അടിപിടി കേസിന്​ ബലം കൂട്ടാൻ മോഷണ പരാതിയും; പുലിവാലു പിടിച്ച്​ സഹോദരങ്ങൾ

ചെങ്ങന്നൂർ: അടിപിടി കേസ്​ ശക്​തമാക്കാനായി മോഷണം നടന്നെന്ന്​ വ്യാജ പരാതി നൽകിയ സഹോദരങ്ങൾക്കെതിരെ കേസെടുക്കുമെന്ന്​ പൊലീസ്​. മുളക്കുഴ കരയ്ക്കാട് പണിക്കേഴ്സ് ഗ്രാനൈറ്റ്സ് സ്ഥാപന ഉടമകളായ തട്ടാ വിളയിൽ മഹേഷ് പണിക്കർ, സഹോദരൻ പ്രകാശ് പണിക്കർ എന്നിവർക്കെതിരെ കേസെടുക്കുമെന്നാണ്​ പൊലീസ് അറിയിച്ചത്​. എൻ.സി.പി ചെങ്ങന്നൂർ നിയോജക മണ്ഡലം സെക്രട്ടറിയാണ്​ മഹേഷ് പണിക്കർ.

രണ്ടുകോടി രൂപ വിലയുള്ള പഞ്ചലോഹ നിർമ്മിത അയ്യപ്പവിഗ്രഹം തങ്ങളെയും ജോലിക്കാരെയും ആക്രമിച്ച ശേഷം നിർമ്മാണ ശാലയിൽ നിന്നും ഞായറാഴ്ച രാത്രി ഒരു സംഘം എടുത്തു കൊണ്ടുപോയതായാണ് പരാതി. അറുപത് കിലോഗ്രാം തൂക്കമുള്ള വിഗ്രഹം മോഷ്​ടിക്കപ്പെട്ടുവെന്നാണ്​ പരാതി നൽകിയത്​.

​എന്നാൽ, പൊലീസി​െൻറ പരിശോധനയിൽ പരാതി സംബന്ധിച്ച്​ സംശയങ്ങളുയരുകയായിരുന്നു. അടിപിടി നടന്നതല്ലാതെ മോഷണം നടന്നിട്ടില്ലെന്നു മനസ്സിലാക്കിയ അന്വേഷണ സംഘം, വിഗ്രഹം പിന്നീട്​ ഉപേക്ഷിച്ച നിലയിൽ കണ്ടെത്തുകയും ചെയ്​തു.

ആലപ്പുഴയിൽ നിന്നെത്തിയ ഫോറൻസിക് വിദഗ്ധ ഡോ.വി.ചിത്ര, വിരലടയാള വിദഗ്​ദൻ ജി.അജിത്ത് എന്നിവർ വിഗ്രഹം പരിശോധിച്ച്​ തെളിവുകൾ ശേഖരിച്ചു. ശേഷം വിഗ്രഹം ചെങ്ങന്നൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി. അപ്രൈസർമാരെ വരുത്തി നടത്തിയപരിശോധനയിൽ സ്വർണ്ണത്തി​െൻറ അളവ്​ കുറവാണെന്നും ആകെ തൂക്കം 32.6 കി​േലാ ഗ്രാം മാത്രമാണെന്നും കണ്ടെത്തി .

വിഗ്രഹം കവർച്ചക്കാർ എറിഞ്ഞ നിലയിലായിരുന്നെങ്കിൽ അതിൽ ചെളിയോ അഴുക്കോ പുരളേണ്ടതാണ്​. എന്നാൽ, കൊണ്ടുവെച്ച രൂപത്തിലാണ്​ വിഗ്രഹം കണ്ടെത്തിയതെന്ന്​ പൊലീസ്​ പറയുന്നു.