സുധാകരനുമായുള്ള പോര്​ അവസാനിപ്പിച്ച്​ മുഖ്യമ​ന്ത്രി

തിരുവനന്തപുരം: വിദ്യാർഥി കാലത്തെ രാഷ്​ട്രീയ പ്രവർത്തനം, കണ്ണൂരിലെ രാഷ്​ട്രീയ കൊലപാതകങ്ങൾ എന്നിവയുമായി ബന്ധ​െപ്പടുത്തി കെ.പി.സി.സി പ്രസിഡൻറ്​ കെ. സുധാകരൻ തനിക്കെതിരെ നടത്തിയ പരാമർശങ്ങൾ അദ്ദേഹംതന്നെ തള്ളിപ്പറഞ്ഞതിനാൽ ആ വിഷയത്തിൽ ഇനി പ്രതികരിക്കേണ്ട കാര്യമില്ലെന്ന്​ മുഖ്യമന്ത്രി പിണറായി വിജയൻ. പാർട്ടി ​െസക്രട്ടറിയായി പ്രവർത്തിക്കു​േമ്പാൾ ഉയർത്തുന്ന വിമർശനവും തെരഞ്ഞെടുപ്പിൽ വിജയിച്ച്​ മുഖ്യമന്ത്രിയായി തുടരു​േമ്പാൾ നടത്തുന്ന വിമർശനവും തമ്മിൽ വ്യത്യാസമുണ്ടെന്നും, വ്യക്തിപരമായ വിമർശനം തുടരുമെന്ന കെ. സുധാകര​െൻറ പ്രസ്​താവയോട്​ വാർത്തസമ്മേളനത്തിൽ അദ്ദേഹം പ്രതികരിച്ചു. മാധ്യമപ്രവർത്തകർ ആവർത്തിച്ച്​ ചോദിച്ചിട്ടും സുധാകര​െൻറ വിമർശനങ്ങൾക്ക്​ മറുവാദം പറയാൻ മുഖ്യമന്ത്രി തയാറായില്ല.

കെ. സുധാകര​െൻറ പ്രസ്​താവനയോട്​ താൻ പ്രതികരിക്കാനിടയായ സാഹചര്യം എല്ലാവർക്കുമറിയാം. ഇതുസംബന്ധിച്ച്​​ ഒരു മാധ്യമത്തിൽ വന്ന അഭിമുഖത്തിൽ താൻ പറയാത്ത കാര്യങ്ങളാണ്​ വന്നതെന്ന്​ സുധാകരൻ വിശദീകരിച്ചു​. അപ്പോൾ അദ്ദേഹം പറയാത്ത, അദ്ദേഹം തള്ളിക്കളഞ്ഞ ഒരു കാര്യത്തെക്കുറിച്ച്​ വീണ്ടും എന്തെങ്കിലും പറയാൻ താൻ ഉദ്ദേശിക്കുന്നില്ല. താൻ ഒരുഘട്ടത്തിലും വിമർശനം കേൾക്കാതിരുന്നിട്ടില്ല. എ​െന്തല്ലാം വിമർശനങ്ങൾ വന്നിട്ടുണ്ട്​. അതൊന്നും തന്നെ ബാധിക്കിെല്ലന്നുമായിരുന്നു വിവാദം തുടരുമെന്ന സുധാകര​െൻറ പ്രസ്​താവനയോടുള്ള പ്രതികരണം.