വൈദിക​െൻറ നന്ദി പ്രകടനത്തിന്​ അരങ്ങൊരുക്കി ജുമാമസ്​ജിദ്

വൈ​ക്കം: മാ​ന​വ​സ്​​നേ​ഹ​ത്തി​​​​െൻറ കെ​ടാ​വി​ള​ക്ക്​ കൊ​ളു​ത്തി വെ​ച്ചൂ​ർ അ​ൻ​സാ​റു​ൽ ഇ​സ്​​ലാം ജു​മാ​മ​സ്​​ജി​ദ്. പ്ര​ള​യ​ബാ​ധി​ത​ർ​ക്ക്​ സ​ഹാ​യ​മെ​ത്തി​ച്ച​വ​ർ​ക്ക്​ ന​ന്ദി​പ​റ​യാ​ൻ വെ​ച്ചൂ​ർ അ​ച്ചി​ന​കം സ​​​െൻറ്​ മേ​രീ​സ്​ പ​ള്ളി വി​കാ​രി സാ​നു പു​തു​ശ്ശേ​രി​യെ​ത്തി​യ​ത്​ വെ​ള്ളി​യാ​ഴ്​​ച​ത്തെ ജു​മു​അ ന​മ​സ്​​കാ​ര​വേ​ള​യി​ലാ​ണ്. ഏ​റെ നീ​ളാ​തെ ജു​മു​അ പ്ര​സം​ഗം ഇ​മാം അ​സ്​​ഹ​ർ അ​ൽ​ഖാ​സി​മി അ​വ​സാ​നി​പ്പി​ച്ചു.

പി​ന്നീ​ട്​ ജ​മാ​അ​ത്ത്​ ഭാ​ര​വാ​ഹി​ക​ളു​ടെ നേ​തൃ​ത്വ​ത്തി​ൽ വി​കാ​രി​യെ പ​ള്ളി​യി​ലേ​ക്ക്​ സ്വീ​ക​രി​ച്ചു. ന​മ​സ്​​കാ​ര​ത്തി​ന്​ എ​ത്തി​യ ആ​ളു​ക​ൾ​ക്ക്​ മു​ന്നി​ൽ സം​സാ​രി​ക്കാ​നും അ​വ​സ​രം കൊ​ടു​ത്തു. പ്ര​ള​യ​കാ​ല​ത്ത്​ ക്രൈ​സ്​​​ത​വ​ദേ​വാ​ല​യ​ത്തി​ൽ തു​റ​ന്ന ദു​രി​താ​ശ്വാ​സ ക്യാ​മ്പു​ക​ളി​ല​ട​ക്കം വി​വി​ധ പ്ര​ദേ​ശ​ങ്ങ​ളി​ൽ കൈ​മെ​യ്യ്​​ മ​റ​ന്ന്​ എ​ത്തി​ച്ച സ​ഹാ​യ​ത്തി​ന്​ ന​ന്ദി അ​റി​യി​ക്കാ​നാ​ണ്​ വ​ന്ന​തെ​ന്ന്​ സൂ​ചി​പ്പി​ച്ചാ​ണ്​ സാ​നു പു​തു​േ​ശ്ശ​രി പ്ര​സം​ഗം തു​ട​ങ്ങി​യ​ത്.

വെ​ച്ചൂ​ർ അ​ച്ചി​ന​കം സ​​​െൻറ്​ മേ​രീ​സ്​ പ​ള്ളി വി​കാ​രി സാ​നു പു​തു​ശ്ശേ​രിയുമായി​ ജു​മാ​മ​സ്​​ജി​ദ് ഇ​മാം അ​സ്​​ഹ​ർ അ​ൽ​ഖാ​സി​മി സൗഹൃദം പങ്കിടുന്നു

‘മ​ഹാ​പ്ര​ള​യ​ത്തി​നാ​ണ് നാം ​സാ​ക്ഷ്യം​വ​ഹി​ച്ച​ത്. പ്ര​ള​യം ന​മ്മ​ളി​ൽ​നി​ന്ന്​ പ​ല​തും ക​വ​ർ​ന്നു. ആ​ദ്യം ന​മ്മ​ളി​ൽ​നി​ന്ന്​ ക​വ​ർ​ന്ന​ത്​ പ​ര​സ്​​പ​രം അ​തി​രു​കെ​ട്ടി​ത്തി​രി​ച്ച മ​തി​ലു​ക​ൾ ആ​യി​രു​ന്നു. മ​ന​സ്സി​ലെ അ​ഹ​ങ്കാ​ര​ങ്ങ​ളെ​യാ​യി​രു​ന്നു. ഞാ​ൻ മാ​ത്രം മ​തി​യെ​ന്ന കാ​ഴ്​​ച​പ്പാ​ടു​ക​ളെ​യാ​യി​രു​ന്നു. എ​ന്നാ​ൽ, പ്ര​ള​യം ന​മ്മെ പ​ഠി​പ്പി​ച്ച ഒ​ന്നാ​യി​രു​ന്നു സ​ഹ​ക​ര​ണം, പ​ര​സ്പ​രം ജാ​തി​യും മ​ത​വും നോ​ക്ക​ാ​തെ, സ​മ്പ​ത്തു​നോ​ക്കാ​തെ പ​ര​സ്പ​രം സ്നേ​ഹി​ക്കാ​നും സ​മാ​ധാ​നി​പ്പി​ക്കാ​നും ക​ഴി​ഞ്ഞു. കാ​ല​ങ്ങ​ളോ​ളം കൈ​കോ​ർ​ത്തു മു​ന്നോ​ട്ടു​പോ​കാ​മെ​ന്ന ഫാ. ​സാ​നു​വി​​​​െൻറ വാ​ക്കു​ക​ൾ മ​ത​മൈ​ത്രി​യു​ടെ വ​റ്റാ​ത്ത മാ​തൃ​ക​യാ​യി. പ്ര​ള​യ​ക്കെ​ടു​തി രൂ​ക്ഷ​മാ​യ ഘ​ട്ട​ത്തി​ൽ ജ​മാ​അ​ത്ത്​ ഭാ​ര​വാ​ഹി​ക​ളോ​ട്​ സ​ഹാ​യം അ​ഭ്യ​ർ​ഥി​ച്ച്​ വി​കാ​രി​യു​ടെ വി​ളി​യെ​ത്തി​യി​രു​ന്നു. തു​ട​ർ​ന്ന്​ ഭ​ക്ഷ്യ​ധാ​ന്യ​ങ്ങ​ൾ, വ​സ്​​ത്ര​ങ്ങ​ൾ, കു​ടി​വെ​ള്ളം തു​ട​ങ്ങി ആ​വ​ശ്യ​മാ​യ​തെ​ല്ലാം എ​ത്തി​ച്ചു​ന​ൽ​കി​യെ​ന്ന്​ ജ​മാ​അ​ത്ത്​ സെ​ക്ര​ട്ട​റി ന​വാ​സ്​ ‘മാ​ധ്യ​മ’​ത്തോ​ട്​ പ​റ​ഞ്ഞു.

ഇ​മാം അ​സ്​​ഹ​ർ അ​ൽ​ഖാ​സി​മി​യു​മാ​യും ജ​മാ​അ​ത്ത്​ ഭാ​ര​വാ​ഹി​ക​ളു​മാ​യി സൗ​ഹൃ​ദം പു​തു​ക്കി​യു​മാ​ണ്​ വി​കാ​രി മ​ട​ങ്ങി​യ​ത്.