ഇംഗ്ലണ്ടിലെ പള്ളികൾ: എം.വി. ഗോവിന്ദന്‍റെ പ്രസ്താവന അപക്വം -ലത്തീൻ സഭ

പ​ള്ളു​രു​ത്തി: ഇം​ഗ്ല​ണ്ടി​ലെ ക്രൈ​സ്ത​വ പ​ള്ളി​ക​ളെ​ക്കു​റി​ച്ച് സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ പ്ര​സ്താ​വ​ന അ​പ​ക്വ​വും ദു​രു​ദ്ദേ​ശ്യ​പ​ര​വു​മാ​ണെ​ന്ന്​ ല​ത്തീ​ൻ ക​ത്തോ​ലി​ക്ക സ​ഭ​യു​ടെ ഉ​ന്ന​ത ന​യ​രൂ​പ​വ​ത്​​ക​ര​ണ സ​മി​തി​യാ​യ കെ.​ആ​ർ.​എ​ൽ.​സി.​സി പ്ര​സി​ഡ​ന്‍റ്​ ബി​ഷ​പ് ഡോ. ​വ​ർ​ഗീ​സ് ച​ക്കാ​ല​ക്ക​ലും വൈ​സ് പ്ര​സി​ഡ​ന്‍റ്​ ജോ​സ​ഫ് ജൂ​ഡും അ​ഭി​പ്രാ​യ​പ്പെ​ട്ടു.

എ​ന്താ​ണ് അ​ദ്ദേ​ഹ​ത്തി​ന്‍റെ മ​ന​സ്സി​ലെ​ന്ന് വ്യ​ക്ത​മാ​കു​ന്നി​ല്ല. എ​ന്തി​ന്‍റെ പു​റ​പ്പാ​ടാ​ണെ​ന്നും അ​റി​യി​ല്ല. ഒ​രു സ​ഭാ​സ​മൂ​ഹ​ത്തെ അ​വ​ഹേ​ളി​ക്കു​ന്ന ഇ​ത്ത​രം പ്ര​സ്താ​വ​ന ഉ​ത്ത​ര​വാ​ദി​ത്ത​പ്പെ​ട്ട രാ​ഷ്ടീ​യ പാ​ർ​ട്ടി​യു​ടെ ഉ​ന്ന​ത നേ​താ​വി​ൽ​നി​ന്ന്​ ഉ​ണ്ടാ​കാ​ൻ പാ​ടി​ല്ല. ലോ​ക​ത്ത് മാ​റ്റ​ങ്ങ​ൾ​ക്ക​നു​സ​രി​ച്ച് വ്യ​ത്യാ​സ​ങ്ങ​ൾ ഉ​ണ്ടാ​കും.

ജ​ന​ങ്ങ​ളു​ടെ എ​ത്ര​യോ പ്ര​ശ്ന​ങ്ങ​ൾ കേ​ര​ള​ത്തി​ലു​ണ്ട്. അ​തെ​ല്ലാം വി​ട്ടി​ട്ട് ഒ​രു സ​മൂ​ഹ​ത്തെ ല​ക്ഷ്യം​വെ​ച്ചു​ള്ള പ്ര​സ്താ​വ​ന ദു​രു​ദ്ദേ​ശ്യ​പ​ര​മാ​ണ്. തെ​റ്റി​ദ്ധാ​ര​ണ പ​ര​ത്തു​ന്ന ഇ​ത്ത​രം ജ​ൽ​പ​ന​ങ്ങ​ൾ​ക്കെ​തി​രെ സ​മു​ദാ​യം പ്ര​തി​ക​രി​ക്കു​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.

പരാമർശം ആരെയും വേദനിപ്പിക്കാൻ ഉദ്ദേശിച്ചല്ല -എം.വി. ഗോവിന്ദൻ

തൃ​ശൂ​ർ: ഇം​ഗ്ല​ണ്ടി​ലെ പ​ള്ളി വി​റ്റ​ത് സം​ബ​ന്ധി​ച്ച് താ​ൻ ന​ട​ത്തി​യ പ​രാ​മ​ർ​ശം ആ​രെ​യും വേ​ദ​നി​പ്പി​ക്കാ​ൻ ഉ​ദ്ദേ​ശി​ച്ചാ​യി​രു​ന്നി​ല്ലെ​ന്നും നേ​രി​ട്ട് ക​ണ്ട കാ​ര്യം പ​റ​​ഞ്ഞെ​ന്നു മാ​ത്ര​മേ​യു​ള്ളൂ​വെ​ന്നും സി.​പി.​എം സം​സ്ഥാ​ന ​സെ​ക്ര​ട്ട​റി എം.​വി. ഗോ​വി​ന്ദ​ൻ. പ​രാ​മ​ർ​ശ​ത്തി​നെ​തി​രെ ഇ​രി​ങ്ങാ​ല​ക്കു​ട രൂ​പ​ത പാ​സ്റ്റ​റ​ൽ കൗ​ൺ​സി​ൽ പ്ര​മേ​യം പാ​സാ​ക്കി​യി​രു​ന്നു. എം.​വി. ഗോ​വി​ന്ദ​ൻ മാ​പ്പു പ​റ​യ​ണ​മെ​ന്നാ​യി​രു​ന്നു ആ​വ​ശ്യം. ഇ​തി​നോ​ടാ​യി​രു​ന്നു അ​ദ്ദേ​ഹ​ത്തി​ന്റെ പ്ര​തി​ക​ര​ണം.