വിൻസെൻറ് എം.എൽ.എക്കെതിരെ കുറ്റപത്രം സമർപ്പിച്ചു

നെയ്യാറ്റിൻകര: വീട്ടമ്മയെ പീഡിപ്പിച്ച കേസിൽ കോവളം എം.എൽ.എ വിൻസ​െൻറിനെതിരെ കുറ്റപത്രം സമർപ്പിച്ചു. നെയ്യാറ്റിൻകര ജുഡീഷ്യൽ മജിസ്​േട്രറ്റ് കോടതി മൂന്നിലാണ്​ കുറ്റപത്രം സമർപ്പിച്ചത്. കഴിഞ്ഞ ബുധനാഴ്ച നെയ്യാറ്റിൻകര ഡിവൈ.എസ്.​പി ബി. ഹരികുമാർ സമർപ്പിച്ച കുറ്റപത്രം വ്യാഴാഴ്ചയാണ്​ കോടതി ഫയലിൽ സ്വീകരിച്ചത്​.

2016 നവംബർ 11നും സെപ്​റ്റംബർ 10നും വിൻ​െസൻറ് എം.എൽ.എ വീട്ടമ്മയെ ശാരീരികമായും മാനസികമായും പീഡിപ്പിച്ചതായാണ്​ വീട്ടമ്മയുടെ പരാതി. അമിതമായി ഗുളിക കഴിച്ച് വീട്ടമ്മ ആത്മഹത്യക്ക് ശ്രമിച്ചതിനെ തുടർന്ന് ബാലരാമപുരം പൊലീസിൽ പരാതി നൽകിയത് ഏറെ രാഷ്​ട്രീയ കോളിളക്കം സൃഷ്​ടിച്ചിരുന്നു. ആയിരത്തിലെറെ പേജുള്ളതാണ്​ കുറ്റപത്രം. സി.ആർ.പി.സി 164 പ്രകാരം ഒമ്പത് രഹസ്യമൊഴികളും 50 സാക്ഷികളും ഫോറൻസിക് മെഡിക്കൽ തെളിവുകളും പൊലീസ്​ കുറ്റപത്രത്തോടോപ്പം സമർപ്പിച്ചിട്ടുണ്ട്.