ഹര്‍ത്താല്‍ ദിനത്തില്‍ മകന് വിവാഹനിശ്ചയം; ചെന്നിത്തല സ്‌കൂട്ടറിൽ

കൊച്ചി: ഇന്ധന വിലവർധനയില്‍ പ്രതിഷേധിച്ച് കോണ്‍ഗ്രസ് രാജ്യവ്യാപകമായി ആഹ്വാനം ചെയ്ത ഭാരത് ബന്ദ് ദിനത്തില്‍ പ്രതിപക്ഷ നേതാവ് രമേശ് ചെന്നിത്തലയുടെ മകന് വിവാഹനിശ്ചയം. നേര​േത്ത നിശ്ചയിച്ചിരുന്നതിനാൽ ചടങ്ങ്​ നടത്തുകയായിരുന്നു. മക​​െൻറ വിവാഹനിശ്ചയമായിരു​െന്നങ്കിലും രാവിലെ നഗരത്തിൽ കാളവണ്ടിയിൽ യാത്ര ചെയ്ത് പ്രതിഷേധം രേഖപ്പെടുത്തിയശേഷം സ്കൂട്ടറിലാണ് രമേശ് വിവാഹ നിശ്ചയവേദിയിലെത്തിയത്.

വൈറ്റില സ്വദേശിയായ വ്യവസായി ഭാസിയുടെ മകള്‍ ശ്രീജയാണ്​ രമേശി​​െൻറ മകന്‍ ഡോ. രോഹിത്തി​​െൻറ വധു. രോഹിത്ത് അമൃത ആശുപത്രിയിലെ റേഡിയോളജിസ്​റ്റും ശ്രീജ അമേരിക്കയിൽ മെഡിക്കൽ വിദ്യാർഥിനിയുമാണ്. ഫെബ്രുവരി 17നാണ് വിവാഹം.