വിദ്യാരംഭ ചടങ്ങുകൾക്ക്​ തുടക്കം; മുഖ്യമന്ത്രി ദേവനയെ ആദ്യാക്ഷരമെഴുതിച്ചു

തിരുവനന്തപുരം: സംസ്​ഥാനത്ത്​ കോവിഡ്​ മാനദണ്ഡങ്ങൾ പാലിച്ച്​ വിദ്യാരംഭം ആഘോഷിച്ചു. മുഖ്യമന്ത്രി പിണറായി വിജയൻ ഡ്രൈവറുടെ കൊച്ചുമകൾ ദേവനയെ ആദ്യാക്ഷരങ്ങൾ കുറിപ്പിച്ചു.

മാസ്​ക്​ ധരിച്ചാണ്​ എല്ലാവരും ചടങ്ങുകകളിൽ പ​​​െങ്കടുത്തത്​. ആഘോഷങ്ങളിൽ കോവിഡ്​ മാനദണ്ഡങ്ങൾ പാലിക്കണമെന്ന്​ കർശന നിർദേശമുണ്ടായിരുന്നു.

ആരോഗ്യമന്ത്രി കെ.കെ. ശൈലജ കൊച്ചുമകൾ ഇഫയ ജഹനാരയെ ആദ്യാക്ഷരം എഴുതിച്ചു.

കോവിഡ്​ വ്യാപനത്തെ തുടർന്ന്​ ആയിരക്കണക്കിന്​ കുരുന്നുകൾ സ്വന്തം വീടുകളി​ൽവെച്ചാണ്​ ആദ്യാക്ഷരം കുറിച്ചത്​. വീടുകളിൽ ചടങ്ങ്​ നടത്താൻ സംസ്​ഥാന സർക്കാർ നിർദേശം നൽകുകയും ചെയ്​തിരുന്നു. മിക്ക ക്ഷേത്രങ്ങളിലും സാംസ്​കാരിക സ്​ഥാപനങ്ങളിലും വിദ്യാരംഭ ചടങ്ങുകൾ ഉണ്ടായിരുന്നില്ല.