വീടുവിട്ട രണ്ട് സ്കൂൾ കുട്ടികളെ കണ്ടെത്തി
text_fieldsപറവൂർ: മലയിടം തുരുത്തിൽനിന്ന് കാണാതായ രണ്ട് കുട്ടികളെ പറവൂരിൽ കണ്ടെത്തി. തിങ്കളാഴ്ച വൈകീട്ടോടെ കാണാതായ കുട്ടികളുടെ ചിത്രം സാമൂഹിക മാധ്യമങ്ങളിൽ പ്രചരിച്ചിരുന്നു. ചൊവ്വാഴ്ച രാവിലെ കെ.എം.കെ. കവലക്ക് സമീപമുള്ള ഒരു കടയിൽ എത്തിയ ഇവരെ കടയുടമ തിരിച്ചറിഞ്ഞു പൊലീസിനെ ഏൽപ്പിക്കുകയായിരുന്നു.
സ്കൂൾ വിദ്യാർഥികളായ കുട്ടികൾ ചെറായി ബീച്ചിൽ പോകാനാണ് വീട്ടുകാരറിയാതെ സൈക്കിളിൽ പുറപ്പെട്ടത്. കുട്ടികളെ കാണാതായതോടെ വീട്ടുകാർ തടിയിട്ടപറമ്പ് പൊലീസ് സ്റ്റേഷനിൽ പരാതി നൽകിയിരുന്നു.
തിങ്കളാഴ്ച രാത്രി ഇവർ ഒരു വെയിറ്റിങ് ഷെഡിൽ കിടന്നുറങ്ങി. തുടർന്ന് ചൊവ്വാഴ്ച ബീച്ചിലേക്കുള്ള യാത്രാമധ്യേയാണ് നഗരത്തിലെ വ്യാപാരി തിരിച്ചറിഞ്ഞത്. മാതാപിതാക്കളെ വിളിച്ചുവരുത്തി കുട്ടികളെ അവർക്കൊപ്പം വിട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.