Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസർവേകൾക്കെതിരെ...

സർവേകൾക്കെതിരെ ചെന്നിത്തല തെരഞ്ഞെടുപ്പ്​ കമ്മീഷന്​ പരാതി നൽകി

text_fields
bookmark_border
സർവേകൾക്കെതിരെ ചെന്നിത്തല തെരഞ്ഞെടുപ്പ്​ കമ്മീഷന്​ പരാതി നൽകി
cancel

തിരുവനന്തപുരം: തെരഞ്ഞെടുപ്പിന്​ മുന്നോടിയായുള്ള സർവേകൾ തടയണമെന്നാവശ്യപ്പെട്ട്​ പ്രതിപക്ഷ നേതാവ്​ രമേശ്​ ചെന്നിത്തല. ഇക്കാര്യമുന്നയിച്ച്​ മുഖ്യ തെരഞ്ഞെടുപ്പ്​ കമ്മീഷണർക്ക്​ പരാതി നൽകി. സർവേകൾ കൃത്രിമവും ജനാഭിപ്രായത്തെ സ്വധീനിക്കാനുള്ള ഗൂഡാലോചനയുമാണെന്ന്​ പരാതിയിൽ ചൂണ്ടിക്കാട്ടി.

കേരളത്തിൽ ഇടതുപക്ഷത്തിന്​ തുടർഭരണം പ്രവചിക്കുന്ന സർവേകളാണ്​ മാധ്യമങ്ങൾ പുറത്ത്​ വിട്ടത്​. ഇതിനെതിരെ രമേശ്​ ചെന്നിത്തല കഴിഞ്ഞ ദിവസം പരസ്യമായി രംഗത്തെത്തിയിരുന്നു. പിണറായി സർക്കാർ 200 കോടി രൂപയുടെ പരസ്യം ​കൊടുത്തതിന്‍റെ ഉപകാര സ്​മരണയാണ്​ ചില മാധ്യമങ്ങൾ സർവേയിലൂടെ കാണിക്കുന്നതെന്നാണ്​​ ചെന്നിത്തല പറഞ്ഞത്​. കേന്ദ്രത്തിൽ നരേന്ദ്ര മോദി സർക്കാർ ചെയ്യുന്നത്​ പോലെ കേരളത്തിൽ പിണറായി സർക്കാർ മാധ്യമങ്ങളെ വിരട്ടിയും പരസ്യം നൽകിയും വരുതിയിലാക്കുകയാണ്​. അഭിപ്രായ സർവേകൾ യാഥാർഥ്യത്തിന്​ എതിരാണെന്നും ഒരുശതമാനും വോട്ടർമാർ പോലും ഇതിൽ പ​ങ്കെടുത്തില്ലെന്നും ചെന്നിത്തല പറഞ്ഞു. മൂന്ന്​ മാധ്യമങ്ങൾക്ക്​ വേണ്ടി ഒരു സ്​ഥാപനമാണ്​ സർവേ നടത്തിയത്​. ജനഹിതം അട്ടിമറിക്കാൻ അഭിപ്രായ സർവേകൾ ദുരുപയോഗം ചെയ്യുകയാണ്​. ലോക്​സഭ തെരഞ്ഞെടുപ്പിൽ നടന്നത്​ പോലെ മറുനാടൻ കമ്പനികൾ സർവേകൾ പടച്ചുവിടുകയാണെന്നും ചെന്നിത്തല ആരോപിച്ചു.

തെരഞ്ഞെടുപ്പിന്​ മുന്നോടിയായി നടക്കുന്ന സർവേകൾ കാൽക്കാശിന്​ വിലയില്ലാത്തതാണെന്ന്​ മുസ്​ലിം ലീഗ്​ നേതാവ്​ പി.കെ. കുഞ്ഞാലിക്കുട്ടിയും അഭിപ്രായപ്പെട്ടിരുന്നു. പ്രവർത്തകരുടെ ആത്മവിശ്വാസം തകർക്കാനുള്ള പദ്ധതിയാണിത്​. കാൽക്കാശിന്‍റെ​ വിലയില്ലാത്ത സർവേകൾ പലതവണ തെറ്റിയിട്ടുണ്ട്​ -കുഞ്ഞാലിക്കുട്ടി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ChennithalaPre Poll Surveyassembly election 2021
News Summary - Chennithala complaint against the surveys
Next Story