ്പോ​ർ​ട്ട് ചെ​യ്യാ​ൻ സ​ർ​ക്കാ​റി​ന് ക​ഴി​ഞ്ഞി​ല്ല.

എ​ക്സൈ​സി​ലെ സ്​​റ്റാ​ഫ് പാ​റ്റേ​ണ്‍ പ​രി​ഷ്‌​ക​രി​ക്കാ​ന്‍ ത​യാ​റാ​ക​ണ​മെ​ന്നാ​വ​ശ്യ​പ്പെ​ട്ട് നി​ര​വ​ധി ത​വ​ണ ഉ​ദ്യോ​ഗാ​ർ​ഥി​ക​ൾ സ​ർ​ക്കാ​റി​ന് ക​ത്ത് ന​ൽ​കി​യി​രു​ന്നെ​ങ്കി​ലും ഫ​ല​മു​ണ്ടാ​യി​ല്ല.