ചെങ്ങന്നൂരിലെ പരാജയത്തിൻറ ഉത്തരവാദിത്തം ഏറ്റെടുത്ത്​ നേതാക്കൾ

തിരുവനന്തപുരം: ചെങ്ങന്നൂരിലെ പരാജയത്തി‍​​െൻറ ഉത്തരവാദിത്തം ഏറ്റെടുത്ത്​ കോൺഗ്രസ്​ നേതാക്കൾ. പരാജയത്തില്‍ എല്ലാവർക്കും ഉത്തരവാദിത്തമുണ്ടെന്നും ഒന്നോ രണ്ടോ പേരുടെ തലയില്‍ കെട്ടി​വെക്കാനാവില്ലെന്നും പ്രതിപക്ഷനേതാവ് രമേശ് ചെന്നിത്തല  പറഞ്ഞു. ഉത്തരവാദിത്തം എല്ലാവർക്കുമുണ്ടെന്ന് മുന്‍ മുഖ്യമന്ത്രി ഉമ്മന്‍ ചാണ്ടിയും വ്യക്തമാക്കി. ആരെയെങ്കിലും ബലിയാടാക്കിയാൽ തോൽവി വിജയമാകു​മെങ്കിൽ താൻ അതിനു​ തയാറാണെന്ന്​ കെ.പി.സി.സി ​അധ്യക്ഷൻ എം.എം. ഹസനും പറഞ്ഞു.

തിരുവനന്തപുരത്ത്​ ഇന്ദിരഭവനിൽ നടന്ന കെ.എസ്​.യു ജന്മദിന സമ്മേളനത്തിലാണ്​ നേതാക്കൾ ഒരേസ്വരത്തിൽ സംസാരിച്ചത്​. കേരള നേതാക്കളെ ഡൽഹിക്ക്​ വിളിപ്പിച്ച സാഹചര്യത്തിലായിരുന്നു കുറ്റസമ്മതം.​ സംഘടനാ ദൗര്‍ബല്യമുണ്ടായിരു​െന്നന്ന്​ ചെന്നിത്തല സമ്മതിച്ചു.  ഉത്തരവാദിത്തം താൻ ഏറ്റെടുക്കുന്നു. ഗ്രൂപ്​ തർക്കം ഇല്ലായിരുന്നു. പരാജയ കാരണം വിലയിരുത്തും, പഠിക്കും- ചെന്നിത്തല പറഞ്ഞു. 
സംഘടനാ ബലഹീനത കണ്ടെത്തി കൂട്ടായി തിരുത്തുമെന്ന്​ ഉമ്മൻചാണ്ടി പറഞ്ഞു. സംഘടനാ ദൗർബല്യങ്ങൾ ഉണ്ടായിരു​െന്നന്നും ഉത്തരവാദിത്തം ആരുടെയെങ്കിലും തലയിൽ കെട്ടി​െവച്ച് ബലിയാടാക്കില്ലെന്നും ഹസന്‍ പറഞ്ഞു. കെ.എസ്.യു സംസ്ഥാന പ്രസിഡൻറ്​ കെ.എം. അഭിജിത് അധ്യക്ഷതവഹിച്ചു. 

തോൽവി: അഭിപ്രായത്തിൽ മാറ്റമില്ലെന്ന് സുധീരൻ
കോട്ടയം: ചെങ്ങന്നൂർ ഉപതെരഞ്ഞെടുപ്പിൽ യു.ഡി.എഫി​​​െൻറ പരാജയകാരണത്തെപ്പറ്റിയുള്ള ത​​​െൻറ അഭിപ്രായം മാറ്റാൻ ഉദ്ദേശിക്കുന്നില്ലെന്ന് മുൻ കെ.പി.സി.സി പ്രസിഡൻറ് വി.എം. സുധീരൻ. യു.ഡി.എഫി​​​െൻറയും കോൺഗ്രസി​​​െൻറയും സംഘടനപരമായ ദൗർബല്യമാണ് പരാജയത്തിനു കാരണമെന്നും ഗ്രൂപ് പ്രവർത്തനം പാർട്ടിയെ തളർത്തുകയാണെന്നുമായിരുന്നു സുധീരൻ കഴിഞ്ഞ ദിവസം അഭിപ്രായപ്പെട്ടത്. ഒറ്റക്കെട്ടായാണ് ചെങ്ങന്നൂരിൽ പ്രവർത്തിച്ചതെന്നും തോൽവിയുടെ ഉത്തരവാദിത്തം ഒന്നോ രണ്ടോ പേരുടെ തലയിൽ കെട്ടിവെക്കുന്നത് ശരിയ​െല്ലന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞതിന്​ പിന്നാലെയാണ് ത​​​െൻറ അഭിപ്രായത്തിൽ ഉറച്ചുനിൽക്കുന്നതായി സുധീരൻ മാധ്യമങ്ങളോട് പ്രതികരിച്ചത്.