സ്വർണ കള്ളക്കടത്തുകേസ് മുഖ്യമന്ത്രി അട്ടിമറിക്കുന്നു- രമേശ് ചെന്നിത്തല

തിരുവനന്തപുരം: സ്വ​ർ​ണ ​ക​ള്ള​ക്ക​ട​ത്ത് കേ​സ് അ​ട്ടി​മ​റി​ക്കാ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ശ്ര​മി​ക്കു​ക​യാ​ണെ​ന്ന് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല. ധാര്‍മികതയെക്കുറിച്ച് പറയുന്ന മുഖ്യമന്ത്രി വിജിലൻസ് വകുപ്പ് ഒഴിയണമെന്നും അദ്ദേഹം ആവശ്യപ്പെട്ടു.

ശി​വ​ശ​ങ്ക​ര​ൻ ന​ട​ത്തി​യ അ​ഴി​മ​തി​ക​ളും ക്ര​മ​ക്കേ​ടു​ക​ളും കേ​ന്ദ്ര ഏ​ജ​ൻ​സി​ക​ൾ പു​റ​ത്ത് കൊ​ണ്ട് വ​രു​ന്ന​തി​ന് മു​ഖ്യ​മ​ന്ത്രി​ക്ക് പ​രി​ഭ്രാ​ന്തി എ​ന്തി​നാ​ണ്. എ​ല്ലാം സു​താ​ര്യ​മാ​ണെ​ങ്കി​ൽ പ​രി​ഭ്രാ​ന്തി​യു​ടെ ആ​വ​ശ്യമി​ല്ല. പാർട്ടി സെക്രട്ടറിയുടെ മകന്‍റെ മയക്കുമരുന്ന് കേസ് പുറത്ത് വരുന്നതിൽ മുഖ്യമന്ത്രി അസ്വസ്ഥനാവുകയാണ്. മോദിയെയും അമിത് ഷായെയും മുഖ്യമന്ത്രി എന്തിന് പേടിക്കണമെന്നും ചെന്നിത്തല ചോദിച്ചു.

അന്വേഷണ ഏജന്‍സികളെ കൊണ്ടുവന്നത് മുഖ്യമന്ത്രിയാണ്. എന്നിട്ടിപ്പോള്‍ അവരെ ഭീഷണിപ്പെടുത്തുന്നു. ഒന്നും മറക്കാനില്ലെങ്കിൽ അന്വേഷണത്തിന് വിട്ടുകൊടുക്കണം. അന്വേഷണ ഏജൻസികൾ ചോദിക്കുന്ന വസ്തുതകൾ നൽകാത്തതും കുറ്റകൃത്യമാണ്. ബി.ജെ.പിയുടെ ആനുകൂല്യങ്ങൾ ഏറ്റവുമധികം ലഭിച്ചത് പിണറായി വിജയനാണ്. ലാവലിൻ കേസിൽ മുഖ്യമന്ത്രി കേന്ദ്ര സർക്കാറുമായി ഒത്തുതീർപ്പുണ്ടാക്കിയെന്നും ചെന്നിത്തല ആരോപിച്ചു.

മു​ഖ്യ​മ​ന്ത്രി​യും സ​ർ​ക്കാ​രും കാ​ണി​ക്കു​ന്ന തോ​ന്ന്യവാ​സ​ങ്ങ​ൾ ആ​രും​ചോ​ദ്യം ചെ​യ്യാ​ൻ പാ​ടി​ല്ലെ​ന്ന നി​ല​പാ​ടാ​ണ് മു​ഖ്യ​മ​ന്ത്രി​യു​ടേ​തെന്ന് പ്രതിപക്ഷ നേതാവ് കുറ്റപ്പെടുത്തി. സി​.ബി​.ഐ അ​ന്വേ​ഷ​ണം അ​ട്ടി​മ​റി​ക്കാ​നാ​ണ് ഇ​ന്ന​ലെ വി​ജി​ല​ൻ​സ് കേ​സി​ൽ ശി​വ​ശ​ങ്ക​ര​നെ പ്ര​തി​യാ​ക്കി​യ​തെ​ന്നും ചെ​ന്നി​ത്ത​ല ആരോപിച്ചു.