ചെമ്പരിക്ക ഖാദിയുടെ മരണം: വീണ്ടും സി.ബി.​െഎ അന്വേഷണം നടത്തണം -ജിഫ്​രി മുത്തുക്കോയ തങ്ങൾ

കോഴിക്കോട്​: ചെമ്പരിക്ക ഖാദി സി.എം. അബ്​ദുല്ല മൗലവിയുടെ മരണം സംബന്ധിച്ച്​ വീണ്ടും സി.ബി.​െഎ അന്വേഷണം നടത്തണമ െന്ന്​ സമസ്​ത കേരള ജംഇയ്യതുൽ ഉലമ പ്രസിഡൻറ്​ മുഹമ്മദ് ജിഫ്​രി മുത്തുക്കോയ തങ്ങൾ. സമസ്​ത കേരള ജംഇയ്യതുൽ ഉലമ ഉപാധ ്യക്ഷനും പണ്ഡിതനുമായിരുന്ന അബ്​ദുല്ല മൗലവിയു​െട ഘാതകരെ പിടികൂടണമെന്നാവശ്യപ്പെട്ട്​ സമസ്​തയു​െട നേതൃത്വത് തിൽ ​ മുതലക്കുളം മൈതാനയിൽ​ സംഘടിപ്പിച്ച പ്രക്ഷോഭ സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം.

ഖാദിയുടെ മരണം ആത്മഹത്യയല്ലെന്നും കൊലപാതകമാണെന്നതിലു​ം സംശയമില്ല. മരണം ആത്മഹത്യയാണെന്ന്​ വരുത്തിത്തീർക്കാനുള്ള ശ്രമങ്ങളിൽ സംശയമുണ്ട്.ആത്മഹത്യയിലേക്ക്​ പ്രേരിപ്പിക്കുന്ന ഒരു വിഷയവും ​അദ്ദേഹത്തി​​​​െൻറ ജീവിതത്തിലില്ല. ലോക്കൽ പൊലീസ്​ മുതൽ സി.ബി.ഐ വരെ അന്വേഷണം നടത്തിയെങ്കിലും ഒമ്പതു​ വർഷമായിട്ടും ഇക്കാര്യത്തിൽ നീതി ലഭിച്ചിട്ടില്ല. സത്യം തെളിയിക്കാൻ സമസ്​ത ഏതറ്റംവരെയും പോകും. ഖാദിയുടെ മരണത്തിൽ സമ​ഗ്ര അന്വേഷണം നടത്തണമെന്ന ആവശ്യത്തിൽനിന്ന്​ സമസ്​ത കേരള ജംഇയ്യതുൽ ഉലമ ഇതുവ​െ​ര പിറകോട്ടുപോയിട്ടില്ല.

നേതാക്കന്മാർ ഒന്നു ചെയ്​തില്ലെന്ന്​ ചിലർക്ക്​ സംശയമുണ്ട്​. അങ്ങനെയുള്ള പ്രചാരണങ്ങൾ വാസ്​തവവിരുദ്ധമാണ്​. മരണവുമായി ബന്ധപ്പെട്ട്​ തെളിവില്ലാതെ ആരു​െടമേലും കുറ്റം ആരോപിക്കരുത്​. അത്​ ഇസ്​ലാമി​​​​െൻറയും സമസ്​തയുടെയും നയമല്ല. ഖാദിയുടെ മരണവുമായി ബന്ധപ്പെട്ട സത്യാവസ്ഥ പുറത്തുകൊണ്ടുവരാൻ ബന്ധപ്പെട്ടവർ തയാറായിട്ടില്ലെങ്കിൽ പ്രത്യാഘാതം വലുതായിരിക്കുമെന്നും അദ്ദേഹം പറഞ്ഞു.

പ്രക്ഷോഭ സമ്മേളനത്തിൽ സംഘാടക സമിതി ചെയർമാൻ മുഹമ്മദ്​കോയ തങ്ങൾ ജമലുല്ലൈലി അധ്യക്ഷത വഹിച്ചു. സമസ്​ത ജനറൽ സെക്രട്ടറി പ്രഫ. ആലിക്കുട്ടി മുസ്​ലിയാർ സമരപ്രഖ്യാപനം നടത്തി. ഇ.ടി. മുഹമ്മദ് ബഷീർ എം.പി, ഡോ. ഡി. സുരേന്ദ്രനാഥ്, അബ്​ദുൽ ഹമീദ് ഫൈസി അമ്പലക്കടവ്, നാസർ ഫൈസി കൂടത്തായി, ഓണമ്പിള്ളി മുഹമ്മദ് ഫൈസി എന്നിവർ സംസാരിച്ചു. ജനറൽ കൺവീനർ സത്താർ പന്തലൂർ സ്വാഗതവും കെ. മോയിൻകുട്ടി നന്ദിയും പറഞ്ഞു.