ചെറുവള്ളിക്ക്​ ചിറകുമുളക്കുന്നു

കോട്ടയം: ശബരിമല വിമാനത്താവളത്തിനായി ഭൂമി ഏറ്റെടുക്കാൻ സർക്കാർ അനുമതിയായതോടെ ചിറകുവിരിക്കാനൊരുങ്ങി ചെറുവള്ളി​. എരുമേലിയിൽനിന്ന്​ നാലുകിലോമീറ്റർ അകലെ, കൈതയും റബറും നിറഞ്ഞ ​െചറുവള്ളി എസ്​റ്റേറ്റിലാണ്​ നിർദിഷ്​ട വിമാനത്താവളം. ഇതിനായി എസ്​റ്റേറ്റിലെ 2263.18 ഏക്കർ എറ്റെടുക്കാൻ​ റവന്യൂ വകുപ്പ്​ ഉത്തരവിട്ടതോടെ മധ്യകേരളത്തിനും പ്രതീക്ഷയുടെ ചിറകുവിടരുകയാണ്​. 

നേര​േത്ത വിമാനത്താവള പദ്ധതിക്കായി വി. തുളസീദാസിനെ സ്പെഷൽ ഓഫിസറായി നിയമിച്ചിരുന്നെങ്കിലും സ്ഥലമേറ്റെടുക്കൽ കടമ്പ തീർക്കുകയായിരുന്നു. സ്ഥലം ഏറ്റെടുക്കാതെ  തുടർനടപടിയിലേക്ക്​ കടക്കാൻ കഴിയില്ലെന്ന്​ കാട്ടി സാധ്യതാപഠനം നടത്തിയ ലൂയി ബഗ്​ർ കമ്പനി സർക്കാറിന്​ കത്തും നൽകി. ഇതി​െനാടുവിലാണ്​ സ്ഥലമേറ്റെടുക്കലിനു സർക്കാർ ഭരണാനുമതി നൽകിയിരിക്കുന്നത്​. എസ്​റ്റേറ്റി​​െൻറ ഉടമസ്ഥതയെച്ചൊല്ലി ബിലീവേഴ്സ് ചർച്ചും സർക്കാറും തമ്മിൽ നിയമപോരാട്ടം നടക്കുന്നതിനാൽ ഭൂമിയുടെ തുക പാലാ സബ്​ കോടതിയിൽ കെട്ടിവെച്ചാകും ഏറ്റെടുക്കൽ.

ഭൂമി ഏറ്റെടുക്കാനുള്ള വിജ്ഞാപനം പുറപ്പെടുവിക്കുന്നതോടെ തുടർനടപടിക്ക്​ വേഗം​വെക്കും. ആറുമാസത്തിനുള്ളിൽ പരിസ്ഥിതി ആഘാതപഠനമടക്കം പൂർത്തിയാക്കി ​അനുമതിക്കായി കേന്ദ്രത്തെ സമീപിക്കാനാണ്​ സർക്കാർ ഒരുങ്ങുന്നത്​. ഈ വർഷംതന്നെ​ നിർമാണം ആരംഭിക്കുകയാണ്​ ലക്ഷ്യം. നിർമാണത്തിനു​​ തുടക്കമിട്ട്​ അഞ്ചുവർഷത്തിനുള്ളിൽ പദ്ധതി യാഥാർഥ്യത്തിലെത്തിക്കാൻ  കഴിയുമെന്നാണ്​ കണക്കുകൂട്ടൽ.

നിർദിഷ്​ട വിമാനത്താവളത്തിൽനിന്ന്​ ശബരിമലയിലേക്ക് 48 കിലോമീറ്ററാണ്​ ദൂരം. ഇത്​ വരുന്നത്​ ഭക്തർക്ക്​ ഏ​െറ ഗുണം ചെയ്യും. ശബരിമലയെ തകർക്കാൻ സർക്കാർ ശ്രമിക്കുന്നുവെന്ന ബി.ജെ.പി ആരോപണങ്ങ​െള വിമാനത്താവള പദ്ധതി ഉയർത്തി സർക്കാർ പ്രതിരോധിക്കാൻ ശ്രമിച്ചിരുന്നു. നേര​േത്ത സാധ്യതാപഠനം നടത്തിയ ലൂയി ബഗ്​ർ കമ്പനി അനുകൂല റിപ്പോർട്ടാണ്​ നൽകിയത്​. ഭൂമിയുടെ ഘടന വിമാനത്താവളത്തിന് ​അനുയോജ്യമാണെന്നും ലാഭകരമാകുമെന്നും പഠനത്തിൽ ക​െണ്ടത്തിയിരുന്നു. ശബരിമല തീര്‍ഥാടകര്‍ക്കായി വിമാനത്താവളം നിർമിക്കാൻ  2017ലാണ് സര്‍ക്കാര്‍ തീരുമാനിച്ചത്.

ചെറുവള്ളി എസ്​റ്റേറ്റി​​െൻറ ഉടമസ്ഥത സഭക്ക്​ സ്വന്തം –ബിലീവേഴ്‌സ് ചർച്
കോട്ടയം: ചെറുവള്ളി എസ്​റ്റേറ്റി​​െൻറ ഉടമസ്ഥാവകാശം ബിലീവേഴ്‌സ് ചർച്ചിനാണെന്ന്​ സഭ വക്താവ്​ ഫാ. സിജോ പന്തപ്പള്ളിൽ. ഇക്കാര്യം ഹൈകോടതിയും സുപ്രീംകോടതിയും ശരി​െവച്ചിട്ടുണ്ട്​. സഭ വിമാനത്താവളത്തിന് എതിരല്ല, വിമാനത്താവളം വരുന്നതിനെ സ്വാഗതം ചെയ്യുന്നു. ഭൂമിയുടെ ഉടമസ്ഥാവകാശം അംഗീകരിച്ചുള്ള ഏത് ചർച്ചക്കും സഭ തയാറാണ്. ഇത്​ തള്ളിയുള്ള നടപടികൾ സ്വീകാര്യമല്ല. എസ്​​േറ്ററ്റ് ഏറ്റെടുക്കുന്നതുമായി ബന്ധപ്പെട്ട്​ സർക്കാർ പുറപ്പെടുവിച്ച ഉത്തരവ് സഭയുടെ  അടിയന്തര എപ്പിസ്കോപ്പൽ കൗൺസിൽ ചർച്ചചെയ്യുമെന്നും അദ്ദേഹം പറഞ്ഞു.

എസ്​റ്റേറ്റിൽ നാല്​ ആരാധനാലയങ്ങളും
കോട്ടയം: നിർദിഷ്​ട ശബരിമല വിമാനത്താവളത്തിന്​ ഏറ്റെടുക്കുന്ന ചെറുവള്ളി എസ്​റ്റേറ്റ്​ 916.26 ഹെക്ടറാണ്​ (2263.18 ഏക്കർ). നാല്​ സർവേ നമ്പറുകളിലാണ്​ ഭൂമി. ഇതിൽ മൂന്ന്​ സർവേ നമ്പറുകളിൽ ഉൾപ്പെട്ട ഭൂമി എരുമേലി തെക്ക് വില്ലേജിലും ഒന്ന്​ മണിമലയിലുമാണ്​. ​േനരത്തേ ഇതിൽ 1.83 ഹെക്ടർ സ്ഥലം എരുമേലി-ചേനപ്പാടി റോഡിന്​ ഏറ്റെടുത്തിരുന്നു. ബാക്കി  914.43 ഹെക്ടർ ഗോസ്പൽ ഫോർ ഏഷ്യ (ബിലീവേഴ്സ് ചർച്) കൈവശമാണ്​. റബറാണ്​ പ്രധാന കൃഷി. 

എസ്​റ്റേറ്റ് ഓഫിസുകൾ, ലയങ്ങൾ, വിവിധ മതങ്ങളുടെ ആരാധനാലയങ്ങൾ എന്നിവ ഇവിടെയുണ്ട്. നാല് ആരാധനാലയങ്ങളാണുള്ള​​​െതന്നും റവന്യൂ വകുപ്പി​​െൻറ രേഖകളിൽ പറഞ്ഞു. തനത്​ നാടൻ ഇനമായ ചെറുവള്ളി പശുക്കൾ എസ്​റ്റേറ്റിലെ കൗതുകക്കാഴ്​ചയാണ്​​. 

പാലാ സബ് കോടതിയിലെ
കേസ് തുടരും
രാജമാണിക്യം കമീഷൻ സർക്കാറിന് റിപ്പോർട്ട് നൽകിയതോടെയാണ് 
അവകാശത്തർക്കവുമായി ബിലീവേഴ്സ് ചർച്ച് കോടതിയെ സമീപിച്ചത് 

കോട്ടയം: ചെറുവള്ളി എസ്​റ്റേറ്റി​​െൻറ ഉടമസ്ഥത തർക്കം സംബന്ധിച്ച് സർക്കാറും ബിലീവേഴ്സ് ചർച്ചും കക്ഷികളായുള്ള പാലാ സബ് കോടതിയിലെ കേസ് തുടരും. 
ഹാരിസൺ മലയാളം പ്ലാ​േൻറഷൻ തോട്ടകൃഷിക്കായി സർക്കാറിൽനിന്ന്​ പാട്ടത്തിനെടുത്ത ഭൂമിയാണ് 2005ൽ ബിലീവേഴ്സ് ചർച്ചി​​െൻറ കൈവശത്തിലെത്തിയത്. ഈ ഭൂമി കൈമാറാൻ അവകാശമില്ലെന്നും അന്തിമമായി സർക്കാറിൽ നിക്ഷിപ്തമാണെന്നും രാജമാണിക്യം കമീഷൻ സർക്കാറിന് റിപ്പോർട്ട് നൽകിയതോടെയാണ് അവകാശത്തർക്കവുമായി ബിലീവേഴ്സ് ചർച്ച് കോടതിയെ സമീപിച്ചത്. 
ഈ കേസ് സിവിൽ കോടതിക്ക് തീരുമാനിക്കാമെന്ന് ഹൈകോടതി ഉത്തരവിട്ടതോടെയാണ് പാലാ സബ്കോടതിയിൽ കേസെത്തിയത്. കേസ് തീർപ്പാകാത്തതിനാൽ 2013ലെ കേന്ദ്ര ഭൂമി ഏറ്റെടുക്കൽ നിയമം അനുസരിച്ച് കോടതിയിൽ നിശ്ചിത പണം (ടോക്കൺ) കെട്ടിവെച്ച ശേഷം സർക്കാർ ഉത്തരവുപ്രകാരം ഈ ഭൂമി ഏറ്റെടുക്കൽ നടപടി തുടരാൻ കഴിയും. റവന്യൂവകുപ്പ് സർവേപ്രകാരം നിശ്ചയിക്കപ്പെട്ട പൊന്നുംവില തുക കോടതി കേസ് തീർപ്പാക്കുമ്പോൾ നിശ്ചയിക്കുന്ന ഉടമക്ക് നൽകിയാൽ മതിയെന്നാണ് നിയമജ്ഞർ പറയുന്നത്.