140 മണ്ഡലങ്ങളിലെയും ഇരട്ട വോട്ടുകൾ പരിശോധിക്കാൻ കലക്ടർമാർക്ക് നിർദേശം

തിരുവനന്തപുരം: സംസ്ഥാനത്തെ 140 നിയോജക മണ്ഡലങ്ങളിലെയും ഇരട്ട വോട്ടുകൾ പരിശോധിക്കാൻ മുഖ്യ തെരഞ്ഞെടുപ്പ് ഒാഫീസറുടെ നിർദേശം. മുഖ്യ തെരഞ്ഞെടുപ്പ് ഒാഫീസർ ടീക്കാറാം മീണയാണ് ഇതുസംബന്ധിച്ച നിർദേശം ജില്ല വരണാധികാരികളായ കലക്ടർമാർക്ക് നൽകിയത്.

ഇരട്ട വോട്ട് സംബന്ധിച്ച മുഴുവൻ പരാതികളും ഒരുമിച്ച് പരിശോധിക്കാനാണ് നിർദേശം. പ്രത്യേക ഉദ്യോഗസ്ഥരെ നിയോഗിച്ച് 140 മണ്ഡലങ്ങളിലും ഇരട്ടവോട്ട് ഉണ്ടോ എന്ന് പരിശോധിക്കണം. വ്യാഴാഴ്ചക്കുള്ളിൽ പ്രത്യേക സോഫ്റ്റവെയർ ഉപയോഗിച്ചുള്ള പരിശോധന പൂർത്തിയാക്കണം.

ശേഷം ഇരട്ട വോട്ടർമാരുടെ പ്രത്യേക പട്ടിക തയാറാക്കണം. ഈ പട്ടിക ഇരട്ട വോട്ടർമാരെ ശ്രദ്ധിക്കാനായി രാഷ്ട്രീയ പാർട്ടികൾക്ക് കൈമാറണം. കൂടാതെ, ഇരട്ട വോട്ടുള്ളവരെ ബി.എൽ.ഒമാർ നേരിട്ടുകാണുകയും വിവരം അറിയിക്കുകയും വേണം. ഈ മാസം തന്നെ പുതിയ പട്ടിക വരാണാധികാരികൾക്ക് കൈമാറണംമെന്നും മുഖ്യ തെരഞ്ഞെടുപ്പ് ഒാഫീസർ നിർദേശിക്കുന്നു.

ഇരട്ട വോട്ട് കണ്ടെത്തേണ്ടത് പോളിങ് ഒാഫീസറുടെ ഉത്തരവാദിത്തമാണ്. ആൾമാറാട്ടം കണ്ടെത്തിയാൽ ഉദ്യോഗസ്ഥർക്കെതിരെ നടപടി സ്വീകരിക്കുമെന്നും മുഖ്യ തെരഞ്ഞെടുപ്പ് ഒാഫീസർ വ്യക്തമാക്കുന്നു.

ഇരട്ടവോട്ടുള്ളവരുടെ കൈയിൽ പുരട്ടിയ മഷി പൂർണമായും ഉണങ്ങുംവരെ പോളിങ് ബൂത്തിലുണ്ടാവണം. മഷി മായ്ച്ച് രണ്ടാമതും വോട്ട് ചെയ്യുന്നത് തടയാൻ വേണ്ടിയാണ് പുതിയ നടപടിയെന്നും കലക്ടർമാർക്ക് അയച്ച കത്തിൽ മുഖ്യ തെരഞ്ഞെടുപ്പ് ഒാഫീസർ വിവരിക്കുന്നു.

സം​സ്ഥാ​ന​ത്തെ വി​വി​ധ നി​യ​മ​സ​ഭ മ​ണ്ഡ​ല​ങ്ങ​ളി​ലെ വോ​ട്ട​ർ​പ​ട്ടി​ക​യി​ൽ വ്യാ​പ​ക​മാ​യി ഇ​ര​ട്ട​വോ​ട്ടു​ണ്ടെ​ന്ന പ്ര​തി​പ​ക്ഷ ​നേ​താ​വ് ര​മേ​ശ് ചെ​ന്നി​ത്ത​ല​യു​ടെ പ​രാ​തി മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ര്‍ ടി​ക്കാ​റാം മീ​ണ ശ​രി​വെ​ച്ചിരുന്നു. ഏ​ഴ്​ ജി​ല്ല​ക​ളി​ല്‍ ഇ​ര​ട്ട വോ​ട്ട് ക​ണ്ടെ​ത്തി​യ​താ​യി ക​ല​ക്ട​ര്‍മാ​ര്‍ പ്രാ​ഥ​മി​ക റി​പ്പോ​ര്‍ട്ടും ന​ല്‍കിയിട്ടുണ്ട്.

വൈ​ക്കം നി​യോ​ജ​ക മ​ണ്ഡ​ല​ത്തി​ല്‍ 1606 ഇ​ര​ട്ട വോ​ട്ടു​ക​ൾ ഉ​ണ്ടെ​ന്ന പ​രാ​തി​യി​ൽ 540 എ​ണ്ണ​വും ഇ​ടു​ക്കി​യി​ല്‍ 1168 എ​ണ്ണ​മു​ണ്ടെ​ന്ന​തി​ൽ 434ഉം ​ശ​രി​യാ​ണെ​ന്ന്​ പ്രാഥമിക അന്വേഷണത്തിൽ ക​ണ്ടെ​ത്തി​യി​ട്ടു​ണ്ട്. ചാ​ല​ക്കു​ടി​യി​ല്‍ 570, പാ​ല​ക്കാ​ട് 800 കാ​സ​ർ​കോ​ട്​ 640 എ​ണ്ണം വീ​ത​വും ത​വ​നൂ​രി​ല്‍ 4395 എ​ണ്ണ​ത്തി​ൽ 70 ശ​ത​മാ​ന​വും കോ​ഴി​ക്കോ​ട് 3767ൽ 50 ​ശ​ത​മാ​ന​വും ഇ​ര​ട്ട വോ​ട്ടു​ക​ളാ​ണെ​ന്ന്​ ക​ണ്ടെ​ത്തി​യി​ട്ടു​ണ്ടെന്ന് ടി​ക്കാ​റാം മീ​ണ അറിയിച്ചത്.

​ഉ​ദു​മ മ​ണ്ഡ​ല​ത്തി​ല്‍ കു​മാ​രി എ​ന്ന വോ​ട്ട​ര്‍ക്ക് അ​ഞ്ച് തി​രി​ച്ച​റി​യ​ല്‍ കാ​ര്‍ഡ് ന​ൽ​കി​യെ​ന്ന്​ ക​ണ്ടെ​ത്തി​യ​തി​നെ തു​ട​ര്‍ന്ന് ഉ​ദു​മ അ​സി​സ്​​റ്റ​ൻ​റ്​ ഇ​ല​ക്​​ട​റ​ൽ ര​ജി​സ്​​ട്രേ​ഷ​ൻ ഒാ​ഫി​സ​റാ​യ ​െഡ​പ്യൂ​ട്ടി ത​ഹ​സി​ല്‍ദാ​രെ സ​സ്​​പെ​ന്‍ഡ് ചെ​യ്തിരുന്നു. ബൂ​ത്ത്​ ലെ​വ​ൽ ഒാ​ഫി​സ​റു​ടെ പ​രി​േ​ശാ​ധ​ന ഇ​ല്ലാ​തെ​യാ​ണ്​ പു​തി​യ കാ​ർ​ഡു​ക​ൾ അ​നു​വ​ദി​ച്ച​ത്. കു​മാ​രി​യു​ടെ പേ​രി​ൽ ന​ൽ​കി​യ അ​ധി​ക നാ​ല്​ കാ​ർ​ഡു​ക​ളും ന​ശി​പ്പി​ച്ചു. ​