വിശ്വാസ്​ മേത്തയെ മുഖ്യ വിവരാവകാശ കമീഷണറായി നിയമിക്കാനുള്ള തീരുമാനത്തിൽ വിയോജിച്ച്​ ചെന്നിത്തല

തിരുവനന്തപുരം: ചീഫ് സെക്രട്ടറി ഡോ. വിശ്വാസ് ​മേത്തയെ മുഖ്യ വിവരാവകാശ കമീഷണറായി നിയമിക്കാനുള്ള സര്‍ക്കാര്‍ തീരുമാനത്തില്‍ വിയോജിപ്പ്​ പ്രകടിപ്പിച്ച്​ പ്രതിപക്ഷനേതാവ് രമേശ് ചെന്നിത്തല. ഇൗ വിഷയത്തിലെ ത​െൻറ വിയോജനക്കുറിപ്പ് സര്‍ക്കാറിന്​ അദ്ദേഹം കൈമാറി. മുഖ്യമന്ത്രി പിണറായി വിജയൻ, നിയമമന്ത്രി എ.കെ. ബാലൻ, പ്രതിപക്ഷ നേതാവ് ചെന്നിത്തല എന്നിവരടങ്ങുന്ന സമിതി വിവരാവകാശ കമീഷണറെ തെരഞ്ഞടുക്കാനായി കഴിഞ്ഞദിവസം യോഗം ചേര്‍ന്നിരുന്നു.

ഓണ്‍ലൈനായി നടന്ന യോഗത്തിൽ ഇൻറർനെറ്റി​െൻറ പ്രശ്​നം കാരണം തനിക്ക്​ കൃത്യമായി കാര്യങ്ങൾ വ്യക്തമാക്കാൻ കഴിഞ്ഞില്ല. എന്നാലും ആ യോഗത്തിൽ താൻ ത​െൻറ നിലപാട്​ വ്യക്തമാക്കിയിരുന്നെന്ന്​ ചെന്നിത്തല വ്യക്തമാക്കി. എന്നാൽ, വിശ്വാസ്​ മേത്തയെ മുഖ്യ വിവരാവകാശ കമീഷണറായി നിയമിക്കാൻ ​െഎകകണ്​ഠ്യേന തീരുമാനി​െച്ചന്ന നിലയിലാണ്​ മാധ്യമങ്ങളിൽ വാർത്ത വന്നതെന്ന്​ മുഖ്യമന്ത്രിക്ക്​ നൽകിയ കത്തിൽ ചെന്നിത്തല വ്യക്തമാക്കി.

വിശ്വാസ്​ മേത്തയെ ഇൗ സ്​ഥാനത്തേക്ക്​ നിയമിക്കുന്നതിനോട്​ തനിക്ക്​ എതിർപ്പുണ്ട്​. ജലസേചന വകുപ്പിൽ സ്വകാര്യ കൺസൾട്ടൻസികളെ നിയമിക്കാനുള്ള ചീഫ്​ സെക്രട്ടറിയുടെ തീരുമാനത്തിനെതിരെ താൻ വിജിലൻസിന്​ പരാതി നൽകിയിട്ടുണ്ട്​. അതിനാൽ തന്നെ ഇൗ നിയമനത്തിലെ ത​െൻറ എതിർപ്പ്​ മിനിട്സിൽ രേഖപ്പെടുത്തണമെന്നും പ്രതിപക്ഷനേതാവ്​ മുഖ്യമന്ത്രിക്ക്​ നൽകിയ കത്തിൽ ആവശ്യപ്പെട്ടു.

മുഖ്യ തെരഞ്ഞെടുപ്പ്​ കമീഷ​ൻ സ്​ഥാനത്തേക്ക്​ വിശ്വാസ്​ മേത്തയെ നിയമിക്കാനുള്ള സർക്കാറി​െൻറ തീരുമാനത്തെ​ പ്രതിപക്ഷനേതാവി​െൻറ നിലപാട്​ സ്വാധീനിക്കില്ല. എന്നാൽ, ചെന്നിത്തലയുടെ വി​യോജിപ്പോടെയാകും നിയമനത്തിനായുള്ള ശിപാർശ ഗവർണറുടെ അംഗീകാരത്തിനായി കൈമാറുക. ഗവര്‍ണറാണ് മുഖ്യ തെരഞ്ഞെടുപ്പ്​ കമീഷ​െൻറ നിയമനാധികാരി.

കഴിഞ്ഞ സർക്കാറി​െൻറ കാലത്ത്​ വിന്‍സൻ എം. പോളി‍െൻറ പേര് പ്രതിപക്ഷനേതാവായിരുന്ന വി.എസി‍െൻറ വിയോജനക്കുറിപ്പോടെയാണ് ഗവര്‍ണര്‍ക്ക് സമർപ്പിച്ചത്​. അതേ സാഹചര്യമാണ്​ ഇ​േപ്പാഴുമുണ്ടായിട്ടുള്ളത്​. വ്യാഴാഴ്​ച ചേർന്ന യോഗത്തിലാണ്​ പരിഗണനയിലുണ്ടായിരുന്ന 14 പേരിൽനിന്നും ഇൗമാസം 28ന്​ വിരമിക്കുന്ന വിശ്വാസ്​ മേത്തയെ മുഖ്യ വിവരാവകാശ കമീഷണറായി നിയമിക്കാൻ തീരുമാനിച്ചത്​.