Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'കുത്തകാവകാശം നൽകാൻ...

'കുത്തകാവകാശം നൽകാൻ നീക്കം'; വിമാനത്താവളം അദാനി ഗ്രൂപ്പിന് നൽകിയതിനെതിരെ മുഖ്യമന്ത്രി

text_fields
bookmark_border
കുത്തകാവകാശം നൽകാൻ നീക്കം; വിമാനത്താവളം അദാനി ഗ്രൂപ്പിന് നൽകിയതിനെതിരെ മുഖ്യമന്ത്രി
cancel

തിരുവനന്തപുരം: അദാനി ഗ്രൂപ്പിന് തിരുവനന്തപുരം വിമാനത്താവള നടത്തിപ്പ് കൈമാറിയ കേന്ദ്ര സർക്കാർ നടപടിക്കെതിരെ മുഖ്യമന്ത്രി പിണറായി വിജയൻ. വിമാനത്താവള നടത്തിപ്പിൽ പരിചയമില്ലാത്ത അദാനി ഗ്രൂപ്പിന് ഈ മേഖലയിൽ കുത്തകാവകാശം നൽകാനാണ് കേന്ദ്ര സർക്കാർ നീക്കമെന്ന് മുഖ്യമന്ത്രി നിയമസഭയിൽ വിമർശിച്ചു.

ഈ നടപടിയെ ചോദ്യം ചെയ്തുകൊണ്ട് സുപ്രീംകോടതിയിൽ സംസ്ഥാന സർക്കാറിൻെറ ഹരജിയുണ്ട്. പക്ഷേ അതൊന്നും പരിഗണിക്കാതെ തന്നെ അദാനിക്ക് കൈമാറാനുള്ള നീക്കങ്ങൾ നടന്നു എന്നാണ് വാർത്തകളിൽ കാണുന്നത്. അതിനോട് സർക്കാറിന് യോജിപ്പില്ലെന്ന് നേരത്തെ വ്യക്തമാക്കിയിട്ടുണ്ട്. ഈ നിലപാടിൽനിന്ന് കേന്ദ്രത്തെ പിന്തിരിപ്പിക്കുന്നതിന് സാധിക്കുന്നതെല്ലാം ചെയ്യും -മുഖ്യമന്ത്രി സഭയിൽ പറഞ്ഞു.

തിരുവനന്തപുരം അന്താരാഷ്ട്ര വിമാനത്താവളത്തിന്‍റെ നടത്തിപ്പ്​ ചുമതല 50 വർഷത്തേക്ക്​ ​അദാനി ഗ്രൂപ്പ്​ ലിമിറ്റഡിന്​ കൈമാറി ഇന്നലെ കരാർ ഒപ്പുവെച്ചിരുന്നു. എയർപോർട്ട്​ അതോറിറ്റി ഓഫ്​ ഇന്ത്യയാണ് ഇക്കാര്യം അറിയിച്ചത്. തിരുവനന്തപുരം വിമാനത്താവളത്തിന്​ പുറമെ ജയ്​പൂർ, ഗുവാഹത്തി വിമാനത്താവളങ്ങളും അദാനി ഗ്രൂപ്പിന്​ കൈമാറി​. വിമാനത്താവളം സ്വകാര്യ ഗ്രൂപ്പിന്​ കൈമാറിയതോടെ നടത്തിപ്പ്​ ചുമതല, വികസനം, പ്രവർത്തനം തുടങ്ങിയവ കമ്പനിയുടെ നേതൃത്വത്തിലാകും.

Show Full Article
TAGS:Adani Group Pinarayi Vijayan Trivandrum International Airport 
Next Story