കോവിഡ് തിരക്കിലും നോമ്പ് മുടക്കാതെ സി.​െഎ എം.കെ. രമേഷ്

പാവറട്ടി: കോവിഡ് 19 മഹാമാരിയുടെ ജോലിത്തിരക്കുകൾക്കിടയിലും നോമ്പ് ശീലം മാറ്റാതെ പാവറട്ടി സി.ഐ എം.കെ. രമേഷ്. അഞ്ച ുവർഷം മുമ്പ് പാവറട്ടിയിൽ എസ്.ഐ ആയി ചുമതലയേറ്റപ്പോഴാണ് രമേഷ് ആദ്യമായി നോമ്പ്​ എടുക്കാൻ തുടങ്ങിയത്.

മുസ്​ലിം സുഹൃത്തുക്കളോടുള്ള അടുപ്പമാണ് ഇതിന് പ്രചോദനമായത്. നോമ്പെടുക്കുന്നതിലൂടെ ശരീരത്തിനും മനസ്സിനും ഏറെ ഉന്മേഷം അനുഭവപ്പെടാറുണ്ടെന്നും 30 ദിവസവും മുടക്കം ഉണ്ടാകാറില്ലന്നും രമേഷ് പറഞ്ഞു.
സ്നേഹത്തി​​െൻറയും സാഹോദര്യത്തി​​െൻറയും നന്മയുടെയും മാസമാണ് ഇതെന്നും ആർഭാടം ഒഴിവാക്കി പാവപ്പെട്ടവരെ സഹായിക്കാൻ സമൂഹം തയാറാകണമെന്നും മഹാമാരിയെ ചെറുത്തുതോൽപിക്കാൻ സമൂഹം ഒന്നിച്ച് നിൽക്കണമെന്നും സി.ഐ പറയുന്നു.