തൃശൂരിലെ അനാഥാലയത്തിൽ ആദിവാസി കുട്ടികൾക്ക്​ മർദനമേറ്റു; കുട്ടികൾ ഇറങ്ങിയോടി

ചാ​ല​ക്കു​ടി: മേ​ലൂ​ർ പൂ​ലാ​നി​യി​ലെ മ​രി​യാ​പാ​ല​ന ശി​ശു​സം​ര​ക്ഷ​ണ കേ​ന്ദ്ര​ത്തി​ലെ അ​ന്തേ​വാ​സി​ക​ളാ ​യ ആ​റ് ആ​ദി​വാ​സി ബാ​ല​ന്‍മാ​രെ മർദനമേറ്റ അവസ്​ഥയിൽ ചാ​ല​ക്കു​ടി താലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ ്പി​ച്ചു. സംശയകരമായ സാഹചര്യത്തിൽ ഞാ​യ​റാ​ഴ്ച പു​ല​ര്‍ച്ചെ തെ​രു​വി​ല്‍ അ​ല​ഞ്ഞ കു​ട്ടി​ക​ളെ പൂ​ലാ​നി​യി​ലെ ഹെ​ല്‍ത്ത് ഇ​ന്‍സ്‌​പെ​ക്ട​ര്‍ ക​ണ്ടപ്പോഴാണ്​ വിവരം പുറത്തറിയുന്നത്​. ഇദ്ദേഹം കുട്ടികളെ ചാ​ല​ക്കു​ടി താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചു. സ്ഥാ​പ​ന​ ന​ട​ത്തി​പ്പു​കാ​ര്‍ക്കെ​തി​രെ കൊ​ര​ട്ടി പൊ​ലീ​സ് കേസെടുത്തു. കു​ട്ടി​ക​ളെ ആശുപത്രിയിൽനിന്ന്​ ശി​ശു​ക്ഷേ​മ സ​മി​തി​ പ്ര​വ​ര്‍ത്ത​ക​ര്‍ കൊ​ണ്ടു​പോ​യി.

വാ​ച്ചു​മ​രം, പൊ​ക​ല​പ്പാ​റ ആ​ദി​വാ​സി കോ​ള​നി​യി​ൽനിന്ന്​ നാ​ല്​ ദി​വ​സം മു​മ്പാ​ണ് കു​ട്ടി​ക​ളെ പ​ഠ​ന സൗ​ക​ര്യം വാ​ഗ്ദാ​നം ചെ​യ്ത് പൂ​ലാ​നി​യി​ലെ മ​രി​യാ​പാ​ല​ന ശി​ശു​കേ​ന്ദ്ര​ത്തി​ൽ എ​ത്തി​ച്ച​ത്​. മൂ​ന്നി​നും അ​ഞ്ച് വ​യ​സ്സി​നും ഇ​ട​യി​ലു​ള്ളവരാണ്​ കു​ട്ടി​ക​ള്‍. രാത്രി ​േപ്ലറ്റ്​ കൊണ്ട്​ തലക്കടിച്ചു എന്ന്​ കുട്ടികൾ പറഞ്ഞു. തു​ട​ര്‍ന്ന് രാ​ത്രി​ സ്ഥാ​പനത്തിൽനിന്ന്​ ഇവർ ഓടിരക്ഷപ്പെട്ടു. തെരുവിൽ അലയു​േമ്പാഴാണ്​ ഇ​വ​രെ ആ​രോ​ഗ്യ വ​കു​പ്പ് ജീ​വ​ന​ക്കാ​ര​ന്‍ കണ്ടതും ആശുപത്രിയിലെത്തിച്ചതും. നേ​ര​ത്തെ​യും സ​മാ​ന​ സം​ഭ​വ​ങ്ങ​ള്‍ ഈ ​സ്ഥാ​പ​ന​ത്തി​ലു​ണ്ടാ​യി​ട്ടു​ണ്ട്.

അതേസമയം, ഇവര്‍ ഏതാനും ദിവസം മുമ്പ്​ മാത്രമാണ് പഠനത്തിനായി മരിയാപാലന ശിശുസംരക്ഷണ കേന്ദ്രത്തിലെത്തിയതെന്നും ഇവരെ മർദിച്ചുവെന്ന് പറയുന്നത് സ്ഥാപനത്തിലെ ജീവനക്കാരല്ലെന്നും ഇവരുടെ ഒപ്പമുള്ള അല്‍പം മുതിര്‍ന്ന കുട്ടികളാണെന്നും സ്ഥാപന അധികൃതർ അറിയിച്ചു.

സം​ഭ​വം പു​റ​ത്ത​റി​ഞ്ഞ​തോ​ടെ രാ​ഷ്​ട്രീ​യ​-സാ​മൂ​ഹി​ക പ്രവർത്തകരും സംഘടനകളും പ്രതിഷേധവുമായെത്തി. ബി.​ഡി. ദേ​വ​സി എം.​എ​ല്‍.​എ, ​േബ്ലാ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റ്​ കെ.​കെ. ഷീ​ജു, അ​തി​ര​പ്പി​ള്ളി പ​ഞ്ചാ​യ​ത്ത് പ്ര​സി​ഡ​ൻ​റ്​ ത​ങ്ക​മ്മ വ​ര്‍ഗീ​സ്, മേ​ലൂ​ര്‍ പ​ഞ്ചാ​യ​ത്ത് പ്ര​സി​ഡ​ൻ​റ്​ പി.​പി. ബാ​ബു, ചൈ​ല്‍ഡ് വെ​ല്‍ഫെ​യ​ര്‍ സ​മി​തി പ്ര​വ​ര്‍ത്ത​ക​ര്‍, കൊ​ര​ട്ടി എ​സ്.​ഐ തു​ട​ങ്ങി​യ​വ​ർ സ്ഥ​ല​ം സന്ദർശിച്ചു. എ.​ഐ.​വൈ.​എ​ഫ്, ഡി.​വൈ.​എ​ഫ്.​ഐ പ്ര​വ​ര്‍ത്ത​കർ സ്ഥാ​പ​ന​ത്തി​ന് മു​ന്നി​ല്‍ പ്ര​ക​ട​നം ന​ട​ത്തി.