Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightയു.ഡി.എഫ് വൻവിജയം...

യു.ഡി.എഫ് വൻവിജയം നേടുമെന്ന് ചെന്നിത്തല; തുടർഭരണമെന്ന് എ. വിജയരാഘവൻ

text_fields
bookmark_border
ramesh chennithala-a vijayaraghavan
cancel

തിരുവനന്തപുരം: നിയമസഭ തെരഞ്ഞെടുപ്പ് ഫലം സംബന്ധിച്ച എക്സിറ്റ് പോളിൽ വിശ്വാസമില്ലെന്ന് പ്രതിപക്ഷ നേതാവ് രമേശ് ചെന്നിത്തല. സർവേകൾ ജനവികാരത്തിന്‍റെ യഥാർഥ പ്രതിഫലനമല്ല. യു.ഡി.എഫ് വൻ വിജയം നേടും. ലോക്സഭ തെരഞ്ഞെടുപ്പിലും എക്സിറ്റ് പോൾ എതിരായിരുന്നു. ഫലം വന്നപ്പോൾ യു.ഡി.എഫിന് വൻ നേട്ടമുണ്ടായെന്നും ചെന്നിത്തല ചൂണ്ടിക്കാട്ടി.

ഭരണത്തുടർച്ച കേരളം ആഗ്രഹിക്കുന്നില്ല. ജനങ്ങളുടെ വികാരം സർവേകൾ പ്രതിഫലിപ്പിച്ചില്ല. കേരളത്തിൽ യു.ഡി.എഫ് നേതൃത്വത്തിൽ ഭരണമുണ്ടാകും. പരാജിതന്‍റെ കപട ആത്മവിശ്വാസമാണ് മുഖ്യമന്ത്രിക്കെന്നും ചെന്നിത്തല മാധ്യമങ്ങളോട് പറഞ്ഞു.

കേരളത്തിൽ തുടർഭരണം ജനങ്ങൾ ആഗ്രഹിക്കുന്നതായി എൽ.ഡി.എഫ് കൺവീനർ എ. വിജയരാഘവൻ പറഞ്ഞു. തെരഞ്ഞെടുപ്പ് ഫലം സംബന്ധിച്ച് എൽ.ഡി.എഫ് തികഞ്ഞ ആത്മവിശ്വാസത്തിലാണ്. കഴിഞ്ഞ തവണത്തേക്കാൾ സീറ്റുകൾ ലഭിക്കും. തുടർഭരണം വന്നാൽ യു.ഡി.എഫ് തകരുമെന്നും വിജയരാഘവൻ മാധ്യമങ്ങളോട് പറഞ്ഞു.

Show Full Article
TAGS:Ramesh Chennithala A Vijayaraghavan UDF LDF 
News Summary - Chennithala says UDF will win big; Continuing rule says A. Vijayaraghavan
Next Story