ചെർപ്പുളശ്ശേരി പീഡനം: മൊഴിയിൽ പൊരുത്തക്കേടുണ്ടെന്ന് പൊലീസ് നിഗമനം

പാലക്കാട്​: ചെർപ്പുളശ്ശേരി സി.പി.എം ഏരിയ കമ്മിറ്റി ഒാഫിസിൽ ​െവച്ച്​ പീഡിപ്പിച്ചുവെന്ന യുവതിയുടെ മൊഴിയിൽ പെ ാരുത്തക്കേടെന്ന്​ പൊലീസ്​ നിഗമനം. ഇതേത്തുടർന്ന്​ രഹസ്യമൊഴി രേഖപ്പെടുത്തണമെന്ന പൊലീസ്​ അപേക്ഷയിൽ ആശുപത്ര ിയിലെത്തി മജിസ്​ട്രേറ്റ്​ യുവതിയുടെ മൊഴി രേഖപ്പെടുത്തി. എന്നാൽ, പൊലീസിന്​ നൽകിയ മൊഴി യുവതി മജിസ്​ട്രേറ്റിന്​ മുന്നിലും ആവർത്തിച്ചതായാണ്​ വിവരം.

ഇതേത്തുടർന്ന് ​നിരീക്ഷണത്തിലുള്ള യുവാവിനെ വിശദമായി ​ചോദ്യം ​െചയ്യാനാണ്​ തീരുമാനം. ഡി.എൻ.എ പരിശോധന അടക്കമുള്ള നടപടികൾ വേണ്ടിവരുമെന്നും വ്യക്തമായിട്ടുണ്ട്​. കോളജ്​ മാഗസിൻ പ്രവർത്തനവുമായി ബന്ധപ്പെട്ട്​ പാർട്ടി ഒാഫിസിൽ എത്തിയ സമയത്ത്​ പീഡിപ്പിക്കപ്പെ​െട്ടന്നാണ് യുവതി​​ മൊഴി നൽകിയത്​. മാഗസിൻ പുറത്തിറങ്ങിയ സമയവും മൊഴിയിൽ പറയുന്ന സമയവുമടക്കം പൊരുത്തക്കേടുകൾ ശ്രദ്ധയിൽപെട്ടതോടെയാണ്​ പൊലീസ്​ നടപടി.

മാർച്ച്​ 16ന് ഉച്ചക്കാണ് യുവതിയുടെ വീടിന്​ സമീപം ചോരക്കുഞ്ഞിനെ ഉപേക്ഷിച്ച നിലയിൽ കണ്ടെത്തിയത്. ഉറുമ്പരിച്ചനിലയിൽ കിടന്ന കുട്ടിയുടെ കരച്ചിൽ കേട്ടാണ് സമീപവാസികൾ സംഭവമറിഞ്ഞത്. ഉടൻ വീട്ടുകാരും നാട്ടുകാരും ചേർന്ന് സ്വകാര്യ ആശുപത്രിയിലെത്തിച്ച് കുഞ്ഞിനെ രക്ഷപ്പെടുത്തി.

ബിരുദപഠനത്തിന്​ ശേഷം കോയമ്പത്തൂരിലെ സ്വകാര്യ കോളജിൽ ഫാഷൻസ് ഡിസൈനിങ്​ കോഴ്​സിൽ യുവതി ​ചേർന്നിരുന്നു. ഗർഭിണിയായിരിക്കെയാണ്​ ഇവിടെ ചേർന്നതെന്നാണ്​ ​വ്യക്തമാകുന്നത്​. യുവതിയുടെ വീട്ടിൽ താൻ സന്ദർശിച്ചിരുന്നുവെന്ന്​ പ്രതിയായ യുവാവ്​ പൊലീസിനോട്​ പറഞ്ഞിട്ടുണ്ട്​.