ചെക്യാട്​: റീ​ന​യുമായുള്ള ചെ​റി​യ പി​ണ​ക്ക​ങ്ങ​ൾ ക​ടും​കൈ​ക്ക് രാ​ജു​വി​നെ പ്രേ​രി​പ്പി​ച്ചെ​ന്ന നി​ഗ​മ​ന​ത്തി​ൽ പൊ​ലീ​സ്

നാ​ദാ​പു​രം: ഏ​വ​രു​ടെ​യും പ്രാ​ർ​ഥ​ന​ക​ൾ വി​ഫ​ല​മാ​ക്കി അ​വ​ർ യാ​ത്ര​യാ​യി. ചെ​ക്യാ​ട് കാ​യ​ലോ​ട്ടു​താ​ഴെ പൊ​ള്ള​ലേ​റ്റ് ചി​കി​ത്സ​യി​ലാ​യ കീ​റി​യ പ​റ​മ്പ​ത്ത് റീ​ന​യും മ​ക​ൻ സ്​​റ്റ​ഫി​നും മ​രി​ച്ച​തോ​ടെ കു​ടും​ബ​ത്തി​ലെ നാ​ലു​പേ​ർ ഒ​ന്നി​നു​പി​റ​കെ ഒ​ന്നാ​യി മ​ര​ണ​ത്തി​ന് കീ​ഴ​ട​ങ്ങി​യ​ത് വി​ശ്വ​സി​ക്കാ​നാ​വാ​തെ ന​ടു​ങ്ങി​യി​രി​ക്കു​ക​യാ​ണ് മ​ല​യോ​ര ഗ്രാ​മം.

ക​ഴി​ഞ്ഞ​ദി​വ​സം മ​ര​ണ​മ​ട​ഞ്ഞ റീ​ന​യു​ടെ ഭ​ർ​ത്താ​വ് രാ​ജു​വി​‍െൻറ​യും മൂ​ത്ത​മ​ക​ൻ സ്​​റ്റാ​ലി​ഷി​‍െൻറ​യും ചി​ത​യെ​രി​ഞ്ഞു തീ​രും മു​മ്പേ​യാ​ണ് വ്യാ​ഴാ​ഴ്ച ഉ​ച്ച​യോ​ടെ റീ​ന​യു​ടെ മ​ര​ണ​വി​വ​രം നാ​ട്ടു​കാ​ര​റി​യു​ന്ന​ത്.

പോ​സ്​​റ്റു​മോ​ർ​ട്ട​ത്തി​നു​ള്ള ന​ട​പ​ടി​ക്ര​മ​ങ്ങ​ൾ തീ​ർ​ത്ത് സം​സ്കാ​ര ച​ട​ങ്ങി​ന് കാ​ത്തി​രി​ക്കെ ഇ​ള​യ മ​ക​ൻ സ്​​റ്റ​ഫി​നും മ​ര​ണ​ത്തി​ലേ​ക്ക് നീ​ങ്ങു​ക​യാ​യി​രു​ന്നു. രാ​ജു​വും റീ​ന​യും ത​മ്മി​ലു​ള്ള ചെ​റി​യ പി​ണ​ക്ക​ങ്ങ​ൾ ക​ടും​കൈ​ക്ക് രാ​ജു​വി​നെ പ്രേ​രി​പ്പി​ച്ചെ​ന്ന നി​ഗ​മ​ന​ത്തി​ലാ​ണ് പൊ​ലീ​സ് അ​ന്വേ​ഷ​ണം ന​ട​ക്കു​ന്ന​ത്.

ഇ​ത്ര​യും കൊ​ടും​ക്രൂ​ര​ത കാ​ട്ടാ​ൻ ത​ക്ക​വി​ധ​മു​ള്ള വി​ഷ​യ​ങ്ങ​ൾ ഒ​ന്നു​മി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ദു​ര​ന്ത​ദി​വ​സം സ​മീ​പ​ത്തെ വീ​ട്ടി​ൽ വി​വാ​ഹ ഒ​രു​ക്ക​ങ്ങ​ൾ​ക്ക് അ​യ​ൽ വീ​ട്ടു​കാ​രോ​ടൊ​പ്പം മ​ക്ക​ളു​മൊ​ന്നി​ച്ച് പോ​യി തി​രി​ച്ചെ​ത്തി കി​ട​ന്നു​റ​ങ്ങി​യ​വ​രാ​ണ് പു​ല​ർ​ച്ച​യോ​ടെ തീ​ഗോ​ള​മാ​യി മാ​റി​യ​ത്.

പ്ര​ദേ​ശ​ത്തെ മി​ക്ക പ​രി​പാ​ടി​ക​ളി​ലും സ​ജീ​വ സാ​ന്നി​ധ്യ​മാ​യി​രു​ന്നു റീ​ന​യും മ​ക്ക​ളും. എ​ന്നാ​ൽ, രാ​ജു പൊ​തു​വെ നാ​ട്ടു​കാ​രു​മാ​യി അ​ക​ലം പാ​ലി​ക്കു​ന്ന പ്ര​കൃ​ത​ക്കാ​ര​നാ​യി​രു​ന്നു. റീ​ന​യു​ടെ​യും സ്​​റ്റ​ഫി​‍െൻറ​യും മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ പോ​സ്​​റ്റ്​​മോ​ർ​ട്ട​ത്തി​നു​ശേ​ഷം വെ​ള്ളി​യാ​ഴ്‌​ച സം​സ്ക​രി​ക്കും.സ്വപ്നങ്ങൾ ബാക്കിയാക്കി അവർ യാത്രയായി.