കൈയേറ്റക്കാരെ തടയും:  ദേവാലയങ്ങള്‍ വിട്ടുകൊടുക്കില്ല  –ഏലിയാസ് മാര്‍ അത്തനാസിയോസ്

കോ​ട്ട​യം: യാ​ക്കോ​ബാ​യ സു​റി​യാ​നി സ​ഭ​യു​ടെ ഉ​ട​മ​സ്ഥ​ത​യി​ലു​ള്ള ദേ​വാ​ല​യ​ങ്ങ​ള്‍ മ​റ്റാ​ർ​ക്കും വി​ട്ടു​കൊ​ടു​ക്കി​ല്ലെ​ന്നും കൈ​യേ​റ്റ​ക്കാ​രെ ത​ട​യു​മെ​ന്നും ഡോ.​ഏ​ലി​യാ​സ് മാ​ര്‍ അ​ത്ത​നാ​സി​യോ​സ് മെ​ത്രാ​പ്പോ​ലീ​ത്ത. കൊ​ച്ചി​യി​ല്‍ ഞാ​യ​റാ​ഴ്​​ച ന​ട​ത്തു​ന്ന വി​ശ്വാ​സ​പ്ര​ഖ്യാ​പ​ന സ​മ്മേ​ള​ന​ത്തി​നും പാ​ത്രി​യാ​ര്‍ക്ക ദി​നാ​ഘോ​ഷ​ത്തി​നും മു​ന്നോ​ടി​യാ​യ ദീ​പ​ശി​ഖ പ്ര​യാ​ണ​ത്തി​ന്​ വി​വി​ധ ദൈ​വാ​ല​യ​ങ്ങ​ളി​ല്‍ ന​ല്‍കി​യ സ്വീ​ക​ര​ണ​ത്തി​ന്​ മ​റു​പ​ടി പ​റ​യു​ക​യാ​യി​രു​ന്നു അ​ദ്ദേ​ഹം.

​കോ​ട​തി ഉ​ത്ത​ര​വി​​​െൻറ അ​ടി​സ്ഥാ​ന​ത്തി​ൽ സ്വ​ന്തം ഉ​ട​മ​സ്ഥ​ത​യി​ലു​ള്ള ദേ​വാ​ല​യ​ങ്ങ​ളി​ൽ​നി​ന്ന്​ യാ​ക്കോ​ബാ​യ സ​ഭ വി​ശ്വാ​സി​ക​ള്‍ ഇ​റ​ങ്ങി​ക്കൊ​ടു​ക്കി​ല്ല. ച​ര്‍ച്ച​ക​ളി​ലൂ​ടെ പ​രി​ഹാ​രം കാ​ണ​ണ​മെ​ന്ന് കാ​തോ​ലി​ക്ക ബ​സേ​ലി​യോ​സ് തോ​മ​സ് പ്ര​ഥ​മ​ന്‍ ബാ​വ​യു​ടെ വാ​ക്കു​ക​ൾ അം​ഗീ​ക​രി​ക്കു​ക​യാ​ണു വേ​ണ്ട​ത്. വി​ശ്വാ​സി​ക​ള്‍ ത്യാ​ഗം സ​ഹി​ച്ചു നി​ര്‍മി​ച്ച പ​ള്ളി​ക​ളി​ല്‍നി​ന്ന് അ​വ​രെ പു​റ​ത്താ​ക്കി ന്യൂ​ന​പ​ക്ഷ​ത്തി​നു പ​ള്ളി​ക​ള്‍ വി​ട്ടു​കൊ​ടു​ക്കു​ന്ന​ത് അം​ഗീ​ക​രി​ക്കാ​നാ​വി​ല്ല. സ്വ​ന്തം പ​ള്ളി​ക​ള്‍ ഉ​പേ​ക്ഷി​ച്ചു പു​റ​ത്തു​പോ​കാ​ന്‍ പ​റ​ഞ്ഞാ​ല്‍ അ​വ​രു​ടെ ആ​ത്മീ​യ ആ​വ​ശ്യ​ങ്ങ​ള്‍ എ​ങ്ങ​നെ നി​റ​വേ​റ്റാ​നാ​കു​മെ​ന്നും മാ​ര്‍ അ​ത്ത​നാ​സി​യോ​സ് പ​റ​ഞ്ഞു.

വെ​ള്ളി​യാ​ഴ്​​ച കോ​ട്ട​യ​ത്ത്​ എ​ത്തി​യ ദീ​പ​ശി​ഖ പ്ര​യാ​ണ​ത്തി​ന്​ ജി​ല്ല​യി​ലെ വി​വി​ധ ദേ​വ​ല​യ​ങ്ങ​ളി​ൽ സ്വീ​ക​ര​ണം ന​ൽ​കി. കോ​ട്ട​യം ഭ​ദ്രാ​സ​ന​ത്തി​​​െൻറ നേ​തൃ​ത്വ​ത്തി​ല്‍ കു​റി​ച്ചി സ​​െൻറ്​ മേ​രീ​സ് പ​ള്ളി​യി​ലാ​യി​രു​ന്നു ആ​ദ്യ​സ്വീ​ക​ര​ണം. തു​ട​ർ​ന്ന്​ മ​ണ​ര്‍കാ​ട് സ​​െൻറ്​ മേ​രീ​സ് ക​ത്തീ​ഡ്ര​ല്‍ അ​ട​ക്കം സ​ന്ദ​ർ​ശി​ച്ചു. ഫാ. ​ജോ​ണ്‍ പു​ന്ന​മ​റ്റം ക്യാ​പ്റ്റ​നാ​യ ദീ​പ​ശി​ഖ പ്ര​യാ​ണം നൂ​റു​ക​ണ​ക്കി​ന്​ വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ​യാ​ണ്​ വി​വി​ധ പ​ള്ളി​ക​ള്‍ സ​ന്ദ​ര്‍ശി​ക്കു​ന്ന​ത്. കോ​ട്ട​യം ഭ​ദ്രാ​സ​ന മെ​ത്രാ​പ്പോ​ലീ​ത്ത ഡോ. ​തോ​മ​സ് മാ​ര്‍ തി​മോ​ത്തി​യോ​സ്, ഭ​ദ്രാ​സ​ന സെ​ക്ര​ട്ട​റി കു​ര്യാ​ക്കോ​സ് ക​ട​വും​ഭാ​ഗം, റെ​ഞ്ചു കു​ര്യാ​ക്കോ​സ് തു​ട​ങ്ങി​യ​വ​ര്‍ സ്വീ​ക​ര​ണ​ങ്ങ​ള്‍ക്ക് നേ​തൃ​ത്വം ന​ല്‍കി. പ്ര​യാ​ണം ശ​നി​യാ​ഴ്​​ച വൈ​കു​ന്നേ​രം പു​ത്ത​ന്‍കു​രി​ശി​ന്‍ സ​മാ​പി​ക്കും. 
ഞാ​യ​റാ​ഴ്​​ച വൈ​കീ​ട്ട്​ മൂ​ന്നി​ന്​ കൊ​ച്ചി ക​ലൂ​ര്‍ സ്​​റ്റേ​ഡി​യ​ത്തി​ലാ​ണ്​ വി​ശ്വാ​സ​പ്ര​ഖ്യാ​പ​ന സ​മ്മേ​ള​നം.