കിഫ്​ബി നാടിന്​ ദോഷം ചെയ്തിട്ടില്ലെന്ന്​ മുഖ്യമന്ത്രി

കൊ​ച്ചി: കി​ഫ്​​ബി പ​ദ്ധ​തി​ക​ൾ നാ​ടി​ന്​ ദോ​ഷം ചെ​യ്തി​ട്ടി​ല്ലെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. വി​ക​സ​നം വേ​ണ​മെ​ങ്കി​ൽ പ​ണം വേ​ണം. പ​ണം വ​ന്ന​ശേ​ഷം കാ​ര്യ​ങ്ങ​ൾ ചെ​യ്യാം എ​ന്ന​ത്​ ന​ട​ക്കി​ല്ല. 65,000 കോ​ടി രൂ​പ​യു​ടെ പ​ശ്ചാ​ത്ത​ല സൗ​ക​ര്യ വി​ക​സ​ന​മാ​ണ്​ കേ​ര​ള​ത്തി​ൽ ന​ട​പ്പാ​ക്കി​യ​ത്. ഇ​തി​നെ​ല്ലാം പ​ണം ക​ണ്ടെ​ത്തി​യ​ത്​ കി​ഫ്​​ബി വ​ഴി​യാ​ണ്.

കി​ഫ്​​ബി എ​ടു​ത്ത വാ​യ്പ​ക​ൾ സം​സ്ഥാ​ന സ​ർ​ക്കാ​റി​ന്‍റെ വാ​യ്പ​യാ​യി ക​ണ​ക്കാ​ക്കി ക​ട​മെ​ടു​പ്പ്​ പ​രി​ധി വെ​ട്ടി​ക്കു​റ​ച്ച കേ​ന്ദ്ര സ​ർ​ക്കാ​ർ ന​ട​പ​ടി ശ​രി​യ​ല്ല. ത​ങ്ങ​ൾ​ക്കാ​കാം നി​ങ്ങ​ൾ​ക്ക്​ പാ​ടി​ല്ല എ​ന്ന നി​ല​പാ​ട്​ ന്യാ​യീ​ക​രി​ക്കാ​നാ​വി​ല്ല -എ​ൻ.​ജി.​ഒ യൂ​നി​യ​ൻ വ​ജ്ര​ജൂ​ബി​ലി സ​മ്മേ​ള​ന​ത്തി​ൽ മു​ഖ്യ​മ​ന്ത്രി പ​റ​ഞ്ഞു. കേ​ന്ദ്ര സ​ർ​ക്കാ​റി​ന്‍റെ മൊ​ത്തം വ​രു​മാ​ന​ത്തി​ന്‍റെ 43.65 ശ​ത​മാ​നം ക​ട​മാ​ണ്, കേ​ര​ള സ​ർ​ക്കാ​റി​ന്‍റേ​ത്​ 20-25 ശ​ത​മാ​ന​മേ വ​രൂ. ധ​ന​ക്ക​മ്മി കേ​ര​ള​ത്തി​ന്‍റേ​ത്​ മൂ​ന്നു​ശ​ത​മാ​ന​മാ​ണെ​ങ്കി​ൽ കേ​ന്ദ്ര​ത്തി​ന്‍റേ​ത്​ 6.4 ശ​ത​മാ​ന​മാ​ണ്. ക​ടം പെ​രു​കു​ന്ന​ത്​ ത​ട​യാ​ൻ ക്ഷേ​മ പ​​ദ്ധ​തി​ക​ൾ നി​ർ​ത്ത​ണ​മെ​ന്നാ​ണ്​ കേ​ന്ദ്രം നി​ർ​ദേ​ശി​ക്കു​ന്ന​ത്. അ​തി​ന്​ മ​ന​സ്സി​ല്ല എ​ന്നു മാ​ത്ര​മേ പ​റ​യാ​നു​ള്ളൂ.

സം​സ്ഥാ​ന​ത്തി​ന് അ​ര്‍ഹ​മാ​യ വി​ഹി​ത​ങ്ങ​ള്‍ നി​ഷേ​ധി​ക്കു​ക​യാ​ണ്. ന​ട​പ്പു​വ​ര്‍ഷം 24,000 കോ​ടി​യു​ടെ വ​രു​മാ​ന ന​ഷ്ട​മാ​ണ് ഉ​ണ്ടാ​കു​ന്ന​ത്. സാ​മ്പ​ത്തി​ക ഫെ​ഡ​റ​ല്‍ മൂ​ല്യ​ങ്ങ​ള്‍ പാ​ലി​ക്കാ​തെ നി​ഷേ​ധ നി​ല​പാ​ടു​ക​ള്‍ തു​ട​ര്‍ന്നാ​ലും ജ​ന​ങ്ങ​ള്‍ക്ക് ആ​ശ്വാ​സ​മാ​കു​ന്ന ബ​ദ​ല്‍ ന​യ​ങ്ങ​ള്‍ ന​ട​പ്പാ​ക്കു​മെ​ന്ന്​ മു​ഖ്യ​മ​​ന്ത്രി പ​റ​ഞ്ഞു.