സ്വത്ത്​ സ്വന്തമാക്കി മാതാപിതാക്കളെ ഉപേക്ഷിക്കുന്നത്​ വർധിക്കുന്നു

തിരുവനന്തപുരം: അച്ഛനമ്മമാരിൽ നിന്ന് സ്വത്തുക്കൾ എഴുതി വാങ്ങിയ ശേഷം വൃദ്ധസദനങ്ങളിൽ ഉപേക്ഷിക്കുന്നത് വർധിക്കുന്നുവെന്ന്​ നിയമസഭ സമിതിയുടെ കണ്ടെത്തൽ. ഇതിനെതിരെ പരാതി നൽകിയിട്ടും നടപടിയുണ്ടാകുന്നതും വൈകുന്നു. കാലതാമസം ഉണ്ടാകുന്നത് ഒഴിവാക്കാൻ നടപടി വേണമെന്ന് നിയമസഭ സമിതി നിർദേശിച്ചു. ബസുകളിൽ മുതിർന്നവർക്കുള്ള സീറ്റിൽ ഇരുന്ന്​ യാത്ര ചെയ്യുന്നവരുടെ പിഴ വർധിപ്പിക്കണമെന്നും ശിപാർശയുണ്ട്​.

പിഴ 100ൽ നിന്ന് 500 രൂപയാക്കി വർധിപ്പിക്കണമെന്നാണ്​ ശിപാർശ. അച്ഛനമ്മമാരെ പരിപാലിക്കാത്ത മക്കൾക്കെതിരെ ശിക്ഷാ നടപടികൾ സ്വീകരിക്കണമെന്നും സമിതി നിർദേശിച്ചു.