Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightജലീലി​െൻറ ഭാര്യയുടെ...

ജലീലി​െൻറ ഭാര്യയുടെ സ്ഥാനക്കയറ്റത്തെ കുറിച്ച്​ അന്വേഷിക്കണം -ചെന്നിത്തല

text_fields
bookmark_border
ജലീലി​െൻറ ഭാര്യയുടെ സ്ഥാനക്കയറ്റത്തെ കുറിച്ച്​ അന്വേഷിക്കണം -ചെന്നിത്തല
cancel

കൊച്ചി: ബന്ധുനിയമന വിവാദത്തിൽ ആരോപിതനായ മന്ത്രി കെ.ടി ജലീലിനെതിരെ പ്രതിപക്ഷ നേതാവ് രമേശ്​​ ചെന്നിത്തല. ബന്ധുക്കൾക്ക്​ ദാനം ചെയ്യാനുള്ളതല്ല സർക്കാർ പദവികൾ. ആരോപണങ്ങളോട്​ അഹന്തയോടെയാണ്​ മന്ത്രിമാർ പ്രതികരിക്കുന്നത്​. സർക്കാർ പദവികൾ മന്ത്രിമാരുടെ തറവാട്ട്​ സ്വത്തല്ലെന്നും മലവെള്ളം പോ​െലയാണ്​ കെ.ടി ജലീലിനെതിരായ അഴിമതി ആരോപണങ്ങളെന്നും ചെന്നിത്തല ​വാർത്താ സമ്മേളനത്തിൽ പറഞ്ഞു.

ഏത്​ മന്ത്രി അഴിമതി നടത്തിയാലും മുഖ്യമന്ത്രി സംരക്ഷിക്കുന്നു. മുഖ്യമന്ത്രിയുടെ മൗനം ജലീലി​െന രക്ഷിക്കാനാണ്​. എന്തുകൊണ്ട് മന്ത്രിയെ​ പുറത്താക്കുന്നില്ല എന്നുള്ളത്​ പിണറായി വിജയൻ വ്യക്​തമാക്കണം. ജലീലി​​​​െൻറ ഭാര്യയുടെ സ്ഥാനക്കയറ്റത്തെ കുറിച്ച്​ അന്വേഷിക്കണമെന്നും ചെന്നിത്തല ആവശ്യപ്പെട്ടു. ജ​ലീ​ലി​​​​െൻറ ഭാ​ര്യ​ക്ക് വി​ദ്യാ​ഭ്യാ​സ​ച​ട്ട​ങ്ങ​ൾ ലം​ഘി​ച്ചാ​ണ്​ വ​ളാ​ഞ്ചേ​രി ഹ​യ​ർ സെ​ക്ക​ൻ​ഡ​റി സ്കൂ​ൾ പ്രി​ൻ​സി​പ്പ​ലാ​യി നി​യ​മ​നം ന​ൽ​കി‍യ​തെ​ന്ന് ആ​രോ​പ​ണം ഉയർന്നിരുന്നു.

ഇ.പി ജയരാജ​നെ വീണ്ടും മന്ത്രിയാക്കിയത്​ അഴിമതിക്കുള്ള ലൈസൻസാണ്​. ആരോപണം ഉന്നയിക്കുന്നവരോട്​ കോടതിയിൽ പോകാൻ പറയുന്നത്​ സർക്കാരി​​​​െൻറ അഹങ്കാരമാണെന്നും അദ്ദേഹം പറഞ്ഞു.

ആറ്​ ദിവസമായിട്ടും നെയ്യാറ്റിൻകരയിൽ നടന്ന കൊലപാതക കേസിലെ പ്രതി ഡി.വൈ.എസ്​.പിയെ പിടികൂടാൻ പൊലീസി​ന്​ കഴിഞ്ഞിട്ടില്ല. ഡി.വൈ.എസ്​.പി ഹരികുമാറിന്​ ഉന്നതരുടെ പിന്തുണയുണ്ടെന്നും അതിനാലാണ്​ കേരളാ പൊലീസിന്​ അയാളെ പിടികൂടാൻ സാധിക്കാത്തതെന്നും ചെന്നിത്തല വാർത്താ സമ്മേളനത്തിൽ ആരോപിച്ചു.

സി.പി.എമ്മിലെ ജില്ലാ തലത്തിലുള്ള നേതാക്കളാണ്​ ഇതിനുള്ള എല്ലാ ഒത്താശകളും ചെയ്​തുകൊണ്ടിരിക്കുന്നത്​. സാക്ഷികളെ ഭീഷണിപ്പെടുത്തി കേസ്​ അട്ടിമറിക്കാനാണ്​ പൊലീസ്​ ശ്രമിക്കുന്നത്​. സംസ്ഥാന പൊലീസ്​ അന്വേഷിച്ചാൽ ഹരികുമാർ പുഷ്​പം പോലെ രക്ഷപ്പെടുമെന്നും ചെന്നിത്തല പറഞ്ഞു.

പ്രതി ഡി.വൈ.എസ്​.പിയാണെന്ന്​ തെളിഞ്ഞിട്ടും എന്തിനാണ്​ കേസ്​ ക്രൈം ബ്രാഞ്ചിന്​ വിട്ടതെന്നും ചെന്നിത്തല ചോദിച്ചു. സമയം കളയാൻ വേണ്ടിയാണ്​ കേസ്​ അവർക്ക്​ വിട്ടത്​. പൊതുസമൂഹത്തി​​​​െൻറ ശ്രദ്ധയിൽ നിന്നും ​കേസ്​ മാഞ്ഞുപോകുന്നത്​ വരെ അനന്തമായി വലിച്ച്​ നീട്ടാനുള്ള ശ്രമമാണ്​ ഇവർ നടത്തുന്നതെന്നും ചെന്നിത്തല ആരോപിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ramesh chennithalakerala newskt jaleelnepotism
News Summary - chennithala against kt jaleel-kerala news
Next Story