Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വാശ്രയ മെഡിക്കൽ ഫീസ് ...

സ്വാശ്രയ മെഡിക്കൽ ഫീസ് വർധന സർക്കാറിന്‍റെ ഒത്തുകളി -ചെന്നിത്തല

text_fields
bookmark_border
Ramesh-Chennithala
cancel

തിരുവനന്തപുരം: സാശ്രയ മെഡിക്കല്‍ ഫീസ് വർധന മാനേജ്​മ​െൻറുകളുടെയും സര്‍ക്കാറി​​െൻറയും ഒത്തുകളിയുടെ ഭാഗമാ​െണ ന്ന്​ പ്രതിപക്ഷനേതാവ്​ രമേശ്​ ചെന്നിത്തല. കഴിഞ്ഞ യു.ഡി.എഫ് സര്‍ക്കാറി​​െൻറ കാലത്ത് അഞ്ച് വര്‍ഷം കൊണ്ട് 47,000 വര്‍ ധിപ്പിച്ചതിനെ എതിര്‍ത്ത ഇടത് മുന്നണി അധികാരത്തില്‍ എത്തിയപ്പോള്‍ ഈ വര്‍ഷം മാത്രം അരലക്ഷം വരെ വർധിപ്പിച്ചിരി ക്കുകയാണ്. മുന്‍വര്‍ഷത്തെ ഫീസില്‍നിന്ന്​ പത്ത് ശതമാനം വർധനയാണ് രാജേന്ദ്രബാബു കമീഷന്‍ നടത്തിയിരിക്കുന്നതെന്നും അദ്ദേഹം പ്രസ്​താവനയിൽ പറഞ്ഞു.

ഫീസ് വര്‍ധിപ്പിക്കുന്നതിന്​ മാനേജ്​മ​െൻറുകള്‍ക്ക് കോടതിയില്‍ പോകുന്നതിനുള്ള അവസരം കൂടിയാണ് സര്‍ക്കാര്‍ തുറന്നിടുന്നത്. കോടതി നിര്‍ദേശപ്രകാരം യഥാസമയം കമ്മിറ്റി പുനഃസംഘടിപ്പിക്കാതെ ഒരാഴ്ച മുമ്പ്​ തട്ടിക്കൂട്ട് സമിതി ഉണ്ടാക്കി ഫീസ് വര്‍ധിപ്പിക്കുകയാണ്. നീറ്റ് നടപ്പാക്കിയതോടെ മെഡിക്കല്‍ വിദ്യാഭ്യാസ പ്രവേശം ഉടച്ചുവാര്‍ക്കാനുള്ള സുവര്‍ണാവസരമാണ് സര്‍ക്കാറിന് ലഭിച്ചത്. മാനേജ്​മ​െൻറുകളുമായി ഒത്തുകളിച്ച്​ കാലതാമസം വരുത്തി എല്ലാഅവസരങ്ങളും കളഞ്ഞുകുളിക്കുകയാണ് സര്‍ക്കാര്‍ ചെയ്തതെന്നും അദ്ദേഹം പറഞ്ഞു.

‘കാരുണ്യ പദ്ധതി നിര്‍ത്തലാക്കാനുള്ള തീരുമാനത്തില്‍നിന്ന് പിന്മാറണം’
തിരുവനന്തപുരം: സംസ്ഥാനത്തെ പതിനായിരക്കണക്കിന് പാവപ്പെട്ട രോഗികള്‍ക്ക് ആശ്വാസമായ കാരുണ്യ ബെനവലൻറ് ​പദ്ധതി നിര്‍ത്തലാക്കാനുള്ള തീരുമാനത്തില്‍നിന്ന്​ സര്‍ക്കാര്‍ പിന്തിരിയണമെന്നാവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തല മുഖ്യമന്ത്രിക്ക് കത്ത് നല്‍കി.

അടിയന്തര ശസ്ത്രക്രിയ കാത്തുനില്‍ക്കുന്ന നിരവധി നിർധന രോഗികളുടെ ജീവിതമാണ് കാരുണ്യ ബെനവലൻറ്​ പദ്ധതി നിര്‍ത്തലാക്കാനുള്ള തീരുമാനം കാരണം ദുസ്സഹമായിരിക്കുന്നതെന്ന് കത്തില്‍ ചൂണ്ടിക്കാട്ടി. കഴിഞ്ഞ യു.ഡി.എഫ്​ സര്‍ക്കാര്‍ 2011-12 വര്‍ഷ ബജറ്റിലൂടെ കൊണ്ടുവന്ന സ്വപ്നപദ്ധതിയായിയ കാരുണ്യ ബെനവലൻറ്​ ചികിത്സപദ്ധതി വഴി സംസ്ഥാനത്തെ ലക്ഷക്കണക്കിന് സാധാരണക്കാര്‍ക്കാണ് ഇതുവരെ ആശ്വാസമെത്തിക്കാന്‍ സാധിച്ചത്.

കാരുണ്യപദ്ധതി നിര്‍ത്തലാക്കി അതിന് പകരമായി കേന്ദ്ര സര്‍ക്കാറി​​െൻറ ആരോഗ്യ ഇന്‍ഷുറന്‍സ് പദ്ധതി നടപ്പാക്കാനാണ് സര്‍ക്കാര്‍ തീരുമാനിച്ചിരിക്കുന്നത്. സമൂഹത്തിലെ ഏറ്റവും താഴെക്കിടയില്‍ നില്‍ക്കുന്നവരെ ഇൻഷുറന്‍സി​​െൻറ നൂലാമാലകളില്‍ കുടുക്കി ചികിത്സ നിഷേധിക്കുന്ന നിലപാടാണ് ഇന്‍ഷുറന്‍സ് നടപ്പാക്കുന്ന സ്വകാര്യ ഏജന്‍സികള്‍ സ്വീകരിക്കാന്‍ പോകുന്നതെന്നും കത്തില്‍ പറഞ്ഞു.

Show Full Article
TAGS:fee hike self finance chennithala medical fee kerala news malayalam news 
News Summary - Chennithala about Self finance medical fee hike -Kerala news
Next Story