മഅ്​ദനിയുടെ ജീവൻ രക്ഷിക്കാൻ സർക്കാർ ഇടപെടണമെന്ന്​ സിറ്റിസൺ പ്രൊട്ടക്​ഷൻ ഫോറം

കൊല്ലം: പി.ഡി.പി ചെയർമാൻ അബ്ദുൽ നാസർ മഅ്​ദനിയുടെ ജീവൻ രക്ഷിക്കാൻ സർക്കാർ ഇടപെടണമെന്ന്​ സിറ്റിസൺ പ്രൊട്ടക്​ഷൻ ഫോറം. നിയമസഭ പ്രമേയം പാസാക്കുകയും വേണം. ഇക്കാര്യം ഉന്നയിച്ച്​ ഫോറം വനിത വിഭാഗത്തിന്റെ ആഭിമുഖ്യത്തിൽ മുഖ്യമന്ത്രിക്ക് നിവേദനം നൽകി. എം.എൽ.എമാർക്കും സംസ്ഥാനത്തെ എല്ലാ എം.പിമാർക്കും നിവേദനം നൽകുമെന്ന്​ സിറ്റിസൺ പ്രൊട്ടക്​ഷൻ ഫോറം സംസ്ഥാന ചെയർമാൻ മൈലക്കാട് ഷാ വാർത്തസമ്മേളനത്തിൽ അറിയിച്ചു.

പക്ഷഘാതത്തെയും മറ്റ് അനുബന്ധ അസുഖങ്ങളെയും തുടർന്ന് ഒമ്പതു മാസം മുമ്പ്​ മഅ്​ദനിയെ ആശുപത്രിയിൽ പ്രവേശിപ്പിച്ച്​ ചികിത്സ നടത്തിയിരുന്നു. ഒരാഴ്ച മുമ്പും സമാന രോഗലക്ഷണങ്ങൾ കണ്ടതിനെതുടർന്ന്​ വീണ്ടും ആശുപത്രിയിൽ പ്രവേശിപ്പിച്ചു. പ്രമേഹവും രക്തസമ്മർദവും വൃക്കയുടെ പ്രവർത്തനത്തെ സാരമായി ബാധിച്ചിട്ടുണ്ട്​.

കണ്ണിന്റെ കാഴ്ച കുറയുകയും ശരീരം കൂടുതൽ ദുർബലമാകുകയും ചെയ്തിരിക്കുകയാണ്.​ കാഴ്ചയും കുറഞ്ഞു. ജില്ല പ്രസിഡന്റ് മുഹ്സിൻ കോയ തങ്ങൾ, വൈസ് ചെയർമാൻ അയൂബ്ഖാൻ മഹ്ളരി, ജോയന്റ് സെക്രട്ടറി ഇ.ആർ. സിദ്ദിഖ് മന്നാനി, കൊല്ലം കോഓഡിനേറ്റർ നടയം ജബ്ബാർ എന്നിവരും വാർത്തസമ്മേളനത്തിൽ പങ്കെടുത്തു.