ചിറ്റാറിൽ ടിപ്പർ മറിഞ്ഞ്​ തൊഴിലാളിക്ക് പരിക്ക് 

ചിറ്റാർ: അച്ചൻകോവിൽ റോഡിൽ ചിറ്റാർ വിശ്വകർമ്മ മന്ദിരം ഓഫീസിന് സമീപത്ത് ടിപ്പർ മറിഞ്ഞുണ്ടായ അപകടത്തിൽ തൊഴിലാളിക്ക് പരിക്ക്. ബംഗാൾ സ്വദേശി സേതുൽ ഹക്ക് ( 40 ) ന്​ ആണ്​ പരിക്കേറ്റത്​. ഇയാളെ പരിക്കുകളോടെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു .വ്യാഴാഴ്ച രാവിലെ 10 മണിക്കാണ് സംഭവം .

ചിറ്റാർ ഫാക്ടറിപ്പടിയിൽ നിന്ന്​ ഹോളോബ്രിക്സുമായി വരുന്ന ടിപ്പർ റോഡിലെ സംരക്ഷണഭിത്തി ഇടിഞ്ഞതിനെ തുടർന്ന്​​ നിയന്ത്രണം വിട്ട്​ 15 അടി താഴ്ചയിലേക്ക് തല കീഴായി മറിയുകയായിരുന്നു. 

ഈ സമയം വാഹനത്തിൽ ഉണ്ടായിരുന്ന ഡ്രൈവർ സൈബു (29), ബംഗാൾ സ്വദേശിയായ തൊഴിലാളി ജുനൈബ് (30) എന്നിർ അത്ഭുതകരമായി രക്ഷപെട്ടു.

ടിപ്പർ തലകീഴായി മറിഞ്ഞ നിലയിൽ