തെരഞ്ഞെടുപ്പിന്​ ശേഷം കോവിഡ്​ വ്യാപനം വന്നേക്കാമെന്ന്​ ചീഫ്​ സെക്രട്ടറിയുടെ മുന്നറിയിപ്പ്​

തിരുവനന്തപുരം: തെരഞ്ഞെടുപ്പിന്​ ശേഷം കോവിഡ്​ വ്യാപനമുണ്ടായേക്കാമെന്നും രോഗബാധ കൂടുന്ന ഇടങ്ങളിൽ കൂടുതൽ നിയന്ത്രണം വേണ്ടിവരുമെന്നും ചീഫ്​ സെക്രട്ടറി വി.പി. ജോയി. അടുത്ത ഒന്നരമാസത്തിനകം കേരളത്തിൽ ഒരു കോടി ആളുകൾക്ക് കോവിഡ് വാക്‌സിൻ നൽകണം.

45 വയസ്സ്​ പൂർത്തിയായ എല്ലാവരും വാക്‌സിൻ എടുക്കണം. കോവിഡ് പ്രതിരോധത്തിന് വാക്‌സിനേഷൻ പ്രധാനമാണ്. കേരളത്തിലെ സർക്കാർ ആരോഗ്യകേന്ദ്രങ്ങൾ മികച്ച നിലവാരം പുലർത്തുന്നവയാണെന്നും അദ്ദേഹം പറഞ്ഞു. കോവിഡ്​ വാക്​സിൻ സ്വീകരിച്ച ശേഷം മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

ഭാര്യ ഷീജ ജോയ്‌ക്കൊപ്പം രാവിലെ 9.30ന് തിരുവനന്തപുരം ഫോർട്ട് ആശുപത്രിയിലെത്തിയാണ് ചീഫ്​ സെക്രട്ടറി കോവാക്‌സിൻ എടുത്തത്​. 45 കഴിഞ്ഞവരുടെ വാക്​സിനേഷന്​ ആദ്യ ദിനത്തിൽ മികച്ച പ്രതികരണം ലഭിച്ചു. കുത്ത​ിെവ​പ്പ്​ എടുത്തവരുടെ എണ്ണം 35 ലക്ഷം കടന്നു.