മുഖ്യമന്ത്രി നാളെ പ്രധാനമന്ത്രിയെ കാണും

ന്യൂഡൽഹി: പ്രധാനമന്ത്രി നരേന്ദ്രമോദിയുമായി മുഖ്യമന്ത്രി പിണറായി വിജയൻ നാളെ കൂടിക്കാഴ്ച നടത്തും. രാവിലെ 10.30നാണ് കൂടിക്കാഴ്ച നടക്കുക. ബഫർസോൺ, വായ്പ പരിധി ഉയർത്തൽ, കെ-റെയിൽ എന്നിവയാണ് പ്രധാന ചർച്ച വിഷയങ്ങൾ.

ഈ വർഷം മാർച്ചിലാണ് ഇരുവരും അവസാനമായി കൂടിക്കാഴ്ച നടത്തിയത്. അന്നും സിൽവർ ലൈൻ ചർച്ച വിഷയമായിരുന്നു. കേന്ദ്രസർക്കാർ ഇത് സംബന്ധിച്ച് അനുകൂല നടപടിയെടുക്കുമെന്നാണ് പ്രതീക്ഷിക്കുന്നതെന്ന് മുഖ്യമന്ത്രി വാർത്ത സമ്മേളനത്തിൽ അന്ന് പറഞ്ഞിരുന്നു.