ചരിത്രത്തിലേക്ക്​ നടന്നുകയറിയ ചെമ്പൻ കൊലുമ്പൻ

ചെ​റു​തോ​ണി: അ​ഞ്ച​ടി ഉ​യ​രം, ക​റു​പ്പു​നി​റം, ചെ​മ്പി​ച്ച താ​ടി, ജ​ഡ​പി​ടി​ച്ച നീ​ണ്ട മു​ടി, മു​ട്ടി​നൊ​പ്പം വ​രു​ന്ന ഒ​റ്റ​മു​ണ്ട്, കൈ​യി​ൽ നീ​ള​മു​ള്ള വ​ടി, നി​വ​ർ​ന്ന് നെ​ഞ്ചു​വി​രി​ച്ചു​ള്ള ന​ട​ത്തം, ആ​രെ​യും കൂ​സാ​ത്ത ഭാ​വം. ഇ​താ​യി​രു​ന്നു ചെ​മ്പ​ക​ശ്ശേ​രി ന​രി​ക്കാ​ട്ട്​ വ​ന​ത്തി​ലെ ഊ​രാ​ളി മൂ​പ്പ​നാ​യി​രു​ന്ന ചെ​മ്പ​ൻ കൊ​ലു​മ്പ​ൻ. 1969 ഏ​പ്രി​ൽ 30ന് ​അ​ന്ന​ത്തെ മു​ഖ്യ​മ​ന്ത്രി ഇ.​എം.​എ​സ്. ന​മ്പൂ​തി​രി​പ്പാ​ട് ഇ​ടു​ക്കി അ​ണ​ക്കെ​ട്ടി​ന്​ ത​റ​ക്ക​ല്ലി​ടാ​നെ​ത്തി​യ​പ്പോ​ൾ ആ​ദ്യം അ​ന്വേ​ഷി​ച്ച​ത്​ ചെ​മ്പ​ൻ കൊ​ലു​മ്പ​നെ ആ​യി​രു​ന്നു. കൊ​ലു​മ്പ​ൻ മൂ​പ്പ​ന്‍റെ സാ​ന്നി​ധ്യ​ത്തി​ലാ​യി​രു​ന്നു ത​റ​ക്ക​ല്ലി​ട​ൽ.

1932ൽ ​മ​ല​ങ്ക​ര എ​സ്റ്റേ​റ്റ്​ സൂ​​പ്ര​ണ്ടാ​യി​രു​ന്ന ഡ​ബ്ല്യു.​ജെ. ജോ​ൺ കൊ​ടും​വ​ന​ത്തി​ൽ നാ​യാ​ട്ടി​ന്​ വ​ന്ന​പ്പോ​ൾ കാ​ട്ടു​മൃ​ഗ​ങ്ങ​ളെ ഭ​യ​ന്നാ​ണ്​ ക​രു​വെ​ള്ളാ​ൻ ചെ​മ്പ​ൻ കൊ​ലു​മ്പ​നെ സം​ഘ​ത്തി​ൽ ചേ​ർ​ത്ത​ത്. നി​ര​ക്ഷ​ര​നാ​യി​രു​ന്നെ​ങ്കി​ലും വ​ന​ത്തി​ന്‍റെ മു​ക്കും മൂ​ല​യും പെ​രി​യാ​റി​ന്‍റെ തി​രി​വും ഒ​ഴു​ക്കു​മെ​ല്ലാം കൊ​ലു​മ്പ​നു കാ​ണാ​പ്പാ​ഠ​മാ​യി​രു​ന്നു. ഇ​ല്ലി വെ​ട്ടി ച​ങ്ങാ​ട​മു​ണ്ടാ​ക്കി പെ​രി​യാ​റി​ന്‍റെ ഇ​രു​ക​ര​യി​ലും ജീ​വി​ക്കു​ക​യാ​യി​രു​ന്നു ഈ ​ഗോ​ത്ര​ത്ത​ല​വ​ൻ. കാ​ട്ടാ​ന​യും ക​ടു​വ​യും കാ​ട്ടു​പോ​ത്തും അ​ട​ക്കി​വാ​ണി​രു​ന്ന ഘോ​ര​വ​ന​ത്തി​ൽ മ​ല​ങ്ക​ര സൂ​പ്ര​ണ്ട് ജോ​ണി​ന്‍റെ സം​ഘ​ത്തി​ന് വ​ഴി​കാ​ട്ടി മാ​ത്ര​മാ​യി​രു​ന്നി​ല്ല സം​ര​ക്ഷ​ക​നു​മാ​യി​രു​ന്നു.

കൊ​ലു​മ്പ​ൻ ആ ​നാ​യാ​ട്ടു യാ​ത്ര​യി​ൽ വ​ന​ത്തി​ലെ പ​ല അ​തി​ശ​യ കാ​ഴ്ച​ക​ളും ജോ​ണി​ന്​ കാ​ണി​ച്ചു​കൊ​ടു​ത്തു. അ​തി​ലൊ​ന്നാ​യി​രു​ന്നു 925 മീ​റ്റ​ർ ഉ​യ​ര​മു​ള്ള കു​റ​ത്തി മ​ല​യു​ടെ​യും 839 മീ​റ്റ​ർ ഉ​യ​ര​മു​ള്ള കു​റ​വ​ൻ മ​ല​യു​ടെ​യും ഇ​ട​യി​ലൂ​ടെ കു​തി​ച്ചു​ചാ​ടു​ന്ന വെ​ള്ള​ച്ചാ​ട്ടം. ഇ​തു​ക​ണ്ട ജോ​ൺ ചി​ന്തി​ച്ച​ത്​ മു​ഴു​വ​ൻ ഇ​വി​ടെ ഒ​രു ഡാം ​കെ​ട്ടു​ന്ന​തി​നെ​ക്കു​റി​ച്ചാ​യി​രു​ന്നു.

കാ​ട്ടി​ലെ ഒ​രു വൈ​ദ്യ​ൻ കൂ​ടി​യാ​യി​രു​ന്നു കൊ​ലു​മ്പ​ൻ. മ​ര​ത്തി​ന്​ മു​ക​ളി​ൽ കെ​ട്ടി​യു​ണ്ടാ​ക്കി​യ ഏ​റു​മാ​ട​ത്തി​ലാ​യി​രു​ന്നു കൊ​ലു​മ്പ​ന്‍റെ ഉ​റ​ക്കം. കി​ഴ​ങ്ങു​വ​ർ​ഗ​ങ്ങ​ളും പെ​രി​യാ​റ്റി​ൽ​നി​ന്ന്​ പി​ടി​ച്ചെ​ടു​ക്കു​ന്ന മ​ത്സ്യ​വു​മാ​യി​രു​ന്നു ആ​ഹാ​രം. കൊ​ലു​മ്പ​ന്‍റെ ആ​ദ്യ വി​വാ​ഹ​ത്തി​ൽ ര​ണ്ടു മ​ക്ക​ളു​ണ്ടാ​യി​രു​ന്നു. ഇ​വ​ർ ജീ​വി​ച്ചി​രി​പ്പി​ല്ല. ഇ​വ​രു​ടെ മ​ക്ക​ളും കൊ​ച്ചു​മ​ക്ക​ളു​മൊ​ക്കെ പൈ​നാ​വ് കൊ​ലു​മ്പ​ൻ കോ​ള​നി​യി​ലു​ണ്ട്.

ര​ണ്ടാ​മ​ത്​ ക​ല്യാ​ണം ക​ഴി​ച്ചെ​ങ്കി​ലും മ​ക്ക​ളി​ല്ല. അ​ണ​ക്കെ​ട്ടു​മാ​യി ബ​ന്ധ​പ്പെ​ട്ട പ​ല ച​ട​ങ്ങു​ക​ളി​ലും വി​ശി​ഷ്ടാ​തി​ഥി​യാ​യി​രു​ന്നു കൊ​ലു​മ്പ​ൻ. കാ​ന​ഡ ഹൈ​ക​മീ​ഷ​ണ​റോ​ടൊ​പ്പം വേ​ദി പ​ങ്കി​ടാ​നും കൊ​ലു​മ്പ​ന്​ അ​വ​സ​രം ല​ഭി​ച്ചി​രു​ന്നു. കൊ​ച്ചു​മ​ക​ൻ ഭാ​സ്​​ക​ര​ന്‍റെ മ​ടി​യി​ൽ കി​ട​ന്നാ​ണ് കൊ​ലു​മ്പ​ൻ മ​രി​ക്കു​ന്ന​ത്. മ​രി​ക്കു​​മ്പോ​ൾ 115 വ​യ​സ്സു​ണ്ടാ​യി​രു​ന്നെ​ന്നാ​ണ് പ​റ​യു​ന്ന​ത്. കൊ​ലു​മ്പ​നെ ഓ​ർ​മി​ക്കാ​ൻ ര​ണ്ടു സ്മാ​ര​ക​മാ​ണ് ഇ​ടു​ക്കി​യി​ലു​ള്ള​ത്.

പൈ​നാ​വി​ലും ചെ​റു​തോ​ണി​ക്കു​മി​ട​യി​ൽ വെ​ള്ളാ​പ്പാ​റ​യി​ൽ വ​നം വ​കു​പ്പ് സ്ഥാ​പി​ച്ച​താ​ണ് ആ​ദ്യ പ്ര​തി​മ. തി​രു​വ​ന​ന്ത​പു​രം ഫൈ​ൻ ആ​ർ​ട്സ് കോ​ള​ജി​ലെ അ​ധ്യാ​പ​ക​ൻ കൂ​ടി​യാ​യ ശി​ൽ​പി കു​ന്നു​വി​ള മു​ര​ളി നി​ർ​മി​ച്ച ആ​റ​ടി ഉ​യ​ര​മു​ള്ള പൂ​ർ​ണ​കാ​യ പ്ര​തി​മ​യാ​ണ് ര​ണ്ടാ​മ​ത്തേ​ത്. കൊ​ലു​മ്പ​ന്‍റെ പ്ര​തി​മ​ക്കും കു​ഴി​മാ​ട​ത്തി​നും മു​ന്നി​ൽ പി​ൻ​ത​ല​മു​റ​ക്കാ​ർ ഇ​പ്പോ​ഴും വി​ള​ക്കു​വെ​ച്ച്​ പ്രാ​ർ​ഥി​ക്കു​ന്നു​ണ്ട്. പൂ​ജ​യും ന​ട​ന്നു​വ​രു​ന്നു. കൊ​ലു​മ്പ​ന്‍റെ പി​ന്മു​റ​ക്കാ​ർ​ക്ക് 156 ഏ​ക്ക​ർ സ്ഥ​ലം സ​ർ​ക്കാ​ർ പ​തി​ച്ചു​ന​ൽ​കി​യി​ട്ടു​ണ്ട്. ഇ​ടു​ക്കി​യു​ടെ ച​രി​ത്ര​മെ​ഴു​തു​ന്ന​വ​ർ​ക്ക് വി​സ്മ​രി​ക്കാ​നാ​വാ​ത്ത നാ​മ​മാ​ണ് ഇ​ന്നും ചെ​മ്പ​ൻ കൊ​ലു​മ്പ​ൻ.