ക്രിസ്​ത്യൻ വിവാഹ നിയമം സംസ്​ഥാന വ്യാപമാക്കാൻ ശിപാർശ ചെയ്യും -ന്യൂനപക്ഷ കമീഷൻ

തൃശൂർ: 1872ലെ ഇന്ത്യൻ ക്രിസ്​ത്യൻ വിവാഹ നിയമം സംസ്​ഥാനത്താകെ ബാധകമാക്കാൻ സർക്കാറിനോട് ശിപാർശ ചെയ്യുമെന്ന് സംസ്​ഥാന ന്യൂനപക്ഷ കമീഷൻ അംഗം അഡ്വ. മുഹമ്മദ് ഫൈസൽ പറഞ്ഞു. കലക്ടറേറ്റിൽ ന്യൂനപക്ഷ കമീഷൻ സിറ്റിങ്ങിൽ അഡ്വ. സോളമൻ വർഗീസി​​െൻറ അപേക്ഷയിലാണ് കമീഷൻ ശിപാർശ ചെയ്യാനുളള തീരുമാനം അറിയിച്ചത്. നിലവിൽ പഴയ മലബാർ പ്രദേശത്തിന്​ മാത്രമാണ് നിയമം ബാധകം.

പാലിയേക്കര ടോൾപ്ലാസയിൽ ശാരീരിക വൈകല്യമുള്ളവർക്കും മുതിർന്നവർക്കും ഇളവ് വേണമെന്ന ഹരജിയിൽ ദേശീയപാത സൂപ്രണ്ടിങ് എൻജിനീയറോട് കമീഷൻ റിപ്പോർട്ട് ആവശ്യപ്പെട്ടു. ത​​​െൻറ ഉടമസ്​ഥതയിലുള്ള കാർ ഭർത്താവ് അനധികൃതമായി കൈവശം വെച്ചിരിക്കുകയാണെന്ന പരാതിയിൽ യുവതിക്ക് കാർ വിട്ടു നൽകാൻ വേണ്ട നടപടിയെടുക്കാൻ പാവറട്ടി പൊലീസിന് നിർദേശം നൽകി.

43 കേസുകൾ പരിഗണനക്ക് വന്നു. നാലെണ്ണം തീർപ്പാക്കി. പുതിയതായി രണ്ട്​ കേസ്​ സ്വീകരിച്ചു. അടുത്തമാസം 23നാണ് അടുത്ത സിറ്റിങ്​.