ഹേമ കമീഷൻ ശിപാർശകൾ നടപ്പാക്കാൻ സിനിമ കോൺക്ലേവ് നടത്തും -മന്ത്രി സജി ചെറിയാൻ

ആലപ്പുഴ: ഹേമ കമീഷൻ റിപ്പോർട്ട്​ സർക്കാർ പുറത്തുവിടുമെന്ന് മന്ത്രി സജി ചെറിയാൻ. റിപ്പോർട്ടിന്‍റെ കാര്യത്തിൽ സർക്കാർ നേരത്തെ എടുത്ത നിലപാട് തന്നെ തുടരുമെന്നും മന്ത്രി മാധ്യമ പ്രവർത്തകരോട് പറഞ്ഞു.

സർക്കാർ നിലപാട് തന്നെയാണ് ഹൈകോടതിയും പറഞ്ഞിരിക്കുന്നത്. ഹേമ കമീഷൻ റിപ്പോർട്ടിലെ ശിപാർശകളടക്കം കാര്യങ്ങൾ നടപ്പാക്കാൻ കേരളത്തിൽ സിനിമ കോൺക്ലേവ് നടത്തും. അതിന്‍റെ തീയതി ആയിട്ടുണ്ട്​. കോൺക്ലേവിലെ ചർച്ചകളുടെയും നിർദേശങ്ങളുടെയും അടിസ്ഥാനത്തിൽ സിനിമ നയം രൂപവത്​കരിക്കുമെന്നും മന്ത്രി സജി ചെറിയാൻ പറഞ്ഞു.

സി​നി​മ മേ​ഖ​ല​യി​ലെ വ​നി​ത​ക​ളു​ടെ പ്ര​ശ്ന​ങ്ങ​ൾ സം​ബ​ന്ധി​ച്ച ജ​സ്റ്റി​സ് കെ. ​ഹേ​മ ക​മ്മി​റ്റി റി​പ്പോ​ർ​ട്ട് പുറത്ത് വിടാമെന്ന് ഇന്ന് ഹൈകോടതി ഉത്തരവിട്ടിരുന്നു. റിപ്പോർട്ട് പുറത്തുവിടരുതെന്നാവശ്യപ്പെട്ടുള്ള നിർമാതാവ് സജിമോൻ പാറയിലിന്‍റെ ഹരജി തള്ളിയാണ് ജസ്റ്റിസ് വി.ജി. അരുണിന്റെ ബെഞ്ചിന്‍റെ ഉത്തരവ്. എന്നാൽ, റിപ്പോർട്ട് പുറത്ത് വിടാനുള്ള സമയപരിധി ഒരാഴ്ച കൂടി ഹൈകോടതി നീട്ടിയുണ്ട്.

സിനിമ മേഖലയിലെ വനിതകൾ നേരിടുന്ന പ്രശ്‌നങ്ങളും നീതിനിഷേധങ്ങളും തൊഴില്‍സാഹചര്യങ്ങളുമൊക്കെ പഠിക്കാന്‍ രാജ്യത്ത് ആദ്യമായി രൂപീകരിച്ച കമീഷനാണ് ഹേമ കമ്മിറ്റി. 2017 ഫെ​ബ്രു​വ​രി​യി​ൽ ന​ടി ആ​ക്ര​മി​ക്ക​പ്പെ​ട്ട​തി​നു പി​ന്നാ​ലെ​യു​ണ്ടാ​യ ച​ർ​ച്ച​ക​ളു​ടെ​യും പ്ര​തി​ഷേ​ധ​ങ്ങ​ളു​ടെ​യും അ​ടി​സ്ഥാ​ന​ത്തി​ലാ​ണ് അ​തേ വ​ർ​ഷം ജൂ​ലൈ ഒ​ന്നി​ന് സി​നി​മ മേ​ഖ​ല​യി​ലെ സ്ത്രീ​ക​ൾ നേ​രി​ടു​ന്ന പ്ര​ശ്ന​ങ്ങ​ൾ പ​ഠി​ക്കാ​നും പ​രി​ഹാ​രം നി​ർ​ദേ​ശി​ക്കാ​നു​മാ​യി സ​ർ​ക്കാ​ർ ഹേ​മ ക​മ്മി​റ്റി രൂ​പ​വ​ത്ക​രി​ച്ച​ത്. ര​ണ്ടു ​വ​ർ​ഷ​ത്തെ പ​ഠ​ന​ത്തി​നു ​ശേ​ഷം 2019 ഡി​സം​ബ​ർ 31നാ​ണ് റി​പ്പോ​ർ​ട്ട് പൂ​ർ​ത്തി​യാ​ക്കി ക​മ്മി​റ്റി അ​ധ്യ​ക്ഷ​യും ഹൈ​കോ​ട​തി മു​ൻ ജ​ഡ്ജി​യു​മാ​യ ജ​സ്റ്റി​സ് ഹേ​മ ഫ​യ​ൽ മു​ഖ്യ​മ​ന്ത്രി​ക്ക് സ​മ​ർ​പ്പി​ച്ച​ത്.

അ​ന്നു​മു​ത​ൽ റി​പ്പോ​ർ​ട്ട് പു​റ​ത്തു​വി​ട​ണ​മെ​ന്ന് സി​നി​മ​യി​ലെ സ്ത്രീ​പ്ര​വ​ർ​ത്ത​ക​രു​ടെ കൂ​ട്ടാ​യ്മ​യാ​യ ഡ​ബ്ല്യു.​സി.​സി ഉ​ൾ​പ്പെ​ടെ പ​ല​വ​ട്ടം ആ​വ​ശ്യ​പ്പെ​ട്ടി​രു​ന്നെ​ങ്കി​ലും ന​ട​പ​ടി​യൊ​ന്നു​മു​ണ്ടാ​യി​ല്ല. അ​തും വി​വ​രാ​വ​കാ​ശ ക​മീ​ഷ​ന്‍റെ ശ​ക്ത​മാ​യ ഇ​ട​പെ​ട​ലി​നെ തു​ട​ർ​ന്നാ​ണ് സ്ഫോ​ട​നാ​ത്മ​ക​മാ​യ റി​പ്പോ​ർ​ട്ട് പു​റ​ത്തു​വി​ടാ​ൻ സാം​സ്കാ​രി​ക വ​കു​പ്പ് ത​യാ​റാ​വു​ന്ന​ത്. എന്നാൽ വിവരാവകാശ കമീഷൻ ഉത്തരവ് റദ്ദാക്കണമെന്നാവശ്യപ്പെട്ട് സിനിമ നിർമാതാവായ എറണാകുളം സ്വദേശി സജിമോൻ പാറയിൽ നൽകിയ ഹരജിയിൽ സ്റ്റേ ചെയ്തിരുന്നു. റി​പ്പോ​ർ​ട്ട് പു​റ​ത്തു​വി​ടു​ന്ന​ത് സ്വ​കാ​ര്യ​ത​യു​ടെ​യും മൊ​ഴി ര​ഹ​സ്യ​മാ​യി സൂ​ക്ഷി​ക്കു​മെ​ന്ന് ക​മീ​ഷ​ന് ന​ൽ​കി​യ ഉ​റ​പ്പി​ന്‍റെ​യും ലം​ഘ​ന​മാ​ണെ​ന്നാ​യിരുന്നു​ ഹ​ര​ജി​ക്കാ​ര​ന്‍റെ വാ​ദം.