സംസ്​ഥാനത്തെ 196 പൊലീസ്​ സ്​റ്റേഷനുകൾ ഇനി സി.​െഎ ഭരിക്കും

തിരുവനന്തപുരം: സംസ്ഥാനത്തെ 196 പൊലീസ് സ്​റ്റേഷനുകളുടെ ചുമതല എസ്.ഐമാരിൽനിന്ന്​ തിങ്കളാഴ്ച മുതൽ സർക്കിൾ ഇൻസ്പെക്ടർമാർ (സി.ഐ) ഏറ്റെടുക്കും. ഇതുസംബന്ധിച്ച ഉത്തരവിൽ ഡി.ജി.പി ലോക്നാഥ് ​െബഹ്റ ഒപ്പുവെച്ചു. സംസ്ഥാനത്തെ 471 ലോക്കൽ പൊലീസ്​ സ്​റ്റേഷനുകളിൽ ഏ​െഴണ്ണത്തിൽ ഇപ്പോൾതന്നെ സി.ഐ റാങ്കിലുള്ള ഉദ്യോഗസ്ഥർ സ്​റ്റേഷൻ ഹൗസ്​ ഓഫിസർമാരായി ഉണ്ട്. ഇതിന് പുറമെയാണ്​ 196 സ്​റ്റേഷനുകളിൽക്കൂടി ഇൻസ്​പെക്ടർ റാങ്കിലുള്ള എസ്​.എച്ച്.ഒമാർ ചുമതലയേൽക്കുന്നത്.  

പ്രകാശ് സിങ് കേസിലെ സുപ്രീംകോടതി ഉത്തരവി​​​െൻറയും ജസ്​റ്റിസ് കെ.ടി. തോമസ് അധ്യക്ഷനായ പൊലീസ് നവീകരണ മേൽനോട്ട കമ്മിറ്റിയുടെ ശിപാർശയുടെയും അടിസ്ഥാനത്തിലാണ്​ സേനയെ പൊളിച്ചെഴുതാൻ സർക്കാർ തീരുമാനിച്ചത്. എസ്.ഐമാരാണ് ഇപ്പോള്‍ സ്​റ്റേഷന്‍ ഹൗസ് ഓഫിസര്‍മാരായി പ്രവര്‍ത്തിക്കുന്നത്. ഈ സ്ഥാനത്ത് കൂടുതല്‍ പരിചയസമ്പത്തുള്ള സി.ഐമാർ വരുന്നത് സങ്കീര്‍ണമായ പ്രശ്നങ്ങള്‍ സമര്‍ഥമായി കൈകാര്യം ചെയ്യാന്‍ സഹായിക്കുമെന്ന് സർക്കാർ കണക്കുകൂട്ടുന്നുണ്ട്. ഉത്തരവ് നടപ്പാകുന്നതോടെ സംസ്ഥാനത്ത് സർക്കിൾ ഇൻസ്​പെക്ടർ ഓഫിസുകൾ ഇല്ലാതാകും. 

196 സ്​റ്റേഷനുകളിൽ ചുതലയേൽക്കുന്ന ഇൻസ്​പെക്ടർമാർ, ഇൻസ്​പെക്ടർ എസ്​.എച്ച്.ഒ എന്നാവും ഇനി അറിയപ്പെടുക. 196 സ്​റ്റേഷനുകളിലും ഇനിമുതൽ ക്രമസമാധാനത്തിനും കുറ്റാന്വേഷണത്തിനും പ്രത്യേകം എസ്​.ഐമാരുടെ ചുമതലയിൽ രണ്ടു ഡിവിഷനുകൾ ഉണ്ടാകും. ഇതിൽ ഏറ്റവും സീനിയറായ എസ്​.ഐക്കായിരിക്കും ക്രമസമാധാന ചുമതല. ജില്ല പൊലീസ്​ മേധാവിക്ക് കൂടുതൽ മികച്ച പ്രവർത്തനത്തിന് ആവശ്യമെങ്കിൽ എസ്​.ഐമാരുടെ ക്രമസമാധാന കുറ്റാന്വേഷണ ചുമതലകളിൽ മാറ്റംവരുത്താവുന്നതാണ്. കുറ്റാന്വേഷണം കൂടുതൽ ഫലപ്രദമാക്കുക എന്നതാണ് ഇതുവഴി ലക്ഷ്യം വെക്കുന്നത്.

സബ് -ഇൻസ്​പെക്ടർമാർ എസ്​.എച്ച്.ഒമാരായ ബാക്കി 268 സ്​റ്റേഷനുകളിൽ അവരുടെ മേൽനോട്ട ചുമതല ഇനിമുതൽ ബന്ധപ്പെട്ട ഡിവൈ.എസ്​.പിക്കായിരിക്കും. എല്ലാ സ്​റ്റേഷനിലും ഇൻസ്​പെക്ടർ എസ്​.എച്ച്.ഒ സംവിധാനം നിലവിൽവരുന്നതുവരെ ഈ രീതി തുടരും. പുതിയ ഇൻസ്​പെക്ടർ എസ്​.എച്ച്.ഒമാർക്ക് ഒരുദിവസത്തെയും ൈക്രം ഡിവിഷൻ എസ്​.ഐമാർക്ക് മൂന്നുദിവസത്തെയും പരിശീലനം പൊലീസ്​ െട്രയിനിങ്​ കോളജ്, പൊലീസ്​ അക്കാദമി എന്നിവിടങ്ങളിൽ നൽകും.