പ്രളയം:വീഴ്​ചയുടെ ഉത്തരവാദിത്തം സർക്കാറിനും മുഖ്യമന്ത്രിക്കും- ചെന്നിത്തല

തിരുവനന്തപുരം: ചെറുതോണി ഒഴികെ മറ്റ്​ അണക്കെട്ടുകൾ മുന്നറിയിപ്പില്ലാതെയാണ്​ തുറന്നതെന്നും ഇതാണ്​ പ്രളയത്തിന്​ കാരണമായതെന്നും ആവർത്തിച്ച്​ പ്രതിപക്ഷനേതാവ്​ രമേശ്​ ചെന്നിത്തല. വീഴ്​ചയുടെ ഉത്തരവാദിത്തം സർക്കാറിനും മുഖ്യമന്ത്രിക്കുമാണെന്നും അദ്ദേഹം വാർത്തസമ്മേളനത്തിൽ കുറ്റപ്പെടുത്തി. ത​​​​െൻറ ആരോപണത്തിന്​ മുഖ്യമന്ത്രി പിണറായി വിജയൻ നൽകിയ മറുപടി തള്ളി ആരോപണം ആവർത്തികയായിരുന്നു ചെന്നിത്തല.  

സ്വന്തം വീഴ്​ച മറച്ചുവെക്കാൻ മുഖ്യമന്ത്രി ത​​​​െൻറ ഫേസ്​ബുക്ക്​ പോസ്​റ്റ്​ വളച്ചൊടിക്കുകയാണ്. തലക്ക് മീതെ വെള്ളം ഉയര്‍ന്ന് ജനം പരക്കംപായുമ്പോഴാണ് മുഖ്യമന്ത്രിയുടെ മുന്നറിയിപ്പ്​ ഫേസ്ബുക്ക് പോസ്​റ്റെന്നതാണ് ശ്രദ്ധേയം. അർധരാത്രി തലക്ക്​ മീതെ വെള്ളം വന്നുെവന്ന്​ പറഞ്ഞത്​ സി.പി.എമ്മി​​​​െൻറ രാജു എബ്രഹാമാണ്​. 12 ലക്ഷം ജനങ്ങളെ ക്യാമ്പുകളിലെത്തിച്ചതി​​​​െൻറ ഉത്തരവദിത്തം മുഖ്യമന്ത്രിക്കാണ്.​

ബാണാസുര സാഗർ തുറന്നതിൽ വീഴ്​ചയുണ്ടെന്ന്​ വയനാട്​ സബ്​കലക്​ടർ പറഞ്ഞിട്ടുണ്ട്​. ഇടമലയാർ നിറയാൻ കാരണം വാച്ച്​ മരത്തിലെ ഷട്ടർ അടയ്​ക്കാത്തതുകൊണ്ടാണ്​​. ഇതാണ്​  പെരിങ്ങൽകുത്ത്​ അപ്പർ ഷോളയാർ വെള്ളം ലോവർ പെരിയാറി​െലത്താൻ കാരണം.

ഡാമില്ലെങ്കിലും മീനച്ചിലും അച്ചൻകോവിലാറും കരകവിയുമെന്നും ചെന്നിത്തല പറഞ്ഞു. റാന്നിയിൽ രാത്രി ഒരുമണിക്കാണ്​ മൈക്ക്​ അനൗൺസ്​മ​​​െൻറ്​ നടത്തിയത്​. പെരിയാറ്റിലും പമ്പയിലും   കിലോമീറ്ററുകളോളം ഉള്ളിലേക്ക് വെള്ളംകയറി. പക്ഷേ, നൂറ്​ മീറ്ററിനുള്ളില്‍ താമസിക്കുന്നവര്‍ മാറിതാമസിക്കണമെന്നാണ് മുന്നറിയിപ്പ് നല്‍കിയതെന്നും അദ്ദേഹം കുറ്റപ്പെടുത്തി. 

ചെന്നിത്തലയുടെ വാദം ഖണ്ഡിച്ച്​ മുഖ്യമന്ത്രി
തിരുവനന്തപുരം: അണക്കെട്ട്​ തുറന്നതിനെക്കുറിച്ച​ പ്രതിപക്ഷ േനതാവ്​ രമേശ്​ ​െചന്നിത്തലയുടെ വിമർശനത്തിൽ കഴമ്പില്ലെന്ന്​ മുഖ്യമന്ത്രി പിണറായി വിജയൻ. രമേശി​​െൻറ ആരോപണങ്ങൾക്ക് അദ്ദേഹത്തി​​​െൻറ തന്നെ ഫേസ്​ബുക്ക്​​ പോസ്​റ്റുകൾ മറുപടിയാണെന്ന്​ മുഖ്യമന്ത്രി വാർത്തസമ്മേളനത്തിൽ പറഞ്ഞു.

വലിയ മഴയെതുടർന്നാണ്​​ അപ്രതീക്ഷിതമായി ഡാമുകളിൽ ജലനിരപ്പുയർന്നതും ഷട്ടറുകൾ നിയന്ത്രിതമായി തുറക്കേണ്ടിവന്നതും. കാലടി, പെരുമ്പാവൂർ, ആലുവ പ്രദേശങ്ങളിലെ വെള്ളപ്പൊക്കത്തിന് ഇടുക്കി, ഇടമലയാർ ഡാമുകളിലെ വെള്ളം മാത്രമല്ല, നദിയിലേക്ക്​ കുത്തിയൊഴുകി വന്ന സ്വാഭാവിക വെള്ളവും കാരണമാണ്​. അച്ചൻകോവിലാറ്റിലെ വെള്ളപ്പൊക്കമാണ് പന്തളം പ്രദേശത്തെ വെള്ളത്തിലാഴ്ത്തിയത്. മണിമലയാറിലെ വെള്ളമാണ് തിരുവല്ല പ്രദേശത്തെ വെള്ളത്തിലാഴ്ത്തിയത്. ഈ രണ്ടുനദികളിലും ഡാമില്ല. പാലായിൽ മീനച്ചലാറിലെ വെള്ളവും നിലമ്പൂരിൽ ചാലിയാറിലെ വെള്ളവുമാണ്​ പ്രളയമുണ്ടാക്കിയത്​. മീനച്ചലാറിലും ചാലിയാറിലും ഡാമില്ല. മിക്കവാറും എല്ലായിടത്തും ഉരുൾപൊട്ടലും വെള്ളപ്പൊക്കവും മറ്റ്​ ദുരന്തങ്ങളുമുണ്ടായിട്ടുണ്ട്. മഴ മൂലമാണിത്​, ഡാം തുറന്നുവിട്ടതുകൊണ്ടല്ല.

ഇടമലയാർ, ഇടുക്കി, പമ്പ-കക്കി-ആനത്തോട് ഡാമുകൾ മുന്നറിയിപ്പോടെയാണ്​​ തുറന്നത്​. ബാണാസുര സാഗർ മുന്നറിയിപ്പില്ലാതെ തുറക്കാറുള്ളവയുടെ പട്ടികയിൽപെടുന്നതാണ്. ആഗസ്​റ്റ്​ എട്ട്, ഒമ്പത്, പത്ത് തീയതികളിൽ മഴയിൽ ഡാമുകൾ നിറഞ്ഞപ്പോൾ മറ്റ് അപകടം ഒഴിവാക്കുന്നതിനാണ് മുന്നറിയിപ്പോടെ തുറക്കേണ്ടിവന്നത്. രമേശ് പറയുന്നതുതന്നെ, ബി.ജെ.പി നേതാക്കളും പറയുന്നുണ്ട് എന്നതിനാൽ ഇരുകൂട്ടർക്കും വെവ്വേറെ മറുപടി പറയുന്നില്ലെന്നും മുഖ്യമന്ത്രി കൂട്ടിച്ചേർത്തു.