‘നീതിക്ക് സുരക്ഷ ഒരുക്കാനും ആക്രമികളെ കൈകാര്യം ചെയ്യാനും തൊഴിലാളികൾ രംഗത്ത് വരും’; കോൺഗ്രസ് നേതൃത്വത്തിന് നേരെ ഭീഷണിയുമായി സി.ഐ.ടി.യു

കോഴിക്കോട്: ഷാഫി പറമ്പിൽ എം.പിയുമായി ഇടതു സംഘടന അനുകൂലികൾ വടകരയിൽ വാക്കേറ്റമുണ്ടായതിന്‍റെ പശ്ചാത്തലത്തിൽ കോൺഗ്രസ് നേതൃത്വത്തിന് നേരെ ഭീഷണിയുമായി സി.ഐ.ടി.യു രംഗത്ത്. അന്യായം തുറന്നുകാണിക്കുന്നവരെ കൈകാര്യം ചെയ്യാനാണ് കോൺഗ്രസ് ശ്രമമെങ്കിൽ കൈയും കെട്ടിയിരിക്കില്ലെന്ന് സി.ഐ.ടി.യുവിന്‍റെ ഔദ്യോഗിക ഫേസ്ബുക് ഹാൻഡിലിലെ കുറിപ്പിൽ പറയുന്നു. കോൺഗ്രസ് നേതൃത്വം അതിരുവിട്ട കളികൾ അവസാനിപ്പിച്ചില്ലെങ്കിൽ അക്രമികളെ കൈകാര്യം ചെയ്യാൻ തൊഴിലാളികൾ രംഗത്ത് വരുമെന്നും ഷാഫിയും രാഹുൽ മാങ്കൂട്ടത്തിൽ എം.എൽ.എയും നിൽക്കുന്ന ചിത്രമുൾപ്പെടുത്തിയ പോസ്റ്റിൽ പറയുന്നു.

ഫേസ്ബുക് കുറിപ്പിന്‍റെ പൂർണരൂപം

പ്രവൃത്തി ദൂഷ്യം തിരുത്തുന്നതിനുള്ള മര്യാദയും വിനയവും കാണിക്കുന്നതിന് പകരം പരാതിപ്പെടുന്നവരെയും, അന്യായം തുറന്നുകാണിക്കുന്നവരെയും കൈകാര്യം ചെയ്യാനാണ് കോൺഗ്രസ് ശ്രമമെങ്കിൽ കൈയും കെട്ടിയിരിക്കില്ല. കോൺഗ്രസ് നേതൃത്വം അതിരുവിട്ട കളികൾ അവസാനിപ്പിച്ചില്ലെങ്കിൽ നീതിക്ക് സുരക്ഷ ഒരുക്കുവാനും, അക്രമികളെ കൈകാര്യം ചെയ്യാനും തൊഴിലാളികൾ രംഗത്ത് വരും - സി.ഐ.ടി.യു

ഇക്കഴിഞ്ഞ ബുധനാഴ്ചയാണ് ഷാഫി പറമ്പില്‍ എം.പിയുടെ വണ്ടി തടഞ്ഞ് ഡി.വൈ.എഫ്‌.ഐ പ്രവര്‍ത്തകര്‍ പ്രതിഷേധിച്ചത്. വടകര ടൗണില്‍ വച്ചാണ് വാഹനം തടഞ്ഞത്. പിന്നാലെ കാറില്‍നിന്ന് ഇറങ്ങി ഷാഫി പ്രതികരിച്ചു. വടകര അങ്ങാടിയില്‍നിന്ന് ആരെയും പേടിച്ച് പോകാന്‍ ഉദ്ദേശിക്കുന്നില്ലെന്നും താന്‍ ഇവിടെതന്നെ കാണുമെന്നും ഡി.വൈ.എഫ്‌.ഐ പ്രവര്‍ത്തകരോട് ഷാഫി പറഞ്ഞു. ആരോപണ വിധേയനായ രാഹുൽ മാങ്കൂട്ടത്തിലിനെ ഷാഫി പിന്തുണക്കുന്നുവെന്ന് പറഞ്ഞാണ് ഡി.വൈ.എഫ്‌.ഐ പ്രതിഷേധം സംഘടിപ്പിച്ചത്.

രാ​ഹു​ലി​നെ​തി​രെ സം​ഘ​ട​നാ​ത​ല​ത്തി​ൽ ന​ട​പ​ടി​യെ​ടു​ക്കു​ക​യും ആ​രോ​പ​ണ​വി​ധേ​യ​രാ​യ സി.​പി.​എം നേ​താ​ക്ക​ളെ സം​ര​ക്ഷി​ക്കു​ന്ന​തി​ൽ മു​ഖ്യ​മ​ന്ത്രി​ക്കെ​തി​രെ പ്ര​ത്യാ​ക്ര​മ​ണം ന​ട​ത്തി​യും കോ​ൺ​ഗ്ര​സ്​ രം​ഗ​ത്തു​വ​ന്ന​തോ​ടെ പ്ര​തി​രോ​ധ​ത്തി​ലാ​യ സി.​പി.​എം നേ​താ​ക്ക​ളും പ്ര​വ​ർ​ത്ത​ക​രും​ ഷാ​ഫി പ​റ​മ്പി​ലി​നെ ഉ​ന്നം​വെ​ച്ച്​ പ്ര​ചാ​ര​ണം കൊ​ഴു​പ്പി​ച്ചു. ഇ​തി​ന്‍റെ തു​ട​ർ​ച്ച​യാ​യാ​ണ്​ ബു​ധ​നാ​ഴ്ച വ​ട​ക​ര​യി​ൽ ഒ​രു​ച​ട​ങ്ങി​ൽ പ​​ങ്കെ​ടു​ത്ത്​ പു​റ​ത്തി​റ​ങ്ങി​യ ഷാ​ഫി​യെ ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ ത​ട​ഞ്ഞ​ത്.

രാ​ഹു​ൽ മാ​ങ്കൂ​ട്ട​ത്തി​ലി​നെ​തി​രാ​യ പ​രാ​തി​യു​ടെ തു​ട​ക്ക​ത്തി​ൽ​ത​ന്നെ ഷാ​ഫി​​യെ​യും ചേ​ർ​ത്താ​യി​രു​ന്നു സൈ​ബ​ർ ഇ​ട​ങ്ങ​ളി​ൽ സി.​പി.​എം പ്ര​ചാ​ര​ണം. പ്ര​ശ്നം പു​ക​ഞ്ഞു​നി​ന്ന അ​വ​സ്ഥ​യി​ൽ ബി​ഹാ​റി​ൽ രാ​ഹു​ൽ ഗാ​ന്ധി ന​യി​ക്കു​ന്ന വോ​ട്ട​ർ അ​ധി​കാ​ർ യാ​ത്ര​യി​ൽ പ​​ങ്കെ​ടു​ക്കാ​ൻ പോ​യ ഷാ​ഫി പ്ര​ശ്ന​ത്തി​ൽ​നി​ന്ന് ത​ല​യൂ​രാ​ൻ ര​ക്ഷ​പ്പെ​ട്ട​താ​ണെ​ന്ന പ്ര​ചാ​ര​ണ​വു​മു​ണ്ടാ​യി.

മ​ണ്ഡ​ല​ത്തി​ൽ തി​രി​ച്ചെ​ത്തി​യ ശേ​ഷം ന​ട​ന്ന പൊ​തു​പ​രി​പാ​ടി ക​ഴി​ഞ്ഞി​റ​ങ്ങു​മ്പോ​ഴാ​ണ്​ ആ​സൂ​ത്രി​ത​മാ​യ ത​ട​യ​ൽ ഉ​ണ്ടാ​യ​ത്. ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ എം.​പി​യു​ടെ കാ​ർ ത​ട​ഞ്ഞ്​ അ​സ​ഭ്യ​വ​ർ​ഷം ന​ട​ത്തി പാ​ഞ്ഞ​ടു​ത്തി​ട്ടും പൊ​ലീ​സ്​ ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ​ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ത്തി​ല്ല. ഇ​തോ​ടെ കാ​റി​ൽ​നി​ന്ന്​ ഇ​റ​ങ്ങി ഷാ​ഫി​ത​ന്നെ രൂ​ക്ഷ​മാ​യി പ്ര​തി​ക​രി​ക്കു​ക​യാ​യി​രു​ന്നു.

സം​ഭ​വ​മ​റി​ഞ്ഞ്​ ജി​ല്ല യു.​ഡി.​എ​ഫ്​ പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി. വ​ട​ക​ര മ​ണ്ഡ​ല​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ സം​ഘ​ർ​ഷാ​വ​സ്ഥ സൃ​ഷ്ടി​ക്കും​വി​ധം പ്ര​ക​ട​ന​ങ്ങ​ൾ അ​ര​ങ്ങേ​റി. മു​സ്​​ലിം ലീ​ഗ്​ ജി​ല്ല ക​മ്മി​റ്റി​യും ശ​ക്ത​മാ​യി പ്ര​തി​ഷേ​ധി​ച്ചു. പ്ര​ശ്നം കൈ​വി​ട്ടെ​ന്ന്​ മ​ന​സ്സി​ലാ​യ ഡി.​വൈ.​എ​ഫ്.​ഐ നേ​താ​ക്ക​ൾ പി​ന്നീ​ട്​ ഷാ​ഫി​യെ ത​ട​യാ​ൻ തീ​രു​മാ​നി​ച്ചി​ട്ടി​ല്ലെ​ന്ന്​ വ്യ​ക്ത​മാ​ക്കി രം​ഗ​ത്തു​വ​ന്നെ​ങ്കി​ലും ഷാ​ഫി​യെ വ​ഴി​ത​ട​ഞ്ഞ​ത്​ വി​ന​യാ​യെ​ന്ന വി​ല​യി​രു​ത്ത​ലി​ലാ​ണ്​ സി.​പി​എം. വി​ഷ​യ​ത്തി​ൽ സി.​പി.​എം ജി​ല്ല ക​മ്മി​റ്റി ഇ​തു​വ​രെ പ്ര​തി​ക​രി​ക്കാ​ൻ ത​യാ​റാ​യി​ട്ടി​ല്ല.