പതിവായി വീട്ടിൽ ‘ചാത്തനേറ്’; പിടിയിലായത് പതിനാലുകാരൻ
text_fieldsതൊടുപുഴ: പതിവായി വീട്ടിലേക്ക് രാത്രി കല്ല് വന്ന് വീഴുന്നത് കണ്ടെത്താൻ നാട്ടുകാർ ഇറങ്ങിത്തിരിച്ചതോടെ പിടിയിലായത് പതിനാലുകാരാൻ. മണക്കാട് പഞ്ചായത്തിലെ പുതുപ്പരിയാരം ഭാഗത്താണ് സംഭവം . രണ്ടാഴ്ചയായി ഇവിടെയുള്ള ഒരു വീട്ടിലേക്ക് പതിവായി രാത്രി കല്ല് വന്ന് വീഴാൻ തുടങ്ങി. പല ദിവസവും ഒൻപതിനും പന്ത്രണ്ടിനും ഇടയ്ക്കാണ് കല്ലേറ്.
എന്നാൽ വീടിന് നാശ നഷ്ടം ഒന്നും ഉണ്ടായില്ല. സംഭവത്തെ തുടർന്ന് പൊലീസിൽ വിവരമറിയിച്ചതിനെ തുടർന്ന് പൊലീസും ഈ ഭാഗത്ത് പരിശോധന നടത്തിയെങ്കിലും ആളെ കണ്ടെത്താനായിരുന്നില്ല.
ഒടുവിൽ കഴിഞ്ഞ ദിവസം രാത്രി നാട്ടുകാർ ഉറക്കമിളച്ചിരുന്ന് ആളെ കൈയോടെ പിടികൂടുകയായിരുന്നു. പൊലീസ് എത്തിയെങ്കിലും പ്രായപൂർത്തിയാകാത്തതിനാൽ കേസ് എടുത്തില്ല. കൗൺസിലിങ് നടത്തി കുട്ടിയെ രക്ഷിതാക്കൾക്കൊപ്പം വിട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

