സിഗരറ്റ് കാറിനടുത്ത് എത്തിച്ചില്ല; അംഗപരിമിതന്‍റെ സ്റ്റേഷനറിക്കട തകർത്തു

അ​ഞ്ച​ൽ: കാ​റി​ന​ടു​ത്തെ​ത്തി സി​ഗ​രറ്റ് ന​ൽ​കാ​ത്ത​തി​ന് അം​ഗ​പ​രി​മി​ത​ന്‍റെ സ്റ്റേ​ഷ​ന​റി​ക്ക​ട കാ​റി​ടി​ച്ച് ത​ക​ർ​ത്തു. ഞാ​യ​റാ​ഴ്ച രാ​ത്രി എ​ട്ടോ​ടെ ആ​യൂ​ർ ആ​യു​ർ​വേ​ദ ആ​ശു​പ​ത്രി ജ​ങ്ഷ​ന് സ​മീ​പ​ത്താ​ണ് സം​ഭ​വം. ആ​യൂ​ർ സ്വ​ദേ​ശി സ​ദ്ദാ​മാ​ണ് ക​ട ത​ക​ർ​ത്ത​ത്. കാ​ർ നി​ർ​ത്തി​യ ശേ​ഷം ക​ട​യു​ട​മ​യാ​യ മോ​ഹ​ന​നോ​ട് സി​ഗ​റ​റ്റ് കൊ​ണ്ടു​വ​രാ​ൻ ആ​വ​ശ്യ​പ്പെ​ട്ടു. കാ​ലി​ന് സ്വാ​ധീ​ന​മി​ല്ലാ​ത്ത ആ​ളാ​ണെ​ന്ന് പ​റ​ഞ്ഞെ​ങ്കി​ലും വ​ക​വ​യ്ക്കാ​തെ കാ​ർ ഇ​ടി​ച്ചു ക​യ​റ്റി ക​ട ത​ക​ർ​ത്തു​വെ​ന്നാ​ണ് മോ​ഹ​ന​ന്‍റെ മൊ​ഴി.

ഗു​രു​ത​ര​മാ​യി പ​രി​ക്കേ​റ്റ മോ​ഹ​ന​നെ സ​മീ​പ​ത്തെ ക​ട​ക​ളി​ലു​ണ്ടാ​യി​രു​ന്ന​വ​ർ ക​ട​യ്ക്ക​ൽ താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വി​ദ​ഗ്ദ്ധ ചി​കി​ത്സ​ക്കാ​യി പാ​രി​പ്പ​ള്ളി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. ച​ട​യ​മം​ഗ​ലം എ​സ്.​എ​ച്ച്.​ഒ സു​നീ​ഷി​ന്റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ മോ​നി​ഷ്, ദി​ലീ​പ്, അ​സി.​എ​സ്.​ഐ ശ്രീ​കു​മാ​ർ ,ഗ്രേ​ഡ് എ​സ്.​ഐ അ​ല​ക്സ്, സി.​പി.​ഒ ജം​ഷ​ദ് എ​ന്നി​വ​ര​ട​ങ്ങി​യ പൊ​ലീ​സ് സം​ഘം ആ​യൂ​രി​ൽ നി​ന്ന് സ​ദ്ദാ​മി​നെ​യും, ക​ട ഇ​ടി​ച്ചു ത​ക​ർ​ക്കാ​ൻ ഉ​പ​യോ​ഗി​ച്ച കാ​റും ക​സ്റ്റ​ഡി​യി​ലെ​ടു​ത്തു. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

ലൈറ്റർ നൽകിയില്ല; സ്കൂട്ടറിൽ നിന്ന് തള്ളിയിട്ട്​പൊതുപ്രവർത്തകനെ മർദിച്ചു

കൊ​ട്ടി​യം: ലൈ​റ്റ​ർ ന​ൽ​കാ​ത്ത​തി​നു പൊ​തു​പ്ര​വ​ർ​ത്ത​ക​നെ സ്കൂ​ട്ട​റി​ൽ നി​ന്ന് ത​ള്ളി​യി​ട്ട ശേ​ഷം മ​ർ​ദി​ച്ച​താ​യി പ​രാ​തി. പ്ര​വാ​സി ലീ​ഗ്, കെ.​എം.​സി.​സി, കൊ​ട്ടി​യം പൗ​ര​വേ​ദി സം​ഘ​ട​ന​ക​ളു​ടെ പ്ര​വ​ർ​ത്ത​ക​ൻ കൊ​ട്ടി​യം ബൈ​ത്തു​ൽ നൂ​റി​ൽ കൊ​ട്ടി​യം നൂ​റു​ദീ​നാ​ണ് (50) മ​ർ​ദ​ന​മേ​റ്റ​ത്.

ഞാ​യ​റാ​ഴ്ച രാ​ത്രി പ​ത്തോ​ടെ സ്കൂ​ട്ട​റി​ൽ കു​ടും​ബ വീ​ട്ടി​ലേ​ക്ക് പോ​കു​ന്ന വ​ഴി കൊ​ട്ടി​യം പ്ര​തി​ഭ ലൈ​ബ്ര​റി​ക്ക് സ​മീ​പം ല​ഹ​രി​ക്ക്​ അ​ടി​മ​ക​ളാ​യ ര​ണ്ടു യു​വാ​ക്ക​ൾ സ്കൂ​ട്ട​ർ ത​ട​ഞ്ഞ് ലൈ​റ്റ​ർ ആ​വ​ശ്യ​പ്പെ​ട്ടു.

ന​ൽ​കാ​ത്ത​തി​നെ തു​ട​ർ​ന്ന് സ്കൂ​ട്ട​റി​ൽ നി​ന്നും ത​ള്ളി​യി​ട്ട ശേ​ഷം നി​ല​ത്തി​ട്ടു മ​ർ​ദി​ക്കു​ക​യാ​യി​രു​ന്നു. ബ​ഹ​ള​വും നി​ല​വി​ളി​യും കേ​ട്ടെ​ത്തി​യ പ​രി​സ​ര​വാ​സി​ക​ളാ​ണ്​ അ​ദ്ദേ​ഹ​ത്തെ കൊ​ട്ടി​യം ഹോ​ളി​ക്രോ​സ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. കൊ​ട്ടി​യം പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

സം​ഭ​വ​ത്തി​നു​ത്ത​ര​വാ​ദി​ക​ളാ​യ​വ​രെ അ​ടി​യ​ന്ത​ര​മാ​യി പി​ടി​കൂ​ട​ണ​മെ​ന്ന് കൊ​ട്ടി​യം പൗ​ര വേ​ദി​യും, റൈ​സി​ങ് കൊ​ട്ടി​യ​വും ആ​വ​ശ്യ​പ്പെ​ട്ടു.