സ്വർണക്കടത്തുകേസിൽ അന്വേഷണം അതി​െൻറ വഴിക്ക്​ നട​ക്ക​ട്ടേ -മുഖ്യമന്ത്രി

തിരുവനന്തപുരം: സ്വർണക്കടത്തുകേസി​​െൻറ അന്വേഷണം അതി​​െൻറ വഴിക്ക്​ നടക്ക​ട്ടേയെന്നും കുറ്റവാളികൾ പിടിയിലാക​ട്ടേയെന്നും മുഖ്യമന്ത്രി പിണറായി വിജയൻ. സരിത്തി​​െൻറ മൊഴിയിൽ മുൻ ഉപദേഷ്​ടാവ്​ ശിവശങ്കറിന്​ സ്വർണക്കടത്ത്​ അറിയാ​മായിരുന്നുവെന്ന്​ ഉണ്ടല്ലോയെന്ന മാധ്യമപ്രവർത്തകരുടെ ചോദ്യത്തിനാണ്​ മുഖ്യമന്ത്രിയുടെ പ്രതികരണം. 

പ്രൈസ്​ വാ​ട്ടേർസ്​ കൂപ്പേർസുമായി ബന്ധപ്പെട്ട്​ യാതൊന്നും അറിയിക്കാനില്ലെന്നും മുഖ്യമന്ത്രി കൂട്ടിച്ചേർത്തു. പി.ഡബ്ല്യൂ.സിയുടെ ഓഫിസ്​ സെക്രട്ടറി​​േയറ്റിൽ തുറക്കുന്നതുമായി ബന്ധപ്പെട്ട്​ ഏതെങ്കിലും ഒരു ഉദ്യോഗസ്​ഥ​ൻ കുറിപ്പ്​ എഴുതിയാൽ സർക്കാർ തീരുമാനമാകില്ല. അതിനുമേൽ നടപടികൾ വന്ന്​ അംഗീകാരമായാൽ മാത്രമേ തീരുമാനമാകൂ. പല നിർദേശങ്ങളും വന്നു. ഇത്​ അംഗീകരിച്ചാൽ മാത്രമേ തീരുമാനമാകുവെന്നും സർക്കാറി​​െൻറ തീരുമാനമാകൂവെന്നും മുഖ്യമന്ത്രി പറഞ്ഞു. 

സി.പി.എം സംസ്​ഥാന സെക്രട്ടേറി​യറ്റിൽ സർക്കാറിനെതിരെ വിമർശനമുണ്ടായിട്ടില്ല. സർക്കാറി​​െൻറ പ്രതിച്​ഛായ കുറഞ്ഞോ വർധിച്ചോ എന്നത്​ പിന്നീട്​ അറിയാൻ സാധിക്കും. സർക്കാറിനെതിരെയുള്ള പ്രചാരണം നേരത്തേ ഉന്നയിക്കണമെന്ന്​ തീരുമാനിച്ചിരുന്നതായും ചിലർ അതിനായി തെറ്റായ മാർഗങ്ങൾ സ്വീകരിച്ചതായും മുഖ്യമന്ത്രി പറഞ്ഞു. 

കഴിഞ്ഞ മുഖ്യമന്ത്രിയു​ടെ ഓഫിസ്​ പോലെയാണ്​ ഇന്നത്തെ മുഖ്യമന്ത്രിയുടെ ഓഫിസ്​ എന്ന പ്രചരണം പോലുമുണ്ടായി. ഇത്​ അറിഞ്ഞുകൊണ്ട്​ സർക്കാറി​​െൻറ പ്രതിച്​ഛായ സൃഷ്​ടിക്കാനുള്ള നീക്കമായിരുന്നു. സ്വർണക്കടത്തുകേസിൽ കൃത്യമായ അന്വേഷണം നടക്ക​ട്ടെ​െയന്നും ഉ​പ്പുതിന്നവർ വെള്ളം കുടിക്കുമെന്നും മുഖ്യമന്ത്രി കൂട്ടിച്ചേർത്തു.